ashek el horrya
مشرف
 عدد المساهمات : 1129
نقاط : 59978
تاريخ التسجيل : 15/12/2008
العمر : 35
بلدك : 
الابراج : 
 | موضوع: عهد ما بينا (احدث اعمال )  الإثنين سبتمبر 27, 2010 11:11 am | |
| عهد زمان خدناه علي روحنا اللي هيبعد بيننا الموت وان الحب مهوش بكلام ولا بزعيق وعلو الصوت وانا محلمتش بالملايين ولا بمناصب ولا جبروت كل اللي طلبته اني الاقي تمن الهدمه وتمن القوت اني احس ان انا انسان ليا كيان مش ع الهامش ولا ببلاش ولا لعبة ف ايدين اوباش ولا مكتوب ف دفاترك اسم من الاسماء ولا محروق ف القطر يا بلدي ولا مرمي ف بحرك للحوت اني احس ان انا انسان ليا وجود مش عايش ومانيش موجود مش ميت ف اقسام الشرطة من التعذيب ولا ميت ف ايدين امنائك م التلطيش كل اللي طلبته اني الاقي رغيف العيش اني اعيش لما سئلتك عن احلامي ليه اتصادرت مجاوبتيش لما سئلتك ع الحرية وع المساواة عن عدلك عن طيبة ارضك كان كل جوابك تطنيش ردي عليا فين العهد وفين الوعد خدي من عيني النور والضي شوفي بيهم بكرانا الجي خدي كل مشاعري واحساسي واستري ناسي خدي من قلبي النبض وعيشي خدي من جوه وريدي الدم بس تخفي شوية الهم خدي بترولنا وكل ما لينا بس تخلي الهوا يتشم دا انا كل ما اقول حبيتك يصرخوا واد كداب وكل محاول اقرب منك يقفولوا مليون باب الحب لما يكون يا مصر ما بين حبايب عايشين ومفترقين يبقي اقوي من العذاب كل اللي عايزه من زمان قلته الهدمة وتمن القوت ولو هنموت عشان عايشين بنتكلم يا ما احلي الموت بس قبل ما اموت يا بلدي نفسي يوم الاقيلي صوت   
عدل سابقا من قبل ashek el horrya في الإثنين سبتمبر 27, 2010 11:15 am عدل 2 مرات | |
|
ashek el horrya
مشرف
عدد المساهمات : 1129
نقاط : 59978
تاريخ التسجيل : 15/12/2008
العمر : 35
بلدك :
الابراج :
| | موضوع: رد: عهد ما بينا (احدث اعمال ) الإثنين سبتمبر 27, 2010 11:14 am | |
| | |
|
