خلااااااص: جزرة وجطمها دونكى

بسم الله الرحمن الرحيم
السلام عليكم ورحمة الله وبركاته ، تحية طيبة وبعد:
اول ما جيت ووصلت من منطقة تجنيد وتعبئة الجيزة ، اصحابى ملتفين حوليا دلوقتى ( كانو جايين يباركولى ههههههههه ، عيال الشة ألش السنين ) ، طبعا قولتلهم الخبر السىء ، المشكلة انهم مزعلوش على الخبر السىء دا زعلوا على العزومة بتاع بكرة اللى طارت ( رمضاااان كريم مين هيبقى موت وخراب ديار ) ، اول ما قلت الخبر السىء لامى قالتلى قول الحمد الله ومتعرفشى الخير فين ( رؤيتك ما بتخيبشى يا ست الكل ) المهم الحمد لله ان انا وباقى الاصدقاء زى عامر وعمرو وعبد الغفار حتى جابر النحس بتاع علم النفس كنا متوفعين ان احنا نسمع الخبر دا ، بس خلاص نبطل بقى ارسال السيفيهات للملكة ونبطل ابليكيشنز وانرفيوس ( كنت مبطل علشان كنت متوقع ما عدا السفيهات ) فى الختام الحمد لله على كل شىء وزى ما عامر قالى احنا ممكن نستغل الفترة دى ونحضر فيها الماجستير لان لولا الحاجة دى ابُتلينا بيها مكنش هنشم حتى شرف التمهيدى وهنحاول واحنا موجودين هناك.

انهاردة اتعلمت من اخطاء الماضى قمت من النوم متاخر كالعادة ( لا يلدغ مؤمن من جحرا مرتين ( يارب اكون وصلت لدرجة الايمان بل الاحسان فى هذا الشهر الكريم ) وانطلقت الى منطقة التجنيد لاجد الوف مالفة من الجحافل العظيمة التى مرشحة ان تكون حماة للوطن ولكافة الديار المصرية ، طبعا كالعادة الغلابة كانو رايحين هناك من النجمة على امل انهم ياخدو بوستبون والزبون عاشق كان هناك من النجمة قبل النهار حتى ما يشقشق ( يا بنى انت طالع وادى الريان ) ، الكل كان قاعد مترقب متلهف مرعوب اجسامنا ترتعد ، دبلوسيهات الكتيبة كانت ممتلئة عن اخرها ، الكل كان يحذوه الامل ، الكل يتذكر ويحلم بالمستقبل ويحلم ببداية المشوار فى سن صغير ، كنت انظر فى الاف العيون عن اليمين وعت اليسار ومن امامى ومن خلفى فاذ بالترقب والارتعاد وايضا الامل فى كل الوجوه ، حقيقى انا وعمرو كنا مقضينها ضحك وتهريج كالعادة ، وايمن مجدى معانا كمان كان مطرى القعدة ( عمال يشرب ويبلبع ميه ) المهم ان الشعور كان شبه يقين بان الطائر سيأتى بالخبر المتوقع بالنسبة ليا انا وعمرو.

بالفعل كما توقعنا اذا بقائد المنطقة وبيده الميكروفون يصيح فينا لايك ذا تركى ، واحنا لا حول لنا ولا قوة بيقول كل طب بشرى هندسة حاسبات ومعلومات علوم اداب انجليزى يطلع برة ومبروك عليكم يا وحوش انتوا لبستوا ضباط 3 سنين ، ومصر محتاجكم يا ولاد ولازم تدوها شوية من فضلة خيرها عليكم ( حمرا ) ، خلاص يا ابطال انتو اللى هتحافظوا على شرف وعرض الوطن وشرف اهالى مصر جميعا مبروك يا اولاد ....... حقيقى مبروك ( دا دا دا دا دا دا ضحكنى شكرا ) وهتيجو بقى يوم السبت تحللوا فيروس بى وسى ( بجد يا جماعة كانت ضاربة فة دماغى اطلع على علوكة واشرف كوخة وخليهم يدونى حقنتين دم ملوث علشان افلسع ومعديش من الفيروس ) بس رد واحد وقالى مش هتعرف تسافر لو عنك فيروس ، ورد عمرو وقال اخيرا جه اليوم دا اللى همارس فيه السلطة وهكون ظابط واظبط اى حد ، واول حاجة هعملها هحضر محاضرة بالبدلة العسكرية للدكتورة ايمان وهقولها باعلى صوت حمرااااااااااااااااااااااا ، عمرو حاول يقنعنى ان احناان شاء الله هنتطوع فى الجيش مرتبات جامدة وشقة وعربية بالتقسيط المريح وكمان بيسفرونا برة ولو مسفرناش فبنشتغل فى مطروح او شرم جارسونز او جايدز فى اندية القوات الملسحة ( خلاص يا عمور مش بمزاجنا جزرة وجطمها دونكى ، بحبك يا بجرة ).
معلهش يا جماعة الموضوع طويل بس كان لازم افضفض وانا لسة جى من دقائق معدودة من التجنيد ومخنوق حبتين ، ربنا يستر فى الايام القادمة ورمضان كريم ومنتداكم كريم .

والله زعلت اوي وانا عرفت لما كلمت عمرو وبعدين افتح تليفونك يا عم الحاج مش عارفين نكلمك وربنا يبشركم بالخير خلاص كلها شهرين ونحصلكم بس ادعولي اني اخش 3 سنين بس طبعا عرفين ليه "يا حبيبي يا ابو رمضان " قوات حفظ السلام في دارفور بتنادينا ... وبعدين يا ابني المنتدي عمره ما هيتقفل ولا انت عمرك هتقدر تبعد عنه .. كل اجازه هنبقي راشقين فيه ...

اه معلومه نسيت اقولها اي حد من مواليد شهر تسعه ميفكرش ولا حتي يخطر بباله انه ممكن ياخد تاجيل حتي ولو تأجيل ساعه واحده بس هو بس يدعي انها تيجي علي قد 3 سنين وطبعا برضه عارفين ليه "يا حبيبي يا ابو رمضان"

فعلا يا خالد انا معجب بإصر ارك على انك تدخل المنتدى وتكتب الموضوع على الرغم من اننا ميتين من التعب , بس فعلا كان يوم جامد وصعب
وعلى فكره كل الدفعه اخدت تأجيل ما عدا اداب انجليزى وعلم نفس (وحوووووووووش) وكل اصحابى كلمونى علشان يباركولى (مايعرفوش اللى فيها) بس الحمد لله قدر الله وما شاء فعل
وبعدين ي خالد انت قولت انى قولتلك على المميزات شقة وعربية , وانا كمان قولتلك اننا هانكون حماة الوطن وهاتكون مصر امانه ف ايدينا(تعاليلى يا بطه)
بعون الله مصر هاتشهد طفرة فى الجيش فى التلات سنين اللى جايين دول , وعلى فكره هما كده اللى عملوها ف نفسهم ( دا احنا بتوع الايام الاخيره) ربنا يستر والحمد لله مره تانيه

على فكره يا مصطفى انا كمان بأعلن انى سوف اتنحى عن منصب مشرف قسم الكتب والمراجع لأن حد تانى أولى منى بيه خصوصا الفتره اللى جايه , وبالتوفيق , بس انا عمرى ما هابعد عن المنتدى ماتخافش , بس فعلا الانتخابات فرصة لتداول السلطه الفترة اللى جايه

وشكراااااااااااااااااااااا

ايه ده يا رب اكون فهمت غلط انتوا خلاص لبستوا فى الجيش
لا حول ولا قوة الا بالله
والله انا عملت اللى عليا ودعيتلكم بصدق بس معلش
قدّر الله وما شاء فعل
وبعدين انا اسمع ان الجيش ماعدش زى زمان يلا ربنا يوفقكم ويهون عليكم يا رب وان شاء الله خير ........
عسى ان تكرهوا شيئا ويجعل الله فيه خيرا كثيرا

مشكور دعائك بس الموضوع كان كبير كبير كبير, وماحدش يعرف الخير فين
وممكن تكون تدابير ربنا علشان نحضر الماجيستير فى الجيش

الحمد لله رب العالمين وشكرا جزيلا مرة تانيه على الدعاء

انا رأيى بقى طالما هتحضروا الماجيستير فى الجيش الحقوا قدموا فى التمهيدى الباب مفتوح لغاية يوم 15 سبتمبر وقرروا هتاخدوه فى الادب ولا اللغويات اذا كان فى الادب فى كتاب فى مكتبة كلية الاداب اسمه Literature عشان تذاكروا منه وتجتازوا الامتحان
اما لو هتحضروا لغويات يه كتاب اسمه Study of Language لونه ازرق ده بردو للى عايز يذاكر منه لغويات وفيه اسطوانة معايا د. محمد فاروق جزاه الله كل خير خدناها منه تساعدنا فى المذاكرة بس للى هيحضر ادب بس

بسم الله الرحمن الرحيم
أولا قدر الله وما شاء فعل.ثانيا أنتم السابقون ونحن اللاحقون
بس بجد انا زعلان جدا علشان العزومات اللي راحت دى
ثالثا ربنا يستر علينا ونلبس 3 او حتى 6 سنين بس عشان بركات رمضان وابو صلاح
وكمان حسام .ربنا معااااااااااااااااااااااااااااااااااكم

مالوا الجيش
ايه يا جماعة" الجيش للجدعان"
هو ايه اللي حصل كل الناس بيدعوا لاولادهم انهم ياخدوا تاجيل
ويا سلااااااااااااااام لو خدوا اعفاء دا يبقي فرح
وكأن الجيش وباء وكله بيهرب منه
اه هي تلات سنين كتير، بس تجربه واكيد هتستفيدوا منها
من كتر ما الناس بقت بتكره الجيش بقيت بحس ان لو قامت حرب علي مصر مش هنلاقي حد يدافع عنها وكلنا هنتحول للاجئين....80 مليون لاجئ / بس يارب نلاقي المكان للناس دي كلها/

عماااااااااااااااااار يا مصر

: {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}. خير ان شاء الله

حقيقى انا سعيد بردودكم اللى بتعبر عن مدى التواصل والمشاعر الدافئة اللى بنا كاخوة واخوات ورفقاء درب وزميلات ، درش ( انت وابو رمضان هتلبسوا 100000000 سنة لان انت هتبقى المشير ورمضان هيبقى المساعد بتاعك ، سيبك من فودافون واتصلى بى على الخط الجديد ( هبعتهولك فى رسالة على الميل ) )) ، عمور ( وانا مالى اهو ) ، وايت ( شكرا ليكى على روحك الجميلة واهتمامك انك تدعنا ، حقيقى مشاعر نبيلة جدا ) ، شهرزدا ( منورانا ومنورة المنتدى جدا ومتالقة بموضوعاتك المتميزة واللى تموت من الضحك واللى مليانة فكر ) ، ايلف تشيلد ( الله الله على الاية الجميلة دى اللى فعلا هتكون عونا لينا كلنا اثناء فترة التجنيد ، جزاكى الله خيرا ) ، شعبان ( وحشنى مووووووووووت ).

الله يكرمك ياوايت بلاش تدعى لنا الفترة الجاية دى احسن نلبس 18 سنه كفايه علينا ابو رمضان وابو صلاح

الله يسامحك يا محمود .....
ومع ذلك انا بردو هادعى