اعتراف من فوق السحاب

استيقظ في السابعة صباحا وتناول افطاره مسرعا ثم ذهب الي مطار القاهرة الدولي واستقل الطائره المتجهة إلي البرازيل الرحلة رقم 314 لمشاهدة ،الحدث الاسطوري، المبارة النهائيه في كأس العالم بين الفراعنة وراقصي السامبا وبينما هو في قمة السعاده والمرح لانه علي وشك مشاهدة مبارة سيسجلها التاريخ لأم الدنيا مصر ،حضارة سبعة آلاف سنه ( مصر اللي بقي طعمها جمبري ) إذا بصوت قائد الطائرة يعكر صفو احلامه قائلا" الساده ركاب الطائره نأسف لابلاغكم عن حدوث عطل في المحرك الايمن للطائره فنرجوا ربط احزمة الامان والتزام الهدوء وعدم الانزعاج من اي حركات مفاجاءه وستحل المشكلة في غضون دقائق فليلة "
واذا به ينتابه شعور بالخوف والقلق حيال ما يحدث بالطائره ..فينادي احدي المضيفات ليعرف ماذا يجري :
• لو سمحتي هي المشكله دي حصلت قبل كده ؟
• - دي المره التالته يافندم.
• يبقي اكيد هتتحل بسرعه لانها حصلت معاكوا 3 مرات قبل كده ؟
• - لاء يا فندم بالنسبة للمرتين اللي فاتوا كانت سنة 2006 وسنه 2008 في طايرات تانيه والمشكله بتبدأ بعطل في المحرك الايمن يتبعه عطل في الايسر ثم تتوقف البوصلة وفي النهاية تسقط الطائرة في المحيط...
• هو حضرتك قولتي احنا فين بالظبط ؟
• - فوق المحيط يا فندم

واذا بصوت القائد يعلو مرة اخري معلنا عن حدوث العطل الثاني ..,..
تري ماذا سيحدث بعد ذلك ؟؟؟؟؟؟؟؟
• لاء انا مش هستني اللي هيحصل بعد كده لازم اتصرف
لو سمحتي انا عايز اتكلم مع الكابتن لان عندي حل للمشكله
وعلي الفور تحدث معه عن الفكره التي ادهشت القائد فقد كان الحل ان يحاكوا ما حدث في فيلم Air Force One" " وبالفعل ارسل الكابتن فاكس يعرض الفكرة ويطلب المساعدة وها هو الرد قد وصل ويخبره الكابتن عما جاء في الرد " انهم يقولون ان الجهة الوحيدة اتي يمكنها تقديم المساعده هي "منتدي كلية الاداب قسم انجليزي " ولكنهم يشترطون تقديم احد ركاب الطائرة للجلوس علي كرسي الاعتراف وان يجيب بصراحة ووضوح علي كل اسئلة الاعضاء والا سيمتنعوا عن تقديم المساعدة
*طيب مش مكتوب اسم الراكب ايه ؟
*مكتوب اسمه Knight
* مش ممكن دا انا ، لاء مش معقول مش هينفع اعترف.
بس كده مش هلحق المبارة اللي استنيتها من زمان معقول اضيع الماتش ده
لاء طبعا ده من سابع المستحيلات
خلاص بقي ممكن حضرتك تبعت فاكس اني موافق...
الفاكس وصل والرد كمان وصل مكتوب" انهم هيبعتوا الاسئلة في فاكسات علي مراحل وحضرتك هتبعت فاكس بالرد علي كل عضو وبعد الانتهاء من الاعتراف وفي حالة اقتناعهم بالاجابات هايساعدونا في الحال ."....

الفاكس الاول:

1- ايه احساسك وانت علي الكرسي وايه توقعاتك لنتيجة المباره ؟

2- بتسأل حد عن حاجه رد عليك بوقاحه تتصرف معاه ازاي ؟

3- كسبت 3 مليون دولار هتعمل بيهم ايه ؟

4- وانت سايق عربيتك بالليل خبطت واحد ومات ومفيش حد شافك هتعمل ايه ؟

5- Life is a comedy for those who think,"
And a tragedy for those who feel"

ايه رأيك في المقوله دي ، وشايف الحياة ازاي ؟

6- حاجة عملتها وندمت وحاجه ندمت انك ما عملتهاش ؟

7- عملت حادثة بالعربيه (تاني ) ولازم تفقد حاجه من التلاته ( السمع – البصر – الكلام )
اختار وليه ؟

8- بالنسبه للتشكيل الوزاري هتختار وزارة إيه ؟ وليه ؟

9- لو لم اكن مصريا لوددت ان اكون .....(اختار اي حاجه غير مصري )

10- ثلاث اخطاء او اختيارات هتمنع حدوثها او هتغيرها لو رجع بيك الزمان ؟

11- الكلمات دي بتمثل لك إيه (الاسرة – المنتدي - مصر –كلية الاداب - الجيش –الوظيفة) ؟

ارسال

الفاكس الثانى:

1-- هل انت انسان كسول ؟؟ وليه؟؟

2-- هل انت انسان غامض؟؟ وليه؟؟

3-- اوصفلى احساسك وانت داخل تقدم فقرتك يوم الحفله

4-- ايه اكتر حاجه بتضايقك ؟ وايه اكتر حاجه بتفرحك؟

5-- هناك ادعاء بإن انت انسان سلبى , هل توافق على هذا الادعاء ؟ وليه؟

6-- هل انت انسان سهل استفزازه وللا انت انسان هادى وصعب اثارة غضبك؟

7-- فى بروفات الحفلة , انا زعقتلك كتير , هل زعلت منى ؟؟ وهل لسه زعلان؟؟؟

8-- تعطى لمن هذه الالقاب: الذكى , المتهور , المفترى , الواثق , اللماح, المحن , الهادئ, القائد , توأم روحى .

9-- لو انت مكان منتصر الزيادى وجاتلك الفرصه انت تصوب جزمتك ناحية حد , مين الحد ده ؟؟ وليه؟؟؟

10-- شايف نفسك ازاى بعد 10 سنين ؟؟

على ان يتم ارسال فاكس اخر بباقى الاسئلة فى حالة إن اجاب نايت على هذا الفاكس

6--

طبعا انا منتشى حاليا لان الاهلى كسب الاسماعيلى النهاردة فى الوقت الضائع ،
قبل اى حاجة شكرا للمحاورة المتالقة سمو الاميرة / برنسيس على اسئلتها المتنوعة
( الحمد لله الاسئلة جات فى مستوى الطالب المتوسط ، وحاجات كتير مكنتش مذاكرها مجتشى وكمان اسئلة كتر كنت متوقعها برده مالقتهاش ..... احمدك يا ب )
، اما عن المقدمة الرائعة مباراة البرازيل ( يا سلاااااااااااام دا حلم حياتى ) بس للاسف انا مبحبش فيلم air force one
بالرغم من بطله الرائع هاريسون فورد لان باختصار الفيلم يروج بوضوح لفكرة ان امريكا هي الاب الخائف على اطفاله ( دول العالم الثالث)
من خطر الارهاب والساعي لمنع هذا الخطرولو بالاحتلال المقنع ، كمان الفيلم دا برنسيس اايضا يحاول رسم صورة ملائكية للرئيس الامريكي وادارته بشكل مستفز ( نسيبنا من الفيلم دا اللى مبحبهوش ) وطبعا اكيد لو فى ايدى اساعد وقدم العون لاى حد انا مش هتاخر .
عمرو ( ههههههههههه ، بس انا يا راجل مكنتش كدا للدرجة دى وانت على الكرسى ، اوعى ترسل فاكس تانى كفاية كدا يا عم ) عارف انا اول مشفت اسئلتك كان رد فعلى ايه ؟؟؟ّّّّّّّ!!!! يا لهوى .... يا خرابى .... دا بيخرّ دم !!!! على العموم اوكى يا مان .
بسم الله الرحمن الرحيم
اللّهمّ اشرح لى صدرى ... ويسّر لى امرى .... واحلل عقدة من لسانى ..... يفقهوا قولى
( امسك نفسك يا خلّوود يا جبل ما يهزّك ريح ، مش بعيّط ولا حاجة !!!! دا موضوع كدا ) ،
المهم انا عايز مسطرة وشوية اقلام وكمان قلم كوركتر ( لانى شكلى كدا همسح وشغبط كتير ) ، على العموم نبدأ بالسؤال الاول وحاسس بايه وانت على الكرسى ، ...........
انتظــــــــــــــــــــــــــــــــــــــــــــــــــــرووونى مع المذيعة والمحاورة المتالقة / سمو الاميرة برنسيس ، والسادة ااعضاء المحترمين المبجلين الموقرين اللى بحبههم جدا يا رب تنجحو وتشتغلو ويفتحها فى وشكم ويوقف فى طريقكم ولاد الاحلال ( مش بشحّت ولا حاجة ، على مهلكم عليا شوية دا انا غلباااان ) ...
غدا على المنتدى الاحلى والامثل والاروع ..... منتدى كل العرب فى الاوقات التالية : اى وقت يا عم انت هتعيش ، بس على فكرة يا جماعة بتوقيت جرينتش .

فاصل بين الفاكسات:

لاء حقيقي اجابات مقنعة .
اولا: ميرسي علي المجامله و بما ان الاسئلة طلعت في مستوي الطالب المتوسط
ان شاء الله باقي الاعضاء هيراعوا المسئله ويدوروا علي اسئله اصعب (بدأو بالفعل)
ثانيا: الصفحه بقت طويله جدا (قصدي عريضه جدا) مفيش حل ولا المشكله عندي(خلاص اتحلت)
ثالثا :بالنسبه للفيلم اعمل ايه انا كنت عايزه فكرة الطائره بس
رابعا: تقريبا كده في خطاء حصل ومحطة صوت العرب دخلت علي المنتدي

بسم الله الرحمن الرحيم
1// احساسى وانا على الكرسى ، اكيد طبعا مش غريب اوى ( متعووووووووووودة دايما ) بس برده اول مرة احس ان انا بكتب ردود بجدية ، اتمنى اجاوب بمصداقية على الاسئلة بتاع حضراتكو ( مفيش اى واجب ضيافة !!!!!!!!!! ولا حتى شوية خوخ ) .
2// الحمد لله محصلتش معايا ان انا اسال حد سؤال ويجاوب عليا بوقاحة ، ولو حصل فهقوله
يخاطبنى السفيه بكل قبحا
فلا ارضى ان اكون له مجيبا ... اذا خاطبك السفيه فلا تجبه فخير من مخاطبته السكوت ، كمان مينفعشى اتعامل مع شخص بيرد على سؤال ليا بقبح لان حقيقى ساعتها مينفعشى انزل لمستواه.

3// هحقق بيهم احلامى واحلام ناس تانيين تهمنّى ، بس يا ريت يكفوا .

4// اكيد طبعا مينفعشى اتهرب لان دا مش رجولة ومش انسانية، فاكيد هصطحبه معايا المستشفى وكمان هروح قسم الشرطة علشان اكون مرتاح البال والضمير والمود .
5// حقيقى المقولة دى تبدو رائعة بس انا مشتت اعلق عليها من انهى منظور .
6// حاجة ندمت عليها ، اكيد ندمت انى مخدتش التربية العسكرية فى ايام الدراسة ، حاجة ندمان انى معملتهاش فهى ان مكنش ليا الشرف ولا مرة ان انا اصلى الفجر فى جماعة مع الشيخ محمد حسان مع انه كان المسجد اللى بيصلى فيه وكمان منزله كان قريب من الشقة اللى كنت قاعد فيها .
7// يا ساتر يا رب ، يا رب لك الحمد كما ينبغى لجلال وجهك وعظيم سلطانك على تلك النعم العظيمة ، فى البداية ان هحمد ربنا على اى حاجة وان شاء الله هارضى بقضاء الله( كل اللى يجيبه ربنا كويس ) وان كان ولابد فالبصر " من فقد حبيبتاه وصبر دخل الجنة " .
8// وزارة العدل ، و هحاول امحى الكوسة من حياتنا ومبدا اللى مالوش ضهر ميضربشى على قفاه، نفس اخلى كل مواطن يحس ان الكل سواسية " لا فرق بين عربى على اعجمى الا بالتقوى والعمل الصالح " ولان بالعدل تزدهر الامم حتى لو كانت ليست لديها عقيدة التوحيد فالعدل اساس الملك .
8//لو لم اكن مصريا لوددت ان اكون مصريا ، لان بالرغم من القيادات اللى زى الزفت اللى ماسكنا واللى خلونا نبقى شعب فى ذيل الامم وفى ذيل الامم النايمة ( وليست النامية ) واللى عايزنا نطفش ونهاجر ونسيبها ليهم مخضرة ، بس حقيقى بموت فى ترابك يا مصر ياللى ربنا اعزك فى كتابه ، يا اطيب واكرم واشهم واجدع واحلى شعب فى العالم .
9// 3 اخطاء 1// هبعد عن امين الفصل لمدة 11 سنة من ابتدائى حتى الثانوية العامة .
2// كنت اهتم شوية بالجامعة وبالكلية . 3// كنت خدت التربية العسكرية فى الدراسة ( ههههههههه خلاص بقت تشيزو فرينيا ) .
10 // الاسرة* الحب
// المنتدى * الروح
مصر *** المظلومة
كلية الاداب * الصحبة
الجيش * مازق
الوظيف * اجتهاد

1// شوف يا عمرو يا حبيب قلبى هو مش موضوع كسل ولكن ممكن تسميه احيانا لامبالاة او تاجيل عمل اليوم الى السبت ، ولكن عايز افكرك عمور ان انت كنت معايا السنة اللى فاتت فى السادس والحمد لله كنت بشتغل 12 ساعة مع ان كنت ممكن اشتغل 8 ساعات وبرده بمرتب مجزى وكمان كنت برجع من اشغل واقابلك علشان نتعشى ونسهر ونلّف بالليل ونشوف الافلام الجامدة الطحن والكمالة ، اه انا معاك انا فيه حاجات كتير ما بهتمش بيها فى وقتها زى المذاكرة حتى ايام الامتحانات ، او انى انا مقضيها نوم اليومين دول ومنفض لكل الابليكيشنات والانرفيوس لان امى شافت رؤية ان انا لابس فى الجيش يعنى لابس ، وكمان التاخير بتاع الكلية فبسبب ان انا بنام متاخر ، بس حقيقى يا عمرو مش موضوع كسل ، الحمد لله فى الوقت اللى بقرر اعمل حاجة مهمة وهتعود عليا بالنفع ، الحمد لله مع توفيق ربنا بنجزها .
2//غااااااااامض!!!!!!!! ، ممكن بص هو انا مشكلتى ان انا من النوع الكتوم شوية وكمان مبعرفشى ابوح كل شىء ، بس المشكلة الاكبر فى فكرة الناس اللى واخداها عنى وان انا شخص متسامح لاقصى درجة .
3// اكتر حاجة بتضايقنى واحد مبيعرفش امتى يتكلم وامتى يسكت ، اكتر حاجة بتفرحنى لما بنت اختى فاطمة وللى الدلع بتاعها بطة بتكون عندنا فى البيت ويكون عم احمد بتاع الدندورما ماشى فى الشارع وينادى ، فتسمعه فتقوللى " عايزة واحدة يا خالو " ( على فكرة بتحب حسام جدا وكمان كل الاحمدات بتاع القسم ، فاكرين يااااااد منك ليه ( ان ما فيه حد فكر يطمن عليها ) .
4// هىّ المقولة دى فى جريدة الجارديان !!!!!!!!!!! هههههههههه ، مش فاهم ، بس اعتقد عمور ان انت المفروض اكتر واحد عارفنى كويس ( يا راجل دا عشرة اربع سنين عملنا كل حاجة ) وكمان المواقف اللى حصلت بنا بتنفى وجهة النظر دى ، بس انا مشكلتى يا معلم ان انا مبحبش اشارك فى حاجة مالهاش لازمة او اكون انا مش مقتنع بيها اصلا ، وحاسس ان المشاركة دى نيتى من اجلها هتشوبها بعض الشوائب السيئة كحب الظهور او النفاق او او فرد العضلات .....الخ ، ولكن لما بتكون فيه حاجة مقتنع ومؤمن بيها وواجب ان انا اشارك فيها ما بتاخرشى ما دامت الثقة موجودة وليست التكبر او الغرور وبعدين يا راجل ادا انا رفضت اخضع لتهديدات الامن لانهم كانو عايزنى ابطل امشى مع واحد مؤمن بحبه وكان بلاك لست وكنت بتخنق كل يوم على البوابات بتاع الكلية بمواقف تانية ولا كفاية .
5// فى البداية كنت قلقان وانا بقول العناوين بس بعد ما سمعت قهقهة الجمهور من طريقة صرح العناوين ، خلاص خدت الثقة وعديت مرحلة جس النبض بسلام الحمد لله ، واعتقد هى دى قمة الايجابية والشجاعة ، لانى موقفى فى الحفلة مع رمضان والصقر والادمن صعب خاصة انا لان النشرة كانت الفقرة الاطول ، موقف الكوميدان صعب لانه مطالب انه يضحك الناس عكس الادوار التانية ، طيب تخيل شكلك وانت بتقول نكتة ومحدش ضحك عليها !!!!!!!!الحمد لله على كل شىء .
6// الحمد لله بالى طويل وبكظم غيظى ( حاسس ان انا قاعد فى قفص الاتهام ) وبتعامل ببرود شديد مع اللى بيحاول يستفزنى ههههههههههههه ، بس المشكلة الناس اللى بيحاولو يستفزونى هما اللى بيرجعوا ياخدوا على خاطرهم منى ( لازم احلل ال 25 جنيه بتاع السوفت سكيلز ) الحاجة الوحيدة اللى بتستفزنى لما بتغلب بلايستيشن من اى حد .
7// لا طبعا انا مش زعلان دلوقتى خالص ولا حتى اثناء الحفلة ايه يا عمور دا انت حبيبى من ايام الجيزة ، اه انت احرجتنى بس مكنش ينفع اتعامل معاك بالمثل يا رفيق دربى ( كفاية واحد مننا بس يًحـــــــــــــــــــــــرج يا شقّى) وانا كظمت غيظى وقلت دا متنشن بسبب مجهود الحفلة وعدت بقى ، انسى بقى يا عم الموقف دا .

8// الذكى *** عمـــــــــــــــــــــــــرو
//متهور * هنتار
مفترى ** ايمان
// الواثق *** شعبان
// اللماح * علــــــــــى ، وحيد
المحن * صفة ممكن ننسبها لاى حد وفى اى موقف بمزاجنا وان كان ولابد فتبقى لمحمود سيد ( ههههههههه بهرّج معاك يا ابو حنفى دا انت حبيبى من ايام الجيزة )
// الهادىء ****** محمد حســـــــــــــام ، عبدالغفار
// القائد *** مصطفى
// توأم روحى *** احمد رمضان .
9// اكيد طبعا فى الفراغ لانه حقيقى الفراغ طامة كبرى على اى شاب .
10///
انا مش شايف بتحسسنى ان انا تايريسيس ، انا بتمنى ان حالتى الايمانية تزيد وتبقى احسمن من دلوقتى وان احفظ القران الكريم ، وان ربنا يباركلى فى ابويا وامى وكمان ان اتزوج من انسانة تتقى الله فى كل شىء ويا سلام لو ربنا يكرمنى ببنوتة تأًصّل العلاقة دى واسميها تسنيم او بولد واسميه فارس !!!!! ، كمان بحلم ان فى 2010 اكون متقن للانجليزية والالمانية والاسبانية والروسية ، ويا حبذا كدا كمان لو حاصل على شهادة كدا صغيرة اسمها شهادة الدكتوراة .
بحلـــــــــــــــــــــــــــــم بغصن توت وحمام
بحلـــــــــــــــــــــــــــم ودى مجرد أحلام ، حقيقى يا عمرو ارهقتنى ذا اتس اينف.

الفاكس الثالث
هتتصرف معاهم ازاي :
ذهبت الي احدي المدارس ودخلت فصل مشاغبين
1- تلميذ عمال يتكلم ويضحك مع اللي جمبه ؟
2- تلميذ سأك عن معني كلمه وانت مش عارفها ؟
3- تلميذ بيقولك يا مستر زميلي ضربني ؟
4- كل التلاميذ عمالين يجاوبوا ف صوت واحد وانت مش عارف تركز مع حد ؟
5- نسيت الكلام اللي كنت هتقوله في الحصه ؟
6- تلاميذ شغالين استظراف طول الحصة ؟
7- شوية نصائح تقدمهم لحد كان بيفكر يشتغل مدرس ؟

ملحوظه (الاسئلة دي من دليل معلم كره التدريس وكره نفسه وحرم يعمل كده تاني)

1// هسألة سؤال علشان اكتمه ويترزع يقعد ساكت .
2// مش عارف يا بنى والله ( العتب على النظر) مش عيب لما اقول مش عارف لان من قال لا اعرف فقد أفتى .
3// بالديسك على دماغه يا ميول يا بن الميول .
4// النظام يا ولاد دا انا صاحب عيا وبعافية شوية .
5// هاتكلم عن الاهلى والزمالك وافلسع من الموقف.
6// يا ظريف يا بن الظريف ، يا ميول يا بن الميول بكرة تكبر وتبقى ظرافة ونعلّق معاك حنطور .
7// بالراحة مع العيال شوية متعملش نفسك عنتر فجلة ( ممكن تتضرب ويبقى شكل اللى جايبينك وحش ) ، خلى بالك من مود العيال ،ما تعاملشى ضميرك اوى .
عيال مشاغبين زى دول لازم اكون كدا معاهم معلهش يا جماعة على الاجابات الرخمة دى .

الفاكس الرابع :

اخر فاكس بجد معلهش طولت عليك
(بس حضرتك بردو بتردها بالانتظار يعني ممكن ترد بعد يومين تلاته –ودا حصل)
اولا بعد ما المدرس يعمل كده في التلاميذ وينفذ هذه التعليمات الرائعة
يبقي خلاص الوظيفة طارت اصله كان في تدريب مش مدرس بجد (واللي بيستظرفوا كانوا مدرسين عاملين فيها تلاميذ)

نييجي بقي لأسئله بعد انتهاء اليوم الدراسي:

1- ما هو سر ابو وليد ؟
2- بما انك مشرف احد الاقسام ، شايف ايه هي الخطوط الحمراء الممنوع تجاوزها في المنتدي ؟
3- لما بتنزل موضوع في المنتدي هل بتكون مقتنع بيه ؟
4- هل ممكن تنزل موضوع انت مش مقتنع بيه عشان توضح وجهة نظر الاخر؟
واذا ده حصل هتوضح رأيك وتقول انت متفق مع الكلام ده ولا لاء ولا هتكتفي بأنك تسأل باقي الاعضاء " ايه رأيكم في الكلام ده " ؟
5- لو شفت حد بيضرب طفل في الشارع (مش ابنه ) تعمل ايه ؟
6- لو عرفت ان اقرب صديق ليك اخلاقه بدأت تتغير للاسوأ موقفك هيكون ايه ؟
7- ما هو شعورك عندما يطرح عليك سؤال تعجز عن الرد عليه ؟

ارسال

ولا طولتى ولا حاجة ازاااااى الكلام دا ، دا احنا اللى بنشكرك على حماسك الشديد واهتمامك بكرسى الاعتراف وبالمنتدى ككل ، ههههه يعنى المدرس مش هيتبع التعليمات يا خسارة دا انا لسه سامعهم من ابراهيم الفقى خاصة الحتة بتاع ميول ( كدب الابل )
1// تحيا مصر انتى وصلتى لابو وليد ( اتخرب بيتنا يا رجالة الاستاذة برنسيس هتطلع عينيا على الكرسى ( انا كان مالى ومال كرسى ااعتراف ، لازم يعنى احيى الفكرة ) طيب علشان اكون صريح معاكى احنا الشلة بتاعتنا كل واحد بيتخصص فى مجال من مجالات الحياة او موهبة خاصة مثلا الغناء يبقى محدش يقدر يعترض على حسام فى اى حاجة لها علاقة بالفن ، الشعر عامر اما بقى موضوع ابو وليد علشان اكون صادق معاكى فدا من تخصص استاذى ومعلمى اللى لازم ارفعله القبعة العضو سويت زى الروز ( يا خرااااااابى هتجاوب ازاى يا عم وحيد ) هههههههه ، على العموم دا سؤال مطبّ لانه مرتبط بموقف مطب هههههههه.
2//معندناش خطوط حمرا الا التجريح فى الاعضاء باستمرار وبشكل متعمد كمان تنزيل موضوعات غير قيّمة ، غير كدا الحرية تامة لينا ولكل الاعضاء ما دمنا هنستغل الحرية دى باحترام وبشياكة الليادز والجنتلمانات.
3// اه اكيد
4// احيانا ههههه هوضح رايى
5//هديله 10 جنيه ( حار ونار فى جتته ) وانصحه يبيع مناديل ويشرب كوكو الضعيف ( اى اجابة يعنى كدا على الماشى )
6//هنصحه مرة واتنين وتلاتة وبعد كدا مش هعتبره صديق هعتبره زميل فقط ( والله انا خايف احسن انا اللى امشى معه فى نفس التيّار )
7// زى السؤال بتاع ابو وليد بكون مُحرج من طارح السؤال ( وانا فى انتظار اى فاكسات اخرى )
يا جماعة برنسيس هتتشرف وهتكون على الكرسى امتى امتى متتتتتتتتتتتتتتتى !!!!!!!!!

لا لا لا يا خالد لم اعهدك شخصا غير صريح ( ماتجاوب وتقول مين هو ابووليد ) طيب لو مش عايز تجاوب انا هاجاوب بعد اذنك

ابو وليد دا يا جماعه دا احنا اتعرفنا عليه من خلال الاستاذ احمد عبدالواحد , ودا مش شخص اسمه ابو وليد , لأ دا مصطلح بيعود على الدماغ العاليه اوى لاحمد عبدالواحد اللى محدش يقدر يتفوق عليه فى الموضوع ده , وعلشان كده كل مانفتح موضوع ليه علاقه بتكبير الدماغ او ال(الدماغ العاليه!!) يأتى ذكر ابو وليد , وبصراحه احيانا كتير بسأل نفسى هل احمد بيكبر دماغه نظرا لثقافته العاليه جدا وللا هو بيحب موضوع تكبير الدماغ ده علشان يريح نفسه , وللا على ايه التفكير واسأل نفسى وأتعب نفسى ( دا كده الواد يروح لأبو وليد احسن)

حبيبي يا خالد انت قعدت علي الكرسي ؟؟ طبعا انت كنت خانقني لما انا كنت قاعد علي الكرسي لكن انا هاطلع احسن منك ومش هسألك لاني مش قادر حتي اكتب علي الكيبورد .. ولا اقولك هسألك سؤال واحد بس وسؤال في مجالك يعني سهل اوي ...
*لو انت مكان حسام البدري كنت هتعمل نفس الصفقات الفاشله دي ؟؟؟؟

يا سلام يا عمور على المصداقية ، حمد الله على سلامتك يا درش ( احمدك يا رب هو سؤال واحد ، كويس ان انت جاى تعبان شكرا يا حبيبى ) صفقات الاهلى ناجحة 100% بامارة الدورى والكاس وافريقيا وكاس العالم للاندية بدبُى ان شاء الله ، ومحتاجين فقط لراس حربة ومتعب هيلعب فى شهر يناير ان شاء الله .

وفي تمام الساعة الثامنه من مساء يوم الثلاثاء الموافق 10- 8- 2010
اذاعت الجهة المختتصة بتقديم المساعده ما يلي :
" نظرآ لاجابة Knight علي جميع الفاكسات المرسلة من اعضاء المنتدي
والرد بصراحة ووضوح ( مش اوي يعني ) علي جميع الاسئلة تم ارسال فرق الانقاذ
وعاد جميع الركاب بسلام الي ارض الوطن....
وفيما يتعلق بالمبارة النهائية في كأس العالم بين مصر والبرازيل فقد انتهت بفوز مصر
بخمسة اهداف نظيفة مقابل هدف يتيم احرزته البرازيل في الدقائق الاخيرة من نهاية الشوط الثاني
( مجرد احلام )
وبهذا تنتهي هذه الحلقة من كرسي الاعتراف
سعدنا بصحبتكم ونرجوا ان نكون اسعدناكم ...

بصراحة كانت حلقة جميلة وصريحه ( اوى اوى ) وإجابات خالد كانت نموذجية .

شكرا ليكى يا برينسيس على المجهود وياللا بقى عليك باللى بعده واحنا فى رمضان ومش هايعرف يكدب او يذوق الاجابات
فى انتظار الحلقة الجديده من كرسى الاعتراف

اول واحد يقنعنى بإجاباته ( على عكس مصطفى اللى اجاباته استفزتنى ) ، وبحب دايما اقرا اسلوبة الكوميدى جدا ، انا محن يا مُح

انتوا مش هتقعدونى ع الكرسى ولا ايه ، هوا انا مش من ضمن الاعضاء ولا ايه؟