و لسّه أنا برضه مايئستش

و لسّه أنا برضه مايئستش

نسي الفــــــــــوطــــــــــه

وناس واقفه بتتريأ ومبسوطه
وناس تانيه بتستغرب ومنقوطه
ليه الدكتور نسي الفوطه

و هو يا عيني كان واقف ....... ووشه أحمر ولا القوطه
و قال ياجــــــــماعه سامحوني ....وقبل ما تيـــــــجوا تلوموني
تعالــــــوا أحكيلكوا أنا حكايتي..... وبعديها إبقوا حـــــــاكموني

سنــــين ضاعت في ثانــــــويه..... كفاح دامي وعــرق ودموع
وبعد المعركـــــــــه الحــــاميه..... قدرت أنجح وأجيب مجموع

أخيراً حلمنـــــــــــــــــا إتحقق .....هخش الطــــــــب وأدّكــــتر
رســـــــــــاله جميله ومعـــاها...... مقام عالي وفلوس أكـــــــتر

و جاتلي بطاقة الترشيـــــــــح...... فيها الطب اللي بحــــــلم بيه
بتاع البوسته جابهــــــــــــالي ......وخدله حلاوه عشــــرة جنيه

في أول يوم لـــــــــبست جديد ......وشلت البالطو رحـت لاقيت
زمايلي إتحــشروا في مــدرج...... عامل ولا عــــــلبة الكبريت

و لسّه أنا برضه مايئستش

دخل دكتور قعد يشــــــــــرح .......كلام كــــان صعب ولاتيني
و أنا متنـــح ومـــش فــــــاهم ......لاقيت النــــــــوم غلب عيني

و لسّه أنا برضه مايئستش

و قلت مادام ضــــاع النظري...... هظبّــــــــط نفسي في العملي
جريت عـ المشـــرحه بسرعه...... لكن كالـــــــــعاده خاب أملي

دخلـــــت لاقـــيت 200واحد....... بيتخــــــــانقم على الجــــــثه
وناس واقـــــــــفه من الزحمه ......على كتافـي ومـــــــش حاسه

و لسّه أنا برضه مايئستش

و طبــــــعاً حسّوا بظــــروفنا .......وحطّولنا إمتـــــحان فوازيـز
وكل أمّا آجي أحــل ســـــؤال....... أقف أدّامــــــه زي الــــــزير

و لسّه أنا برضه مايئستش

وجينا في لجنة الشـــــــــفوي....... وكان أدّامي واد كــــــــــوسه
خد الـدرجـــــــات مـن الدكتور..... وخد فوقهـــــــم كــمان بوسه
دخلت انا قام مكـــــــــشرلي ....... ومن أولــــــــها عقــــــــدني
سألني سؤال... ماردّيتشي........... خبطني الزيرو وطــــــردني

و لسّه أنا برضه مايئستش

سنه بتمشــي وســــنه بتيجي ........مقـــالـــب بعـــدها مقــــــالب
زمايلي إتعينوا و قبـــــــضوا .......و أنا شايـــــل لـــــــقب طالب

و لسّه أنا برضه مايئستش

كبـــــــرنا شـــويه وقــــالولنا....... خلاص دلوقتي شوفوا حالات
و رحنـــــــا نشوف وكالعاده........ دا كله بيطلع إشتــــــــــغالات

و لسّه أنا برضه مايئستش

بشوف الشاب من ســــــــني........ واقـــــــــف ويّا البنات مرتاح
و لــــو عديـــــت أنا يقولــوا........ راح الدحّـــاح .....جه الدحّاح

و لسّه أنا برضه مايئستش

لحد ماخلصم السبــــــــــــعه ........وقلت خلاص هروق وهعيش
و قبل ما أفوق من الصــدمه........ خدوني عشان أخـــش الجيش

و لسّه أنا برضه مايئستش

وقعت هناك في إيــــد ظابط ........ظغرلي وقال يا بســـــــــكوته
أحب أبـــــــــــشرك إنــــــك ........معـــــــايا هتطـــــــفح الكوته

و لسّه أنا برضه مايئستش

خلااااص السبعه بقوا عشرة........ ولسه أنا ماشي جنــب الحيط
و بان السن علــــــــى وشي ........و شعري إبيـــّض و إصلعيت

و لسّه أنا برضه مايئستش

وبعد ما قـــــلت كــــــــفاره ........خلاص هرتاحلى بقى كام يوم
لاقيتهم تـــــــــانــي واخدنّي .......عشان تكليـــــــــفي في السلوم

و لسّه أنا برضه مايئستش

و قلت هنـــاك هآخد قرشين........ آكل منهم و أجيـــــــــب لبسي
فوجئـــــــت يا عيني بمرتب .......يادوب مايقضــــــنيش شيبسي

و لسّه أنا برضه مايئستش

و بعد الـــعمر دا كـــــــــــله .......رمــــــوني في وحـــده صحية
نسيت الطب أنا فيـــــــــــها ........وبقــــــــيت زي التمــــــرجيه

و لسّه أنا برضه مايئستش

و آديني بعيش وهعمل أيـه؟؟........ ماليــــــــش ولا قوه ولا حولا
وحيد غلبان وحتى مافـــيش ........جـــــواز علـــى نفــــقة الدوله

و لسّه أنا برضه مايئستش

قام الدكتور صعب عـ الناس....... و فــــــضلم يـــبكوا على حاله
و حتى الفوطة نســــــــيوها........ ولمّوا فلــــــــــوس وسابوهاله

و قال دكتورنا عـ الفوطــــه........ تعــــــالوا هشـــــيلها أنا بكرة
لكن أهل المريض قالــــــوا........ خلاص........ سيبهالنا للذكرى

و لسّه أنا برضه مايئستش !!

منقوووووول

بجد الدكاتره صعبوا عليا
طب ما انا كمان دخلت اداب انجليزي
ولسه انا برضه ما يئستش

ههههههههههههههههههههه
جميلة قوى يا شهرزاد ، بس انا نسيت انها كانت عشان الفوطة
ههههههههههههههههههههههههه

p r i n c e s s
تقريبا ده الاسم اللي مكتوب فوق الصوره

هههههههههههههههههههههههه شكلك وحش اوى يا محمود مش تاخد بالك بعد كده

بس فعلا موضوع حميييييييل جدا يا برينسيس وعوده حميده بعد غياب طوييييييل

ههههههههههههههههههههههههههههههههههههههههههههههههههههه
والله فعلا نسيت
اللى خلانى نسيت انه كان عشان الفوطة مش هنسى مين اللى كان كاتب الموضوع؟
ههههههههههههههههههههههههههههههههههههههههه

اسف جدا
العتب ع النظر والذاكرة
هههههههههههههههههههه

شكرااااا عمرو علي الرد
وشكرا محمود وجل من لا يسهو

حلوة اوى يا برنسيس القصيدة
وانا برضه زيك دخلت اداب انجليزي
ولسه انا برضه ما يئستش
كده نبقى بصرة هههههههههههههههههههه

ولسة انا بردة ما يئستش اه ه ه ه ه ه آآآآآآآآآآ ه ه ه ، مفيش ياس ولا قنوط ولا ديسبير ولا حاجة خالص ، الحمد لله بصو للدكتور تهون عليك مصيبتك ههههههههه ، قصيدة جميلة من المتالقة الاديبة برنسيس ، شكرا ليكى .

اكيد يا وايت مش هنيئس واداب انجليزي مش عايزه كلام
المشكله بس ان الواحد نسي العربي من كتر ما اتكلمنا ودرسنا انجليزي
يااااااااااااااه دا احنا درسنا دراسه
" ولو لم ادخل آداب انجليزي ..لوددت ان ادخل اداب انجليزي
اعمل ايه مضطر ومش لاقي لمشكلتي حل "

"مفيش ياس ولا قنوط ولا ديسبير ولا حاجة خالص "
انا معاك نايت مفيش الحاجات دي خالص
والحمد لله اربع سنين ارحم من سبعه

و لسّه أنا برضه مايئستش !!