في كل يوم بيغيب حبيب (وداعا اخي اسلام )

في كل يوم بيغيب حبيب
يبعد بعيد
وسيب ألم مالي القلوب
العمر ايل للسقوط
والشمس بتموت ف الغروب
والموت لا فيه منه مفر
ولا هروب
قدر اكيد
وع الجبين مكتوب
لكن فراق اللي تحبه صعب
يعني بندفن قلبنا وياه
ويعيش مصاحبنا القلم والاه
وغاب الضحك يا اسلام
يوم غابت ضحكتك
وغابت بسمة الايام
يوم ما غابت بسمتك
يا ابو قلب ابيض م الحليب
الكل فاكر صحبتك
يا دا علوم مات القمر
ومعادش راجع ليكي تاني
خليكي فاكرة انه عمره مكان اناني
فوق الحيطان لوحاته متعلقة
وف المدرج والساحات
ارجعي لحظة لورا
قلبي ف الذكريات
هتلقيه مكتوب ف كل البوسترات
هلتقيله بصمة في كل الحاجات
اسمعيه وسط المظاهرة
هتلاقيه اجمل هتاف
اسمعيه والخلق خايفة
هتلاقيه عمره مخاف
احضنيه ذاكره وضمي
لمي كل اخوانه لمي
احفري اسمه وسمي
حاسس بامك بعد ما ودعتها
فاكراك وانت لسه ف بطنها
ويوم مشالتك بين اديها
ويوم مكانت بترضعك معني الحنان
ويم مكانت تحضنك
ويوم مكنت بتشتكي
كان يخاصم النوم عنيها
وتناديك يا احمد تعالي
وتترمي ما بين اديها
كنت ليها كل حاجة
كنت اغلي حاجة ليها
يا قلبها
يا حزنها
يا جرحها
تدعي عليك ساعة الغضب
وتكره اللي يقول امين
وتقول دا ابني
نن عيني
كل ايامي وسنيني
كنت لم تغيب وترجع
الحياة بترد فيها
والفرح بيكون مليها
يا قلب امك
يا قلبها
يا جرحها
يا حزنها
اسلام خلاص
ساب الحياة كلها
بزيفها وبكدبها
بغشها وزيف طبعها
طعم البعاد من النار
للكننا صابرين
ندعي نقول يارب
تجمعنا ف عليين
يارب
ترحمنا
دنيا ودين
يارب احنا ضعاف قوي
وانت الكريم
وانت القوي
ومن غير رحمتك ضايعين
يارب يارب يا قهار
احشرنا مع الابرار
واجعلنا ف دنيتنا من الصالحين

هنفتكرك ف كل صلاة
وكل قيام
وكل صيام
وكل ادان
وهتعيش ويا اشبلاك
واخوانك
وبيننا ف حلقة القران
هنفتكرك
ومين ينسي اللي كان
ومين ينسي
ومين ينسي
هتوحشنا قووووووووووووووي
هتوحشنااااااااقووووووووي
هتوحشنا قوي يا اسلام

» لاتنتظر حبيب باعك
» كل سنه وانت طيب يا اسلام