ههههههههه No Objection

معلهش يا بنى يا حبيبى معلهش ههههههه ، ما تحاولش يا باشا ، قلتلك قبل كدا احنا قلوبنا مُألفة لايمكن ان تسيباريتد ، فقلوبنا عامل زى السمك فى الميه ، السمك ممكن يعيش على اليابس!!! ، ههههههههههههههه ، المهم ان الزبون الزميل الباشا غاب وساب زميله وباقى السولدجيرس حيارى .
الحكاية باختصار ان عمرو اتخدع فىكشف الهيئة بتاع الضباط الاحتياط وظن انه مش هيختاروه ظبوط وكمان عامر ( اه عامر ماشى ) وفرح جدا وانا اتصلتبه وقالى انا خلاص نزلت عسكرى وانت مبروك يا عم الضابط فقلتله متطنشى اوى الا لما تسمع النتيجة ، فعمنا عمرو غاب واذا بقائد المنطقة اللواء اركان حرب يعلن 240 اسم سيذهبون الى فترة ال9 اشهر بتاع الدراسة والترينينج ( خلى بالك الفترة دى هنعلق نجمة واحدة ) وبعد كدا هنتوزع على المناطق ( والفترة دى هنعلق نجمتين و3 والمرتب بيقى كويس ) توزيعنا القائد قال امبارح بالنسبة للغات ممكن يروحو الجيش التانى او التالت فى سيناء يدرسو لطلبة الحربية فى معاهد اللغات ( والله بتكلم جد ) .
انا اكيد سعيد يكفى ان احنا هنفضل مع بعض كمان 3 سنين ويمكن نتطوع ونبقى مع بعض يا عمور ابدا الدهر ، وعلى فكرة المرتب المعفن بتاع فترة التدريب زاد 4 اضعاف ( اشطة ) ، عايزين بقى نخرج نفسنا من مود الحزن والاكتئاب ( انا بدأت) ، يا راجل انت هتبقى ملازم اول ومعاك عسكرى بيغسلك لبسك وبيادتك وشرابك يعنى وانت فاهم بقى .
هــــــــــــــــــــــــام جدا : ما تنساش لازم تروح بكرة او بعده النضارة علشان اتاخدت غياب وكمان هنروح كلنا يوم 26 فى الشهر دا الكيلو 4ونص طريق مصر السويس علشان كشف السمات والمناظرة وممكن بنسبة واحد فى الميه ربنا يكرمنا لو مش نجحنا فى الكشف دا ننزل عساكر.
ملحوظة : انا وكمان بعض الاصدقاء بنتعمد تكتب موضوعات على المنتدى بشئونا الخاصة كتدوين للذكريات لقرائتها ان شاء الله فى السنوات القادمة .

تمام يا افندم , يابنى انت ورايا ورايا ارحمنى بقى , بجد يا خالد انا لما عرفت انتابنى شعور بالفرحه علشان انا وانت هانكون مع بعض (بس الشعور ده مادامش كتير يعنى)

بس انا عايز اسألك سؤال افرض انى مارحتش بكره ايه اللى هايحصل(علشان انا مش هاروح , يمكن يعرفوا انى مش منظبط وينزلونى عسكرى!!!!!)

رد بسرعه لو سمحت ياعم الظابط يا بتاع الذكريات انت (ذكريات منيلة بنيلة)

ايه ده
هيا النتيجة بانت
علية العوض ومنه العوض

مش عارف بس هما قالونا اللى كان غايب يبلغ الحاضر بااللى حصل وييجى يتمم ( اعكسها يا عم ) انما تنزل دا بعدك يا عم الامور ظابط ظابط ، والله يا عمرو هما اختارو 239 ضابط احتياط انا كنت رقم 234 ( فى نفسى قلت يا بن المحظوظة يا عمرو نفدت ) لسه مخلصتش التوسوسة ولقيت رقم 235 عمرو عبدالعال وعلشان كدا انا بحبك يوم بعد يوم بزيادة انه القدر يا صديقى !!!!!!!!!!! ، اوعى تنسى كشف السمات .

9

والله يا جماعة كنت بدعى لكم وانا صايم على الفطار فى رمضان والست ايام بتوع شوال

الحمد لله
خير
اكيد خير
هو ربنا هيختارلنا غير الخير
اهم حاجة الرضا بالقضاء والقدر

هوا الراجل كان قال حاجة يا عاشق؟
دا حتى اسم الموضوع باين
no objection

والله يا خالد و يا عمرو اكيد ربنا شايلكم حاجه احسن وان شاء الله كله بيعدي واكيد اكيد الموضوع ده فيه خير ليكم

قدر الله وما شاء فعل.أكيد ده فيه خير ليكم.بس اصبروا واحتسبوا الاجر عند الله..وبعدين هتدرسوا فى معاهد لغات.....اعتبروا نفسكم معيدين ودكاترة وعيشوا الدور شويه.....وبكده تكون امنيتك اتحققت يا عمرو.........بس ليا طلب من كل الشباب بتاعنا........؟؟؟؟؟؟؟؟ اللى احنا نتجمع ونقضى مع بعض يوم قبل ما تروحوا الجيش .....ياريت تاخدوا الموضوع فى عين الاعتبار.عشان كلكم وحشتونى..........ده الواحد راح الكلية امبارح انا ورمضان..........وبصراحه كانت دمها تقييييييييييييل قوى.........عرفت ساعتها قيمتكم....وقعدت انا ورمضان نفتكر الايام الجميلة.ونقول هنا كان بيقعد فلان وهنا بيقعد فلان وهكذا.........فياريت نرتب قعده قبل ما تمشوا ف الجيش....

شكرا ليك يا طه وحمد الله على السلامه , انا كمان رحت الكلية النهارده ومالقيتش هناك الا شوية شباب سيس (سورى فى اللفظ بس دى الحقيقه), حاولت ادور على خالد وحسام وعامر ومصطفى وطه وةحيد وعبدالغفار وعلى بس للاسف لقتهم خلاص سابوا الكليه واتخرجوا , حاولت ادور على الناس اللى اتعودت اقضى معاهم كل وقتى , بس للاسف لقيتهم سابوا الكلية خلاص, حاوت ارجع لايام زمان , بس للاسف لقيت انه مستحيل نرجع الايام دى تانى , رحت انا واحمد رمضان قعدنا على القهوه اللى اتعودنا نقعد عليها وقعدنا نفتكر اجمل الايام واجمل اللحظات .

بجد يا طه انا معااااااااك اننا لازم نتقابل قبل ما نروح الجيش لانكم هاتوحشونى جدا جدا جدا جدا , وبجد لازم نرتب وقت نتلم فيه زى زمان ,

ياللا يا شباب انا اول المؤيدين , لما نشوف مين اللى هايأيد اقتراح مصراوى

انا كمان بؤيد طه ( وحشنى جدا ومعلهش يا طه سامحنى ) ، وبعدين انت تسكت خالص ياد يا عامر بايتالك فى الكيدج يا حظيظ ، خلاص يا عمرو انت فضيت يعنى انت ناسى يا افندم ان احنا رايحين السويس يوم الاحد 7 صباحا علشان كشف السماد الزراعية ( تعالى بات معايا فى مصر وانت عارف الشقةونشد من هنا على طول على الكيلو 4 ونص يا الكيلو 4 ونص يا نصة ماشى يا د8بش ، وبالمرة كمان نقضى يوم جميل هنا وانت عارف ، انا والله مقضيها ومستمتع بحياتى ( قبل فوات الاوان ) وانت عارف بقى التدريبات يا عمورة فى الكلية ، بس انت يا عم مش فارقة معك فتنس عالى وم8سليز متنتورة فى كل الانحاء ، موعدنا السبت فى الشباب اسعاف يا افندم ( على فكرة انا اقدم منك فى الجيش يعنى انا اللى هديك الاوامر ياد فاهم ( انت غبت يوم ) .

خلاص يا افندم هاعدى على سيادتك يوم السبت بس المفروض سيادتك تفتح موبايلك علشان اعرف اوصلك , وبعدين انا نسيت الشقه فين , كلمنى الاول وانا اجيلك والا مش هاجى

على فكرة ياعمرو انتا وخالد انتوا مش هتحسوا بقيمة الثلاث سنين بتوع الجيش دول وانهم نعمة من عند ربنا الا لما ابو صلاح وابو رمضان يروحوا قوات حفظ السلام فى دارفور ، ساعتها بس هتعرفوا انكم فى نعمة وتقولوا الحمد لله
ههههههههههههههههههههههه

ها يا ولاد هتتجمعوا ايمتى وفين

هنتجمع فى أى مكان وأى زمان.أنا أول واحد ان شاء الله أى ميعاد وأى مكان موافق عليه....ياريت الناس لو عاجباهم فكرة التجمع ياخدوا الموضوع باهتمام

يللا الوقت بيجرى وايامنا فى البلد اصبحت معدوده

لا فعلا يا عمرو انا بتفق معاك ان احنا ايامنا اصبحت معدودة احنا بعد اللى شفناه انهاردة فى الكيلو 4 ونص فرع الانتقاء والتوجيه بتاع الزفت الاحتياط ، فعلا احنا ايامنا بقت معدودة وطيارات فوقينا ومظلات وحاجات غريبة دا مصر كلها فى الجيش يا جماعة ، كانت حاجة غريبة ان اللى عملوا معانا المقابلات الشخصية ضباط ولكن مش شباب لا ابسنوتلى دا كانوا بنات ( بجد حتى الحربية ) فبسأل سيادتها هو انا ممكن ابقى معاكوا هنا ظابط احتياط ، فردت سيادتها عليا بابتسامة ازدراء ، وقالتلى انت علم نفس قلتلها اه قصدى انا اداب تاريخ لا جغرافيا لا افتكرت انجلش ( انت يلا يا بسكوتة انا عارف انت هتموت من الضحك ، موعدنا فى الكلية بتاع التدريب يا عمورا ) .
المهم ياد يا عسلية كان يوم لذيذ بجد علشان بقابل حبيب قلبى عمرو وبنقضيها بقى لحد الساعة خمسة ( بيتخرب بيتنا فى الكنتين ، معرفة هم ) ، كمان بقى بتذكر ايام الزمن الجميل بقى وبنقول ياااااااااااااااا لو ابو صلاح او ابو رمضان او شعبان او باقى الشلة كانو معانا ضباط كنا هنقضيها ، بس بنرجع ونقول ان شاء الله هيجيو لينا جنود ( معلهش يا شباب مش اى حد لازم تكون الم8سيلز متنتورة فى كل الانحاء ) ونكرمهم اخر كرم ( والله لو حد منكم جالى عسكرى لا اخليه يزحف على بطنه وينزحلى الابار بتاع المياه بسبون ، منه الاخر تكدير تكدير ، ولو امكن يلمعلى البيادة ( هههههههه ) ) ألا بالحق يا عمرو فى سؤال عايزك تجاوبلى عليه
السؤال بيقول : مكرن مفرن مقبلن مدبرن ( مفيش تنوين وبكسر الكاف والفاء وتسكين القاف والدال ) كجلمود حطه الصخر من علىّ
ما معنى كلمة جلــــــــــــــــــــمود ؟؟؟ ( دراجون هههههههه معلهش طلبت رخامة )
يلا بقى يا عسلية ســـــــــــــــــــــــــــلامانجو هتوحشنى لحد المناظرة اللى جاية .

رجـــــــــــــــــــــــــــــاء : أرجو من مامتك يا عمرو بأن تكُفّ عن الدعاء عليا ، لان بدا يجيب مفعول ( انا والله مش ذنبى ، بالله عليكى ماتدعى عليا دا انا مسكيييييين )
يلا بقى سلاموز ( مصطلحات جديدة وغريبة بسمعها هنا فى مصر القديمة طحن من شوية عيال فقدانين )

ايه ده
ايامكم اصبحت مع دوده! لا حول ولا قوة الا بالله

انتا رغاى ليه ياد ياخالد ياد
عنيا وجعتنى
وبعدين ابقى غير اللون الهباب اللى بتكتب بيه ده

وعلى فكرة الشطر الثانى من البيت انتا كاتبه غلط
المفروض يكون
مكر مفر مقبل مدبر
كجلمود صخر حطه السيل من عل
وده كان بيت لإمرئ القيس فى وصفه لحصانه

هيا سلامانجه وسلاموز مصطلحات جديده
دا انتا قديم قوى ، اه ، عشان كده بتسمعها ف مصر القديمة
هههههههههههههههههههه

سلاااااااااااااام

ماااااااااااااااشى يا عم محمود رغاى رغاى ، ايوة يا عم ما هو انت بتاع كلمة ونص فى ردودك علشان ترفع مساهماتك دا انت حاجة اخر روقان فعلا ، وبعدين انا عارف ياد مكرن ومفرن بيكتبوا ازاى ومين اللى كتب الكلمات دى ( وبعدين انت بتعدّل اللغة وراء ظابط ، طيب لما تجيلى الجيش خلى بالك بقى من نفسك يا حبيبى ) ، ومن الاخر مينفعشى اغير اللون دا دا انا بعشقه .

هههههههههههههههههههههههه
ماشى ياحضرة الظابط
وبعدين انتا بتحب اللون دى حاجه بتعتك
احنا زنبنا ايه تعمينا
ههههههههههههههههههه

على فكرة ياد يا محمود زنبنا مش بالزين يا أبا اجنورانس( ذنب )

» جاوب تكسب ههههههههه