princess in the hot scene

موضوع: princess in the hot scene السبت سبتمبر 18, 2010 2:50 pm

كانت تدرس الادب الانجليزى فى الخارج لكى ترقى بفكرها وعقلها لكى تتسلم عرش بلادها عند عودتها من رحلتها العلمية

ولكن وبينما هى فى طريقها للمنزل بعديوم دراسى شاق , جاءها خبر مؤسف , لقد استولى نائب والدها على الحكم وزج بوالدها الى السجن

لا يوجد امامها سوى حل واحد , يجب ان تعود لتنقذ الموقف , وهى تعلم تمام العلم ان اهل بلادها يعلقون عليها اامال كبيره لكى تخلصهم من ظلم وقهر نائب الملك ,

ولكنها لن تواجه جيوش او قوات , بل ستواجه عقل رجل ماكر , محنك , لا يضاهيه عقل , كان يهزم اعداؤه بالمكر والخديعه , سوف تهزمه فى مناظره , هو يسأل وهى تجيب , ومن يفوز يحصل على العرش

هيا بنا نبدأ المناظره بين princess و الملك

ايه يا بنى المقدمة دى ، انت تقصد يعنى ان انت بس يا عمرو اللى هتسال برنسيس على اعتبار انك ملك ماكر وصاحب دهاء ، طيب ايه رايك بقى انا كمان هشترك فى الحلقة دى واعتقد كمان كل الاعضاء ( ايه يا جماعة انتو نسيتو ولا ايه ) :
وتلك هى الاسئلة يا أديبتنا :
1//موقف لا يمكن ان تنسيه حدث لكى اثناء مرحلة الطفولة ؟
2//ممكن تحكى لينا عن اول رحلة ليكى فى حياتك ؟
3//فاكرة ايه السندوتشات اللى كنت بتاخديها معاكى فى المدرسة ولا كنتى مقضياها كنتين ؟
4//مدرس ومدرسة اثروا فيكى ، كلمينا شوية عن الخبرات اللى اكتسبتيها منهم ؟
5//يا ريت لو تتكرمى تتكلمى عن نفسك فى 10 كلمات فقط .
6// اكتر اكلة بتحبيها واحسن اكلة بتحبى تعمليها ؟
7// علاقتك ايه بالاشياء التالية :
*المطبخ
*تشجيع كرة القدم
* مشاهدة الافلام الاجنبية
8// تدى لنفسك كام من عشرين فى الحاجات دى :
* الثقة بالنفس
* تحقيق الحب فى حياتك
* الاعتماد على النفس
* علاقتك بربنا
* تحقيق الطموحات والاحلام
* كتاباتك الادبية
* القدرة على الاقناع
* استخدام الاسلوب الساخر
9// المنتدى بيمثلك ايه ؟
10// مش زعلانة ان اسمك لم يدرج حتى الان فى قائمة المشرفين مع انك من انشط الاعضاء واكثرههم حيوية ونشاط ؟ وليه ؟
11/مين احسن عضو او عضوة بتعجبك موضوعاته وردوده او موضوعاتها وردودها؟ وليه ؟
12// لو تفضلتى ممكن تدى لكل العضوات اللى موجودين معانا فى المنتدى القاب ، بالاضافة كمان لافضل عشرة اعضاء ؟
13// مممكن تقولنا على اكتر موضوع ورد نالو اعجابك وكمان على اكتر موضوع ورد ليكى انتى بتعتزى بيهم ؟
14// تخيلى سموك انك رئيسة وزراء المنتدى وهتشكلى وزارة من اعضاء المنتدى ، شكل الوزارة هيبقى ازاى ( يا رب امسك وزارة الحربية او المالية ) .
15// الكلية والقسم كانو بيمثلولك ايه ؟
16// دكتور ودكتورة ومعيد ومعيدة ساعة بتفتكريهم بتدعلهم؟؟
17// سنة اتظلمت فيها وسنة حالفك فيها التوفيق فى التقدير وكمان ايه اكترمادة كنتى بتحبى تذاكريها ( ارجوكى لو سمحتى غير الدراما خاصــــــــــــــــــــــــــة وايتنج 4 جودو ).
18// لو انتى بقيتى بعد شهر عميدة كلية الاداب ( اهو كدا بقى بقدرة قادر ) وبايدك قرار تعيين المعيدين من دفعتنا ، اخنارى خمسة تعينيهم من وجهة نظرك اللى شايفاهم ممكن يفيدوا الطلبة وينفعوا الكلية ؟
19 // تقييمك ايه لفقرات حفلة التخرج ؟؟؟
20// لو صحيفة اعمالك يوم القيامة اللى بالتاكيد هتقرايها ، عرضت على اعضاء المنتدى علشان يقراوها هتبقى فخورة بيها ولا ممكن تشطبى منها حاجة ( اكيد احنا بشر ) ؟
21// تقولى لمين حمرا فى الحياة بمعنى حسبى الله ونعم الوكيل ؟
ملحــــــــــــــــــــــوظة : يمكنك التنفيض لاى سؤال ( الاسئلة كلها اختيارية )

يا نهار ابيض ليه كده يا عمرو دا انا عمري ما عملت حاجه وحشه لحد
ليه اقع الوقعه الجامده دي
انا اول ماشفت العنوان حصلي حاجتين: تنحت واذبهليت
بس حصل خير
" كانت تدرس الادب الانجليزى فى الخارج "ياريت هو في احسن من كده بس هي حاليا معاها ثانويه عامه
وورقه عليها صورتها وشعار الجامعه بتثبت انها كانت خارج نطاق الخدمه لمده 4 سنين

وبما ان برنسيس بتحب التحدي ، يبقي لازم تواجه الملك الشرير ده
وتنقذ مملكه والدها وترجع العرش
وزي ما تعودت، ديما الحظ بيسد طريقها ،واتصدمت
باول مجموعة اسئله(مش متوقعه خالص)وشكلها هترفع الرايه البيضا
وتتنازل عن العرش

علي فكره نايت انا عمري ما ظلمت حد (تقريبا يعني)
بس بعد الاسئله دي لازم ارجع دفاتري القديمه وارفع الظلم ده جايز ينفع
الاسئله كتيييييييييره اوي حرررررررررام كده
ربنا يساعدني واعرف اجاوب
بسم الله الرحمن الرحيم:
1-موقف لا يمكن ان تنسيه حدث لكى اثناء مرحلة الطفولة ؟

- هو في مواقف كتيييير بس اللي لايمكن انساه وانا ف5 ابتدائي تقريبا
وكنت خارجه يوم العيد( الاضحي) بالعجله بتفسح طبعا
وماشيه في قمة السعاده وفجاءه خبطت واحد وكانت وقعه جامده جدا
وزعلت قوي علي لبس العيد اللي اتبهدل لاء وكمان الراجل كان عمال
يزعقلي وانا مسكينه مش قادره اتكلم.. بس بعدين صعبت عليه وحايلني
واخدت العجله ومشيت جمبها لحد البيت وشكلي كان وحش اوي وانا راجعه

-2ممكن تحكى لينا عن اول رحلة ليكى فى حياتك ؟

- انا مش فاكره رحلات ابتدائي بس ممكن اتكلم عن رحلة اولي اعدادي
كانت ل حديقة الفسطاط والقلعه وحديقه الحيونات(مش كان فيها حيونات علي فكره)
ودريم بارك واستمتعت بيها جدا بس ف اخر اليوم الاتوبيس عطل وحصل قلق
بس انا مش كنت قلقانه خالص عشان في مشرفين مسؤلين عننا بالعكس كنت مبسوطه
عشان بحب المفاجات حتي لو وحشه.

3-فاكرة ايه السندوتشات اللى كنت بتاخديها معاكى فى المدرسة ولا كنتى مقضياها كنتين ؟

- ف ابتدائي كانت معظمها ساندوتشات جبنه ..بس انا اساسا مش بحب افطر.. بس مضطره
اما اعدادي وثانوي (طبعا كنت بصحي بدري اوي) وكويس اوي لو لحقت طابور المدرسه
تقريبا ف ثانوي حضرت الطابور 5 مرات ف السنه وطبعا كان لازم اقضيها كنتين.

4-مدرس ومدرسة اثروا فيكى ، كلمينا شوية عن الخبرات اللى اكتسبتيها منهم ؟

- مدرسة العربي ف ابتدائي وكان اسمها" ثناء" واستاذ "حسين" عربي ابتدائي برضه
ومدرس الرياضيات ف اعدادي استاذ "فكري"
التلاته دول انا مهما اتكلمت عنهم مش هقدر اوفيهم حقهم لانهم بجد ناس اتعلمت منهم
اجمل حاجات ف الدنيا وكان عندهم التربيه قبل التعليم وبالفعل تميزوا ف الاتنين
وعمري ما هقدر انساهم وديما بادعيلهم.

5-يا ريت لو تتكرمى تتكلمى عن نفسك فى 10 كلمات فقط .

- مش بعرف اتكلم عن نفسي بس هاحول
( عاديه جدا-بسيطه جدا-متفائله-صبوره اوي-بسامح بسرعه-بضيع الفرص-بحسب الوقت غلط)
كده 14 كلمه..

6-اكتر اكلة بتحبيها واحسن اكلة بتحبى تعمليها ؟

- بحب اكل مكرونه اسباجتي بالصلصه وبحب اسلق بيض واقلي بطاطس
عشان سهله طبعا.. بس بحب اعمل الاكلات الجديده وف الاخر بشربها لوحدي.

7-علاقتك ايه بالاشياء التالية :
المطبخ ( علاقه وثيقه جدا يعني لازم ادخله كل يوم -واجب وطني-)

تشجيع كرة القدم (بحب اشوف البطولات جدا والماتشات المهمه وبشجع المنتخب
و لو ماتش اهلي وزمالك بشجع الزمالك عشان بيصعبوا عليه اوي وعشان عارفه النتيجه)

مشاهدة الافلام الاجنبية(بحب افلام الرعب والاكشن )

8-تدى لنفسك كام من عشرين فى الحاجات دى :-/صعب السؤال علي فكره/

الثقة بالنفس (15 )
تحقيق الحب فى حياتك ( 18)
الاعتماد على النفس ( 18)
علاقتك بربنا (18)
تحقيق الطموحات والاحلام ( 10)
كتاباتك الادبية (15)
القدرة على الاقناع (17)
ااستخدام الاسلوب الساخر (18)

9-المنتدى بيمثلك ايه ؟

المنتدي حاله جميله اوي عيشاها مع اصحاب بحبهم جدا وزمايل رائعين-
وكفايه انه جمعنا بعد ما الدراسه فرقتنا.

10- مش زعلانة ان اسمك لم يدرج حتى الان فى قائمة المشرفين مع انك من انشط الاعضاء واكثرههم حيوية ونشاط ؟ وليه ؟

- لاء خالص .لاني مش عايزه اكون من المشرفين عشان شايفه انها مسؤليه
وانا مش منتظمه ومش هقدر افيد وحاسه ان كده احسن وكمان الاقسام ماشيه جدا مع مشرفينها
ومش ينفع نغير...

انا كده فصلت وهاكمل بكره ان شاء الله
(ربنا يسامحك نايت دول مش 21 سؤال دول 51)

والله العنوان مافيه اى حاجه , دا تعبير على بعضه انا حتى سمعته فى فيلم slumdog millionaire لما قاله المذيع للولد اللى بيتسابق معاه وكان قصده انه هو فى محور الاحداث , والله دا قصدى ولو انا غلطان يبقى العيب على المذيع بقى , بس على العموم انا اسف لو كنت غلطت

ولا يهمك عمرو حصل خير ومفيش غلط ولا حاجه

نكمل الرد علي اسئلة مستر نايت:
والاسئله دي شكلها اصعب من اللي فاتت.

11- مين احسن عضو او عضوة بتعجبك موضوعاته وردوده او موضوعاتها وردودها؟ وليه ؟

بتعجبني موضوعات (عمرو-نايت-نسايم)
وقصايد عاشق وحسام ..

12- لو تفضلتى ممكن تدى لكل العضوات اللى موجودين معانا فى المنتدى القاب ، بالاضافة كمان لافضل عشرة اعضاء ؟

- كايند هارت: البريئه
- نسايم: القلب الطيب ( ساعات "المُحرجه" عشان بتتكلم بصراحه، بس انا بحب فيها كده)
- ايلف تشيلد: الصديقه الجميله
- نفرو: المتميزه
- وايت: الطموحه
- صن تشايننج: المبدعه الصغيره
- ذا بيوتفل روز: المستقبل المشرق

بالنسبه لافضل عشرة اعضاء:
- عاشق الحريه: نبض مصروصوتها الثائر
- عمرو: الدبلوماسي المتميز
- ادمن: القائد الرائع
- نايت: الحكيم الساخر
- لوست: القلب الصادق
- محمود سيد: اخر روقان
- مصراوي: الاهلاوي الاصيل
-سويت آذ روز: الحالم

13- ممكن تقولينا على اكتر موضوع ورد نالو اعجابك وكمان على اكتر موضوع ورد ليكى انتى بتعتزى بيهم ؟

هي كل الموضوعات اللي برد عليها بتعجبني واذا كان لازم اختار موضوع يبقي قصيدة"حكايتنا" ل حسام
بالنسبه لمواضيعي وردودي انا بعتز بيها كلها بس اللي ممكن اقراءه اكتر من مره قصيدة" وخلاص انا اتخرجت"
وقصيدة "ولسه انا برضه ما يئستش" بحبها جدا.

14- تخيلى سموك انك رئيسة وزراء المنتدى وهتشكلى وزارة من اعضاء المنتدى ، شكل الوزارة هيبقى ازاى
( يا رب امسك وزارة الحربية او المالية ) .

رئيسة وزراء المنتدي: "برنسيس نظيف" ان ان اااااااااااااااااان
(انت بتسألني اسئله عجيبه) بس هنشكل الوزاره مفيش مشكله (اخيرا هنغير الحكومه)

-وزارة الثقافة: وايت (هو حسني يشوف الاستجواب وهيتنحي فورا)
- وزارة البيئه: نسائم
- وزاره الخارجيه: عمرو
-وزارة العدل: محمد حسام
- وزارة الدفاع والانتاج الحربي: نايت
- وزارة الشباب :لوست
- وزارة الاعلام: صن تشايننج
- وزارة الداخلية: عاشق الحرية
- وزارة المالية: مصراوي
- وزارة السياحة: ايلف تشيلد
- وزارة البترول: محمود سيد
- وزارة الاسكان: ذا بيوتفل روز
- وزارة الاتصالات والمعلومات: ادمن
- وزارة التعليم العالي: نفرو
- وزارة القوي العاملة: كايند هارت
- وزارة الاستثمار: سويت آذ روز

15-الكلية والقسم كانو بيمثلولك ايه ؟

بيمثلولي اغنية "اتخنقت" لمحمد محيي

( اتخقنـــت وطلعـــت كنـــت بضيـــع وقت
كــان حلـــم وهــــمي وانا صـدقـــت
للاســــف صــدقــــت !!
انا موصلتــش لحاجــة من اللــي حلمـــت بيــه
ســـوء اختيــار دة ولا سذاجـــة ولا ايـــة
رجعـــت للصفــر من ما كـــان مابـــدات !!)

16- دكتور ودكتورة ومعيد ومعيدة ساعة بتفتكريهم بتدعلهم؟؟

الدكتور اكيد د/ حامد شعبان
المعيدين ( محمد فاروق- امل زكي- امل ابراهيم )
الاساتذه دول باحترمهم جدا وديما بدعي لهم عشان استفدت واتعلمت منهم حاجات كتيره
ولو هاتمني اكون زي حد اتمني اكون زيهم..

17- سنة اتظلمت فيها وسنة حالفك فيها التوفيق فى التقدير وكمان ايه اكترمادة كنتى بتحبى تذاكريها ( ارجوكى لو سمحتى غير الدراما خاصــــــــــــــــــــــــــة وايتنج 4 جودو ).

اتظلمت في سنه تالته عشان عملت كل اللي عليا وفي الاخر جبت جيد وضاعت مني مرتبة الشرف
واحلي نتيجه كانت سنه اولي عشان طلعت التانيه وحسيت ان حلمي بداء يتحقق
واني اخترت الطريق الصح ( كان حلم وهمي وانا صدقت..للاسف صدقت )
واكتر ماده كنت بحب اذاكرها(سامحني نايت) لازم اقول "وايتنج4 جودو" اصلي بحب المسرحيه دي جدا
وتقريبا هي العمل الدرامي الوحيد اللي قرأت معظمه وفكرتها مختلفه وحلوه اوي.
وكمان كنت بحب اذاكر ماده د/ حامد شعبان"نصوص في الادب الانجليزي" كنت باستمتع بمذاكرتها جدا
وعملت كومنت حلو اوي في الامتحان ولسه فاكر الاسئلة وجبت 19 من 20وكنت بعتز بالدرجه دي جدا ..

18- لو انتى بقيتى بعد شهر عميدة كلية الاداب ( اهو كدا بقى بقدرة قادر ) وبايدك قرار تعيين المعيدين من دفعتنا ، اختارى خمسة تعينيهم من وجهة نظرك اللى شايفاهم ممكن يفيدوا الطلبة وينفعوا الكلية ؟

عميدة كلية الاداب (حلوه الفكره)
بس قبل ما اعين اي حد هافصل دكتورة ...عشان كفايه ظلم وخلي الناس تتعلم شويه
نبداء بقي قررات التعيين:
- نسائم (وان شاء الله هتتعين من غير قراري)
- عمرو
-وايت
- ايلف تشيلد
( الناس دي اجتهدت كتير ولو اتعينوا هيعملو فرق بجد)
-و برنسيس(عميده وهعين نفسي رخامه بقي)

19- تقييمك ايه لفقرات حفلة التخرج ؟؟؟

حفلة التخرج كانت رائعه بكل المقاييس وطلعت مواهب جميلة جدا محدش كان عارفها
وكفايه انها كانت من ابداع قسم انجليزي الخالص..وكل الفقرات كانت حلوه اوي
ويمكن المشكلة الوحيده كانت في الصوت وهي اللي اثرت علي فقرات زي Heroes &Flaws مع ان طريقة الاداء
وشكل العرض كان شيق جدا بس للاسف معظم الكلام مش كان مسموع وكان نفسي اعرف حكايتهم
ومن اروع مشاهد الحفلة اغنية "بحلم" ل تشامب وحسام ، مشهد اتمنيت انه يكون اطول من كده.

20- لو صحيفة اعمالك يوم القيامة اللى بالتاكيد هتقرايها ، عرضت على اعضاء المنتدى علشان يقراوها هتبقى فخورة بيها ولا ممكن تشطبى منها حاجة ( اكيد احنا بشر ) ؟

ليه كده، ان الله حليم ستار
انا اكيد اخطأت كتير بس اعتقد ان اخطأي عاديه ممكن اي حد يقع فيها من غير ما يقصد وممكن يكون بعضها متعمد،
بس مش هشطب حاجه وممكن تشوفوا الاخطاء عادي.

21- تقولى لمين حمرا فى الحياة بمعنى حسبى الله ونعم الوكيل ؟

حمرا ( اول مره اعرفها ) وممكن اقولها لمادة الفيزياء(معقده) .

ملحوظه : انا جاوبت كل الاسئله ومش نفضت لحاجه خالص

وهو المطلوب اثباته ، بشكرك جدا على الصراحة اللى لاحظتها فى كل الردود على تلك الاسئلة العجيبة بلا استثناء ، كمان مين قال انك ظالمة !!!!!! ، ولكن انه كرسى الاعتراف !!!!!! .

انا كمان عايز ابدى اعجابى بالاجابات الرائعة دى

بس ان كمان عايز اسألك شوية اسئلة كده

1- ايه الشئ اللى ممكن يرسم البسمه على وجه برينسيس؟
2- ايه هى اكتر هدية حد جابهالك قريبه لقلبك؟
3- بعيدا عن الادب الانجليزى , مين اكتر كاتب بتحبى تقرأيله , وايه هو الكتاب اللى مش ممكن هاتنسيه ؟
4- ايه رأيك فى علاء الاسوانى؟ وليه؟
5- مين اكتر حد من اصحابك بتحسى انه شبهك اوى؟ وليه؟
6- مين اكتر حد بتكرهييه فى حياتك (يارب قولى الدكتورة ايمان)

7- انتى بتقولى ان حلمك ضاع وانك اتخنقتى وكنتى بتضيعى وقت وكده, هل انتى شايفه انك عملتى اللى عليكى فعلا علشان تحققى حلمك؟ وللا انتى حاسسه ان حلمك اتخطف منك بدون وجه حق؟؟؟؟؟

8- انتى بتكتبى ادب وشعر عربى وانجليزى , مين هو اللى تقدرى تقولى عليه" ملهمك"؟

9- لو معاكى الة الزمن, تروحى فين وليه؟

10- لقيتى مصباح علاء الدين , وممكن تطلبى 3 حاجات , هاتطلبى ايه؟

كفاية كده ونكمل بعد ما تجاوبى

اسفه جدا علي التأخير في الرد
ونبدأ الاجابه ع الاسئله:

1- ايه الشئ اللى ممكن يرسم البسمه على وجه برينسيس؟

هو مش شئ واحد، هما اكتر من حاجه:
يعني لما حد يطلب مني اي حاجه وانا اقدر اساعده
ولما اشوف اطفال بيلعبوا
ولما اسمع صوت اصحابي او اقابلهم
ولما اسمع اخبار حلوه عن اي حد اعرفه
كل الحاجات دي ممكن ترسم البسمه علي وجه برينسيس وتخليها سعيده جدا.

2- ايه هى اكتر هدية حد جابهالك قريبه لقلبك؟

اكتر هديه قريبه لقلبي وكانت من حد بحبه اوي كانت " مصحف "

3- بعيدا عن الادب الانجليزى , مين اكتر كاتب بتحبى تقرأيله , وايه هو الكتاب اللى مش ممكن هاتنسيه ؟

بحب اقراء روايات "اجاثا كريستي" ( كاتبه ذكيه جدا )
وبحب اقراء روايات " احمد خالد توفيق " وكمان "نبيل فاروق"
والكتاب اللي مش ممكن انساه كان روايه عنوانها جذبني اوي اسمها
"الملل بعينه" ل احمد خالد توفيق بجد عمري ما هانسي الروايه دي
علشان اتشليت وانا بقرأها والمفروض كان يسميها"الشلل بعينه "
ومش كنت متخيله انه يقصد العنوان اللي كاتبه بجد.

4- ايه رأيك فى علاء الاسوانى؟ وليه؟

علاء الاسواني: حد مش بحب اسلوبه في الكتابه
اه هو في رواياته بيرسم صوره للمجتمع بكل مشاكله السياسيه والدينيه والاجتماعيه
وبيركز علي الشخصيات اكتر من الاحداث بس قليل اوي لما تلاقي شخصيه سويه في اعماله
ومعظم شخصياته مرضي ومكبوتين وبدل ما يعمل ايحاء للفكره اللي عايز يوصلها عن الشخصيه
بيتكلم بطريقه مباشره زياده عن الازم تخلي القارئ يشمئز من كلامه
مع ان المفروض من اي عمل ادبي انه يرقي بالقارئ لمستوي اعلي حتي ولو كان بيصور
واقع مؤلم وممكن يصدمه بس من غير ما يأذيه
بس ده مش موجود في رويات الاسواني اللي بتنزل بالقارئ لاحط المستويات.

5- مين اكتر حد من اصحابك بتحسى انه شبهك اوى؟ وليه؟

مفيش حد من اصحابي بحس انه شبهي،يمكن نكون بنحب حاجات معينه
وميولنا قريبه من بعض ،بس كل واحده فينا مختلفه عن التانيه
وتقدر تقول بنكمل بعض بس مش شبه بعض.

6- مين اكتر حد بتكرهييه فى حياتك (يارب قولى الدكتورة ايمان)

بصراحه مش لاقيه غيرها اكيد د/ ايمان
وربنا يكون في عون اللي هاتدرسلهم .

7- انتى بتقولى ان حلمك ضاع وانك اتخنقتى وكنتى بتضيعى وقت وكده, هل انتى شايفه انك عملتى اللى
عليكى فعلا علشان تحققى حلمك؟ وللا انتى حاسسه ان حلمك اتخطف منك بدون وجه حق؟؟؟؟؟

اه قولت كده، لان ده فعلا اللي حصل معايا
هي الحكايه كلها تقدر تقول عليها" سوء اختيار" من البدايه لاني اخترت المكان الخطأ
وبعيد تماما عن الحاجه اللي كنت بحب ادرسها ومع ذلك كملت فيه
وعملت اللي عليا بجد بس مش عارفه ليه كده ،قدري ولازم استحمله
وبالرغم من كده مش بيئس يعني حلم ضاع بيكون في عندي حلم تاني وبتستمر الحياه.

8- انتى بتكتبى ادب وشعر عربى وانجليزى , مين هو اللى تقدرى تقولى عليه" ملهمك"؟

الموضوع مش حكاية ملهم او اي حاجه ،كل الحكايه انها صدفه
وفكره بتشغل بالي فبكتب عنها.

9- لو معاكى الة الزمن, تروحى فين وليه؟

(السؤال ده كان علي بالي علي فكره) ولو حصل ومعايا الة الزمن
هاستخدمها مرتين اول مره: هارجع بيها للماضي زمان اوي علشان نفسي اشوف الرسول والصحابه
واجرب الحياه اللي كانوا عيشينها
تاني مره:هاطلع بيها علي المستقبل سنة 3000 واشوف العالم هيبقي عامل ازاي

10- لقيتى مصباح علاء الدين , وممكن تطلبى 3 حاجات , هاتطلبى ايه؟

بصراحه محتاره هاطلب ايه ،وكمان عفاريت اليومين دول حالتهم بقت صعبه اوي
والدراما بهدلتهم ع الاخر يعني ممكن يطلعك العفريت وشكله يصعب عليك فتسأله انت عن طلباته
بس لو طلع عفريت بجد زي بتوع زمان هتكون الطلبات كالاتي:
- هاطلب منه يبني لي مستشفي كبير جدا ( لان ده كان حلمي القديم).
- هاطلب منه ياخدني للصين (نفسي اشوف بيعملوا فانوس رمضان فين)
وبالمره نعمل جوله حول العالم .
- هاطلب منه يجيبلي مروحه يدويه ( هو طلب تافه بس اعمل ايه مش لاقيها ف اي مكان).

» princess in the hot scene

معلش نحن السابقون وانتم اللى بعدينا على طول

ياااااااااااااااااه انا اتأخرت اوى انا اسفة جدا يا برنسيس يا حبيبتى
انتى عارفة البرد عامل عمايله بس الحمد لله كابتن ماجد عاد اليكم من جديد

بمناسبة وزير الثقافة نسيت اقوله ان انا اللى سرقت اللوحة هههههههههههه

بصى بقى يا ستى انا ناوية اطلع عليكى القديم والجديد هههههههه طبعا بهزر

نبتدى بقى عشان طولت عليكى

كانت برنسيس تمشى فى طريق موحش حيث لا يوجد شيئا من حولها سوى بيوت عتيقة مهجورة فإذا بقدمها تتعثر بشئ ما فانحنت لترى ما هذا شئ ففوجئت بنفسها فى حجرة من حجرات احد تلك البيوت العتيقة. كانت الحجرة متسعة من الطراز القديم ذى الجدران الغليظة العالية والسقف المنقوش على اليمين مكتب انيق رُصت عليه كتب كثيرة وحول المكتب اثاث فُرش تحته سجادة قديمة …… وعلى يسار المكتب هناك حائط وردى معلق عليه صورة مائلة تحتها صورة اخرى مكتوب عليها آية قرآنية وبجوار الحائط باب مغلق .... وعلى يمين المكتب نافذة تطل على الشارع وعلى يسار الشباك هناك حائط آخر معلق عليه نتيجة يومية خضراء اللون…… وفى المواجهة باب يفضى الى الصالة وعلى اليمين باب اخر عريض عال ملون مفتوح على مصراعيه بدت من خلاله شرفة كبيرة ذات اعمدة مستديرة عالية فرشت بالقش مُطلة على حديقة بدت فروع شجرها تهتز من خلالها ….

اولا

- ماهو ذلك الشئ الذى تعثرت به قدماكِ ؟
- ما هى الكتب التى يمكن ان تكون فى بيت كهذا ؟
- من الشخص الذى تودين ان تكون صورته معلقة على الحائط ؟
- فى رأيك لماذا الصورة مائلة وهل ستقومين باصلاح وضعها علما بأنك لوقمت باصلاحها تتسببين فى سقوط الصورة المكتوب عليها الآية القرآنية .. فماذا ستفعلين؟؟
- برأيك هل النافذة المطلة على الشارع مغلقة ام مفتوحة ؟ ولماذا ؟؟ وان كانت مغلقة هل ستفتحينها او تقومين بغلقها ان كانت مفتوحة ؟؟؟؟؟؟؟
- ماهو اليوم الذى تودين ان يكون على ورقة النتيجة وماهو التاريخ وماهى الحكمة الموجودة على تلك الورقة ؟؟؟
- الباب المجوار للحائط مغلق .. لماذا ؟ وهل ستقومين بفتحه ولماذا ؟؟ وإن فُتح فى تصورك ماذا ستجدين ورائه ؟؟؟؟
- فى خيالك ماذا يوجد بتلك الحديقة غير الاشجار ؟ ولماذا فُرشت الشرفة بالقش؟
بعد ان تأملت فى ارجاء البيت فإذا بجرس الباب يدق ..... تن تن تن تن

- يا تُرى من الطارق ؟؟ وهل ستقومين بفتح الباب ام لا ؟؟ وهل ستشعرين بشئ من الخوف ؟؟ (( طبعا مش الفيلم ها ))
-واخيرا وليس آخرا ....... كيف تخرجين من هذا البيت ؟

اسئلة غريبة جدا انا مش عارفة اتكتبت ازاى اصلا
بتفكرنى باسئلة بم تفسر وعلل

الظاهر انى اتعديت منك انتى وايلف بس انتوا الاصل طبعا
..........................................................................................

ثانيا

الى من تهدى هذه القصص والروايات والمسرحيات ( (( اذكرى مواقف حدثت او يمكن ان تحدث لكِ او اشخاص او اشياء وخلافه))
(ملحوظة : السؤال ده انتى اللى اوحيتى لي بفكرته )

1- إنى راحلة
2- هذا هو الحب
3- مؤامرة
4- لحظة عابرة
5- الوان من السعادة
6- الورطة
7- الغد قادم
8- اين عمرى
10- شئ فى صدرى
11- لا أنام
12- انا حرة
13- لا شئ يهم
14- قصة لم تتم
15- الماضى لا يعود
16- اشياء للذكرى
17- البيت الصامت
18- هذه حياتى
19- غابت الشمس ولم يظهر القمر
20- لا تتركونى هنا وحدى

آخر حاجة بقى تقولى لمين تحديدا

قلبك ساعات زى الحليب صافى
وساعات كتير زى السراب كداب (( وكملى انتى الباقى))

وكفاية عليكى كده المرة دى وجاوبى يا برنسيس الاجابة اللى انا مستنياها لاحسن هتلاقى اسئلة تانية كتيير

اولا سوري علي التأخير في الرد ولكن كل ما اكتب اسئله الاقي حد كاتب اسئله ليكي... ودلوقتي اسيبك تجاوبي علي اسئله وايت وبعد كده انا اكون فكرت في كام سؤال

ولا يهمك ادمن بس يا رب تكون اسئله سهله!!!

ايه يا وايت اللي رجعك حرام عليك صحتك لو اخرتي شويه كنتي هتلاقيني عندك
وطبعا مش كنت هنسي واجب الزياره ( شوية قشر برتقال علي قشر ليمون ) شوفتي خسرتي اد ايه بتسرعك.
وانا كنت شاكه انك ورا حكاية اللوحه، المهم ان الموضوع بقي في ايدينا.

" كانت برنسيس تمشى فى طريق موحش" يا ستي هي غلطانه ومش هتمشي تاني وهتقعد فالبيت.
بس طالما هي مشيت خلاص ودخت البيت المهجور ، يبقي لازم تجاوب :

1- ماهو ذلك الشئ الذى تعثرت به قدماكِ ؟

صندوق صغير لونه فضي

2- ما هى الكتب التى يمكن ان تكون فى بيت كهذا ؟

رويات قديمه وورقها اصفر وكتب عن الفلسفه

3- من الشخص الذى تودين ان تكون صورته معلقة على الحائط ؟

صورة اختي الصغيره( بس مش هتكون ماشيه مع جو المكان)

4- فى رأيك لماذا الصورة مائلة وهل ستقومين باصلاح وضعها علما بأنك لوقمت باصلاحها
تتسببين فى سقوط الصورة المكتوب عليها الآية القرآنية .. فماذا ستفعلين؟؟

مائله ليه: عادي مش متعلقه كويس ويمكن بتفكر تقع ، اه عادي .
ومش هاعدلها علشان الصوره التانيه مش تقع وكمان علشان انا حبيت شكلها كده.

5- برأيك هل النافذة المطلة على الشارع مغلقة ام مفتوحة ؟ ولماذا ؟؟
وان كانت مغلقة هل ستفتحينها او تقومين بغلقها ان كانت مفتوحة ؟؟؟؟؟؟؟

النافذه مغلقه لان البيت مهجور ومش فيه حد وانا هافتحها علشان احس ان بقي في حياه في البيت لما يدخل النور.

6- ماهو اليوم الذى تودين ان يكون على ورقة النتيجة وماهو التاريخ وماهى الحكمة الموجودة على تلك الورقة ؟؟؟

يوم الاتنين تاريخ 1/ 3/ 1989 والحكمه :
" اعمل لدنياك كأنك تعيش ابدا ..واعمل لاخرتك كأنك تموت غدا "

7- الباب المجاور للحائط مغلق .. لماذا ؟ وهل ستقومين بفتحه ولماذا ؟؟ وإن فُتح فى تصورك ماذا ستجدين ورائه ؟؟؟؟

الباب مغلق لان مفيش حد في المكان وهافتحه حب استطلاع وهلاقي وراه مكان كله كتب ومكتب عليه كتاب مفتوح
وفيه قلم رصاص وبجواره فنجان قهوه .

8- فى خيالك ماذا يوجد بتلك الحديقة غير الاشجار ؟ ولماذا فُرشت الشرفة بالقش؟
في ازهار جميله وجدول ماء صافي والقش موجود علشان في عصافير .

بعد ان تأملت فى ارجاء البيت فإذا بجرس الباب يدق ..... تن تن تن تن
9- يا تُرى من الطارق ؟؟ وهل ستقومين بفتح الباب ام لا ؟؟ وهل ستشعرين بشئ من الخوف ؟؟ (( طبعا مش الفيلم ها ))

اكيد مش بتاع الدليفري ...اعتقد انه ممكن يكون ساعي البريد وهافتح الباب ومش هشعر ب"شئ من الخوف"
الا اذا كان الموضوع فيه عتريس ههههههه
بس هحس بالفضول وشوية قلق احسن يكون الشخص ده من اصحاب البيت ومش اعرف ابرر وجودي هنا.

10- واخيرا وليس آخرا ....... كيف تخرجين من هذا البيت ؟

هاخرج من الباب اللي لسه فاتحه للطارق .

ثانيا

الى من تهدى هذه القصص والروايات والمسرحيات ( (( اذكرى مواقف حدثت او يمكن ان تحدث لكِ او اشخاص او اشياء وخلافه))
(ملحوظة : السؤال ده انتى اللى اوحيتى لي بفكرته )

1- إنى راحلة ( كل احلامي القديمه )

2- هذا هو الحب ( أهلي واصحابي )

3- مؤامرة ( اخر مره كلمت إيلف تشيلد وطلعت بكلم حد تاني )

4- لحظة عابرة ( الاربع السنين اللي قضيتها في الجامعه )

5- الوان من السعادة ( قصايد فاروق جويده ونزار وشكسبير )

6- الورطة ( اليوم اللي شرحت فيه في مدرسة الرسالة )

7- الغد قادم ( الدراسة هاترجع من تاني )

8- اين عمرى ( لسه هايبتدي )

10- شئ فى صدرى ( تردد وحيره )

11- لا أنام ( ايام الامتحانات )

12- انا حرة ( هادخل آداب ومش هادخل علوم )

13- لا شئ يهم ( ال 21 سنه اللي عدوا من عمري )

14- قصة لم تتم ( دخولي كلية الطب )

15- الماضى لا يعود ( رحلات المدرسه )

16- اشياء للذكرى ( صورنا العجيبه بتاع الجامعه )

17- البيت الصامت ( يوم وفاة اي حد يقرب لي )

18- هذه حياتى ( ضحك ولعب وجد وحب )

19- غابت الشمس ولم يظهر القمر ( يوم نتيجة الثانوية العامة ويوم نتيجة تالته جامعه )

20- لا تتركونى هنا وحدي ( اخر يوم لينا في الجامعه واليوم اللي كنا بنسحب فيه شهادة التخرج )

" قلبك ساعات زى الحليب صافى
وساعات كتير زى السراب كداب
معقوله يبقي حضنك الدافي
هو اللي برضه بيقسي ع الاحباب "

انا هاقول الكلام ده ل" وايت "
مش عارف ليه ،هو ماشي معاكي وخلاص ،جايز علشان انتي ناويتي تطلعي عليا القديم والجديد ،جايز.
وكده اكون جاوبت علي كل الاسئله والبرد بيعمل اكتر من كده ( حمدالله علي السلامه وايت).

لا يا برنسيس طلعتى تمام وجاوبتى على الاسئلة كويس ده انا كنت خايفة عليكى لتقعى
اما انا طلعت متسرعة بشكل فوق الفظيع كده راحت عليا الكمية الهايلة من القشر
اخف ازاى انا دلوقتى كنت لازم آخد بالى
وبالنسبة للمؤامرة معلش ما يقع الا الشاطر بس نفسى اعرف ازاى خالت عليكى
وبتهديلى الاغنية يا برنسيس على فكرة انتى مش اول حد يقولى كده غريبة جدا

انا بعد كل الاسئله دي مش لاقي اي سؤال .. بس ملحوقه هسأل كام سؤال سهلين جدا

1- اكيد بعد التخرج دلوقتي الواحد احلامه وامنياته اتغيرت اكيد واحنا في الكليه الكل كان بيتمني انه يتخرج وبتقدير كويس انما دلوقتي يا ترى ايه هي احلامك للفتره الجايه ؟؟

2- لو جات لحضرتك فرصه انك تاخدي الجنسيه الامريكيه هتوافقي ولا مش هتوافقي ؟؟ بصراحه !!

3- ليه دايما لما بيحصل اي حاجه مش كويسه تلاقي حد يقول " هو دا الشعب المصري يا استاذ او استاذه " طيب هو هندي واحنا مش عارفين ... نفسي اعرف سبب الحكايه دي يا تري برنسيس عندها اجابه للحكايه دي

4- اخر سؤال خلاص ... لو انتي دلوقتي في اعماق البحر الابيض المتوسط ومعاكي مقص وقدامك الكابل اللي موصل الانترنت لمصر هل هتقطعي الكابل ولا هتسبيه ؟؟ مش عارف هو سؤال غريب بس لاني دايما في بالي اني الغي حاجه اسمها نت مع انها مجال شغلي لكن مساؤي الانترنت اكتر من مميزاته

1- اكيد بعد التخرج دلوقتي الواحد احلامه وامنياته اتغيرت اكيد واحنا في الكليه الكل كان بيتمني انه يتخرج
وبتقدير كويس انما دلوقتي يا ترى ايه هي احلامك للفتره الجايه ؟؟

أحلامي للفتره الجايه اني اكمل دراسة واحصل علي درجة الماجستير والدكتوراه ان شاء الله .

2- لو جات لحضرتك فرصه انك تاخدي الجنسيه الامريكيه هتوافقي ولا مش هتوافقي ؟؟ بصراحه !!

لاء .. اكيد لاء
اصل الجنسيه الامريكيه مش حاجه افتخر بيها، ويكفيني شرف الجنسيه المصريه بجد.
وحتي لو معاك الجنسيه الامريكيه وعايش ف امريكا مش هتفرق كتير
بس ممكن تاخذ الجنسيه علشان تعيش بيها في مصر وقتها بس هتحس بالفرق.

3- ليه دايما لما بيحصل اي حاجه مش كويسه تلاقي حد يقول " هو دا الشعب المصري يا استاذ او استاذه "
طيب هو هندي واحنا مش عارفين ... نفسي اعرف سبب الحكايه دي يا تري برنسيس عندها اجابه للحكايه دي

" هو دا الشعب المصري يا استاذ "
اللي بيقول كده يبقي هندي اكيد هندي ..ويظهر ان الشعب المصري اليومين دول ماشي بمقولة:
"لو لم اكن مصريا ...لوددت ان اكون هنديا " وقريب اوي ان شاء الله هنستورد افيال من الصين
لاء بجد ادمن هو الشعب المصري احسن ناس تترياء علي نفسها
ويقولوا نكت علي نفسهم ويضحكوا عليها وتلاقي الواحد بيتكلم عن المصريين وكأن حضرته من" زحل"
بس يمكن كل ده بسب المشاكل اللي عيشينها وكل واحد عمال ينتقد في غيره
علشان يبين انه مش عاجبه حال البلد وهو كده عمل اللي عليه.

4- اخر سؤال خلاص ... لو انتي دلوقتي في اعماق البحر الابيض المتوسط ومعاكي مقص
وقدامك الكابل اللي موصل الانترنت لمصرهل هتقطعي الكابل ولا هتسبيه ؟؟
مش عارف هو سؤال غريب بس لاني دايما في بالي اني الغي حاجه اسمها نت مع انها مجال شغلي
لكن مساؤي الانترنت اكتر من مميزاته

اه سؤال غريب بجد ، بس مش هقطعه اكيد علشان مينفعش
انا معاك ان في ناس كتير بتسئ استخدام النت بس بردو في ناس كتير بتستخدمه كويس اوي
وبتستفيد منه جدا و انت اكيد عارف ده كويس و لو قطعت الكابل هتسبب ف خساير كتير للمؤسسات
اللي كل شغلها مرتبط بيه ولو اي حاجه ليها عيوب هتلغيها يبقي هتلغي حاجات كتيييييير
والمشكله مش في النت ولكن في الناس اللي بتستخدمه..

انا كده تقريبا اتسئلت كل الاسئله المتوقعه وغير المتوقعه : العجيبه والغريبه وعلاء الدين واله الزمن
وماعتقدش ان ممكن يكون في اسئل تاني..

( بحلم بمدنه و برج حمام .. و أرض حضنها بيسعنى
بحلم ولو منعوا الاحلام .. هقول محدش يمنعنى
من حقي احلم واتمني واشوف براح الكون جنه
واغني احلام تتغني في كون بيرفض يسمعني
بحلم امد جناحي واطيرواعيش في دنيا بلون وردي
واشوف قلوب الناس عصافير بيحلموا بغصن مندي
بحلم بكل الناس تحلم، بحلم يملي الدنيا سلام
مفيش ملام ع اللي بيحلم ومفيش حياه من غير احلام )

بحلم بمدنه و برج حمام .. و أرض حضنها بيسعنى
بحلم ولو منعوا الاحلام .. هقول محدش يمنعنى
من حقي احلم واتمني واشوف براح الكون جنه
واغني احلام تتغني في كون بيرفض يسمعني
بحلم امد جناحي واطيرواعيش في دنيا بلون وردي
واشوف قلوب الناس عصافير بيحلموا بغصن مندي
بحلم بكل الناس تحلم، بحلم يملي الدنيا سلام
مفيش ملام ع اللي بيحلم ومفيش حياه من غير احلام )

جميلة جدا الكلمات دى ولذيذة اوى ، وكمان بتنّم عن موهبة ، وكمان مش عيب انك تستشهدى ببيت شعر لشاعرنا الهمام حسام الدين ، حقيقى دى حاجة افلاطونية ، ايه يا جماااااااااااعة مفيش اسئلة تانى ولا ايه !!!!!! خلاص انا عندى مجموعة اسئلة سهلة وبسيطة وصغنونة ان شاء الله هبقى ابعتهم فى الفاكس التانى ( لسه فيه الفاكس التالت والرابع ......الخ الخ )

هي دي جزء من كلمات اغنية " بحلم " وانا بحبها جدا
ونقلتها كده.

" خلاص انا عندى مجموعة اسئلة سهلة وبسيطة وصغنونة ان شاء الله هبقى ابعتهم فى الفاكس التانى ( لسه فيه الفاكس التالت والرابع ......الخ الخ ) "

تاااااااااااااااااااني
"اللهم لا اله الاانت سبحانك اني كنت من الظالمين"

علي فكرة اغنية بحلم دي قديمة قوي
يعني اللي بيسمع اناشيد دينية من زمان لازم يكون سمعها
من ييجي 10سنين كده

اه وليه كدا ( شكلى كدا عايزابيع المياه فى حارة السقايين ) قلتلك اسكت يا عم خالد انت اصلا متفهمشى فى الشعر ولا بتسمع اغانى ولا حتى اناشيد ( انا شكلى كدا وقعت مع شوية فحول فى الشعر ) بس انا عايز اطلب طلب من شعراء المنتدى ( حسام ، برنسيس ، عامر ) لما ينزلوا حاجات مش ليهم يقولونا عن المصدر ( منعا من الاحراج ) ماشى يا حسام يعنى * اشوف براح الكون جنة * مش بتاعتك ، يا حرامى ( اسكت بقى احسن تكون مش فاهم المرة دى كمان )

ههههههههههههههههههههههههههههه

ههههههههههههههههههههههههههه

[siz ايه ده مؤامره مره واحدة ههههههههههههه ده حتى كانت دعابه بريئه
وبعدين انتى فاكره انى هسيبك تقمومى من على الكرسى كده
من غير اسئله . لا طبعا ماينفعش . ومقدما لما تجوبى على الاسئله ياريت ما تنهيش الاسئله من قبل ما تبتدى . وماتقليش بصى العصفوره . واوعدك ان شاء الله ان الاسئله هتكون سهله سهله سهله سهله خالص

[/size]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ( اى حاجة كدا علشان الموضوع ما يختفيش )

ايه يا جماعه امال فين الاسئلة الصعبة ؟؟؟ انتو كده شكلكم خايفين من برينسيس وللا ايه؟؟؟؟

لا نشد حيلنا شوية عايزين حلقة قوية وحصرية وعايزين اعترافات حصرية كمان ,

وماتنسيش يا برينسيس " انا عايز ألمعك " (بتاع عمرو رمزى)

الله يكون فى عونك يا برنسيس ولعلمك ايلف هيه السبب ههههههههههههههه

ربنا يسامحك يا إيلف ما انا كنت ماشيه ..