انتهي التصويت

بمجموع 95 صوت اختار الاعضاء المنتدي افضل فقرات حفل التخرج ...
واليكم النتيجه ..
فازت بالمركز الاول وبفارق كبير المسرحيه الشعريه وبعدد اصوات 29
اما المركز الثاني الفقره الكوميديه د/ شهبور بمجموع 18 صوت
اما المركز الثالث للمتألق حسام واغنيه اخي في فؤادي بمجموع 17 صوت
المركز الرابع فقره heroes and flaws بمجموع 8 صوت واللي كنت اتمني انها تفوز !!!
اما المركز الخامس فقره the witch بمجموع 3 صوت
اما المركز السادس فقره ذا دريمر بمجموع 3 صوت

ههههههههههههههههه
تلاقيه خالد اللى كان بيصوت لها
لا بجد كانت فقرة جميله ياخالد

على فكره التصويت اثبت ان كل الفقرات كانت ناجحه الحمد لله بدليل ان مفيش فقره ماخدتش اصوات

طيب ازاى !!!!!!!!!!!! ؟؟؟؟؟؟؟؟؟؟؟؟؟ ، ايه دا !!!!!! ، انا اولا الحبشتكنات دى مبتفرقشى معاى ياد يا مصطفى وانت عارف كدا كويس انما اخفاء الحقائق والتدليس والذى منه ، بيفرق معاى ( انا هجيب عاليها واطيها وهقفلك المنتدى دا وهتصل بشرطة النت ) ولا ليه ياد يا عمرو ما استعين بالراجل اللى انتخكم فى الايميلات ، طيب اقسم بالله يا محمود يا سيد انا لما شفت التصويت للمرة الاولى كنت حاصل على 12 صوت وكنت فى الترتيب ال2 ولحد اخر مرة فتحت المنتدى كنت بتروح ما بين التانى والتالت ( انما لو انتو عايزين تطلعوا ناس على حساب ناس ، فانا مبحبش كدا ومش هسيب حقى ) هعمل ايه يا خوى ( خلاص يا عم هترزع مكانى ) بس بجد والله انا زعلان منك يا مصطفى وواخد على خاطرى وكمان ان كمنتش تعمل اعادة فرز للاصوات وتخلى كل الاعضاء يشوفوا الناس اللى عطوا اصواتهم ، انا ان شاء الله لا اخد موقف من المنتدى وممكن ما ادخلوش تانى وهشترك فى المنتدى بتاع عويس .( اقسم بالله زعلان ومترفز من يومين من ساعة مشفت الموضوع اللى لا تعليق عليه دا )

هههههههههههههههههههههههههههه يا خالد انت اكبر من حتة تصويت صغير زى ده , انت راجل نجم وناجح وليك اعمالك فى السوق , متخليش حاجه زى دى تأثر على مسيرتك الفنية

الحمد لله اني قدرت اخليك تتنرفز وتفتح تليفونك كده وتتصل .. لانك كنت غايظني بقفل التليفون يا عم الظابط .. والخطه اهي نجحت وقدرت اخليك تتصل " الساعه خمسه الفجر " بس مش مهم المهم انك اتصلت ... المهم من غير كلام كتير علشان انا فاصل خالص ... اكيد كل الناس كانت عارفه النتيجه وانت فقرتك كانت من انجح الفقرات وحصلت علي 18 صوت يا سيدي .... المهم بس في الاخر دعواتكم ليا علشان شكلي هودع قريب

على رأى عمرو التصويت ده بيدل انى الحفلة كانت ناجحه.بس أنا اعتقد فقرة خالد كانت من أوحش الفقرات......ههههههههههههههههههههههههههههه أنا بهرج يا خلوووووووود ..والله من أحسن الفقرات...

لقد نجحت يا درش ، خلتنى اتنرفز واتصل بيك الساعة 5 الفجر علشان كنت نرف شوييات ، فهذا نجاح ساحق واشهد للك بكدا ( هى نرفزة اى حد نرفزة ظابط ) بس بجد انا كنت عارف ان انت تعبان فحبيت اطمن عليك وحمد الله على سلامتك وربنا يشفيك ونفسى يعدى عليك شهر من غير شوية تعب ( بس هيص يا عم دى كلها ابتلاءات وتكفير للذنوب) ، يا ريت يا جماعة كلنا ندعى لمصطفى ربنا يشفيه ويباركلنا فيه ويجعل كل التعب اللى بيشعر بيه فى ميزان حسناتيه ( اللهم آمين ) الواد يا عينى ما عرفشى ينام امبارح طول الليل .

اللهم خفف عن مصطفى واشفه يا ارحم الراحمين ( آمين آمين آمين ) .
ملحوظة : انا بعد الحتة دى سحبت دعوتى القضائية ضدك بسبب الانتخابات بس مش هسحب دعوتى ضد أكرم حسنى الغشاش الحرامى سارق الافكار والاخبار ( ولا ايه يا عمرو )

على يــــــــــــــــــــــــــــــــــــــــــــدى , اكن اكرم حسنى هنا وخالد قاعد هنا , وهى كلمه واحده : ماخدوش يابابا ماخدوش يابابا , صح يا خاالد؟

ههههههههههه يا بن اللعيبة خلاص يا عمرو بقى ما توضحشى علشان الكيميسترى والهارمونى اللى بنا تتحسد ، اما اكرم دا فله معاى حساب عسير ( قصب ) والقضية شغالة .

» نتيجه التصويت