غــــــــــــــــــــــــــــداً

الحمد لله حمدا كثيرا مباركا فيه ملء السماء وملء الارض ، يارب لك الحمد كما ينبغى لجلال وجهك وعظيم سلطانك .
أًًشهد الله انى أحبكم فى الله جميعا يا عضاء المنتدى وحزين لفراقكم حتى العيد ، هتوحشونى جدا يا أغلى واعز اصحاب عندى ، استفدت من حضراتكو كتير وعرفت حاجات من سيادتكم كنت اجهلها ، اشكركم جميعا شكرا جزيلا واتمنى مش يكون فى حد زعلان منى ويارب يكرمكم جميعا بالخير ويوفقكم فى كل امور حياتكم .
خلاص غدا سيكون اليوم الاول لنا من ال3 سنين ، غدا سنذهب الى اسماعيلية عند الدراويش لقضاء 9 أشهر فى كلية الضباط الاحتياط ، غدا سنركب التروماى البطىء جدا الى الكلية ( بس جايبين لنا اتوبيسات ب 1200 لحد رمسيس هه ) .
هتوحشونى جدا ...........استودعكم الله الذى لا تضيع ودائعه ، بحبكو فى الله .
دعنا نتفؤل يا عمـــــــــــــــــــــــــــــــــرو

شوف يا عمرو غدا سياتى بنا يوم جديد علينا بين احضان نسمة عذراء معطرة بالامل ........ غدا ستغمر انفاسنا البكر وجه الذكريات المثقل بشيخوخة الامس ......... غدا سندك بقدمينا معاقل الماضى المتربص بطلعتنا .......... غدا سنطهر دروب الصبر بخطواتنا ......... غدا سنذيب رذاذ الوهم الخريف بغيث حقيقتنا ..... غدا سنصلب اشباح الخوف على هام شجاعتنا وسنزرع ساعات الوصل فى تربة الانتظار ...... غدا سنقدم النذور ونحرق البخور وننثر الشوق والعشق حنينا تحت اقدام فروسيتنا ( نايت بقى ههه ) غدا سنُحمل على هودج الترماوى السريع جدى الى بلاط الايليت المحنوى.
اعلمــــــــــــــــــــوا يا اصدقائى
ان الحياة تستطيع ان تعرقل خطوات اجسادنا وتقيد حرياتنا وتسرق فرصنا وتهدد امننا وتبلينا وتشقينا وتقضى علينا ، لكنها ابدا لا تملك ان تضعف روح ايماننا او تسلب ارادتنا او تقتل طموحاتنا او تراقب احلامنا او تحدد مشاعرنا او تلغى كيننا او تمحو ذكرانا
واخيرا دعونا نبحث عن نورنا الداخلى لنضىء كوننا الخارجى .
يلا بقى قبل ما اسيبكو علشان اجهز الشنطة بتاع السفر ( لا تاكلو طماطم ولا تشترو ملازم ولا تدفعوا جمعيلت ، حتة هبل ( على فكرة اللام فى هبل دارك هيفى يعنى )
سلــــــــــــــــــــــــــــلام

انا بكتب قبل ما امشى بدقايق معدوده , وبقوللكم الى اللقاء يا اجمل واعز واغلى اصحاب فى الدنيا , ربنا يعلم انا قضيت اجمل اوقات حياتى هنا فى المنتدى , ومش عارف هاقدر ابعد عنه ازاى , بس ان شاء الله خير , واشوفكم على خير , وزى ما خالد قال دايما فيه امل ومفيش حاجه هاتقدر تقتل طموحنا ولا احلامنا ,
الى اللقاء ومع السلامه يا مصطفى وشكرا على التعب اللى انت بتتعبه فى المنتدى
مع السلامه يا كل عضو وزميا وصديق وان شاء الله لما نرجع يكون كل واحد حقق كل احلامه

الى اللقـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــاء

ان شاء الله تروحوا وترجعوا بالف سلامه ..و ربنا يسهل لكم كل امر عسير...وانا لسه مكلم عمرو وبجد مش عارف اكتب لانك يا عمرو اعز علي قلبي من اخويا وربنا اللي يعلم انت والواد خالد اللي مش اقل منك غلاوه ... وبجد مش عارف الايام الجايه دي هتبقي ازاي وانا ناقصني عمرو وخالد

تروحو وترجعوا بالسلامة ان شاء الله

بالتوفيق ان شاء الله
وربنا يعدي الايام بسرعه وترجعوا بالسلامه.

تروحوا وترجعولنا بالف سلامه.ويارب يهون عليكم ويهون علينا فراقكم.الى اللقاء ونشوف وشكم بخير.بس ياريت اول اجازه تعرفونا عشان نطمن عليكم