خد بـــــــالك

وانا بفتح الايميل لاقيت ان محمود ... صديقي باعتلي رساله في الاوف لاين بيقولي لو عندك نسخه زياده عن حاجتي من المصحف الشريف ابعتها لمش عارف ايه ودا كمان رقم التليفون ودي جمعيه اسلاميه وكلام كده ... يا استاذي قلناها مليون مره النت ده هيخرب بيوتنا مش كل رساله تجيلنا علي الميل نروح باعتنها لكل اصدقائنا علي الميل .. حضرتك لو قريت المصري اليوم امبارح والنهارده هتلاقي في واحد اسمه الانبا بيشوي وده رقم اتنين في مصر بعد البابا شنوده بيطالب بمراجعه ايات قرآنيه ويدعي انها اضيفت في عهد عثمان .. انت يا استاذ محمود عايز تجمعلهم المصحف ؟؟!!!
اللي عايز اقوله من كل الكلام ده ان محمود طبعا مش قصده حاجه ولا انا بثير الفتنه من الكلام ده ولكن ان الحمله ضد الاسلام كبيره اوي والشئ المستفز ان احنا اللي بنساعد في نشر افكارهم بجهل مننا واكيد انتوا تتذكروا البنت اللي اعادت نشر الصور المسيئه للرسول عليه الصلاه والسلام في منتدي عربي وجعلت كل العرب يروا وينشروا ما هو مسئ للرسول ... مش بالسهوله دي نفرط في المصحف الشريف ... وفي النهايه خدوا بالكم من الفتنه اللي هتخرب بيوتنا برضه وربنا يسترها علينا