ليه سموها كوسه ؟؟؟؟؟؟

في الماضي قبل اختراع اجهزه التبريد وحفظ الخضروات وعمل وكالات للخضروات من اجل بيعها

كانت هناك اسواق لبيع الخضر بسعر الجمله تشبه وكاله الخضر حاليا لكن علي اصغر

وكانت بدون اسقف او مظلات تقي المحاصيل التي تورد اليها من حراره الشمس

وكان كما هو معرووف ان منتج الكوسه من ضمن اسرع المحاصيل تأثرا بالحراره والشمس وسريع التلف

وكان يصطف المزارعون طوابير طويله يحملون منتاجتهم من أجل ان يحصل كل منهم علي دوره في وصول سلعته

الي تجار الوكاله لبيعها وعرضها في المزادات

ماعدا المزارع الذي تكون سلعته هي الكوسه فكان يستثني من الوقوف في الطابور

فكان الحارس علي باب الوكاله يصيح عليه ( كوسه) ادخل

وبالتالي عندما يتذمر احد الواقفون في الطابور لتخطيه دوره فكان الباقون يرددون ده ( كوسه ) يدخل

ومن يومها ظلت الكوسه المصريه سيده البلد بلا منازع

كوسه ..كوسه ..كوسه
كوسه..في المحروسة

مالها الكوسة هوه فيه احسن من كده

وايت :مالها الكوسه علي رأيك
بالهنا والشفا

Very Happy

أنا عن نفسى ماكنتش بحب طعمها.ودلوقتى ولا طعمها ولا اسمها ولا سيرتها.ويبدو عشان وانا صغير مكنتش بحبها!لما كبرت لقيتها هى ما حبتنيش.كل ما اروح مصلحة ألاقى الناس ماشية بالكوسه الا انا!!!مش عشان انا مثلا شخص مثالى!لكن عشان انا مش لاقيها.....فيبدو ان الكره متبادل بينى وبينها.....وحسبنا الله ونعم الوكيل

ههههههههههههههههههههههه حلووه اوووووووووووووى القصه دى انا اول مره اعرفهااااااا

هههههههههههه
حلوة أوى القصة يا برنسيس

شكرا مصراوي علي الرد ،بس كل ده للكوسه دي حتي اكله ظريفه
شكرا ساسو وصن : اسعدني تواجدكم وردكم.

هههههههههههههههههههههههههههههههههههه
علشان كده بقي
وطبعا احنا بلدنا عمرانه بالكوسه ومش محتاجين

حقيقي عمرنا ما هنعرف نطلع قدام طول ما عندنا في حاجه اسمها كوسه " الله يخرب بيت الكوسه " يعني احنا الحمد لله طول عمرنا هنفضل كده نتراجع لورا ... والسبب الرئيسي لانتشار الكوسه هو انعدام الضمير لان اللي ابوه مهندس بيطلع مهندس واللي ابوه دكتور بيطلع دكتور حتي الحرامي ابنه بيطلع حرامي ... احنا احسن بلد بتقتل الكوادر والنوابغ بالكوسه دي ... لما يتعين ويشتغل واحد مش مرشح لوظيفه معينه علي حساب اللي اكفئ منه ....ولما تروح تقدم في وظيفه يسألوك انت معاك وسطه ولا لأ ....من غير كلام كتير مش هيغير اي حاجه ..
انا بس عايز اسئل سؤال واحد لكل واحد اخد حاجه مش من حقه ... هل بيبقي ضميره مرتاح ؟؟ولو كان ضميره ميت.. مش بيخاف من حساب ربنا !!!

ذا بيوتفل روز: يا بنتي احنا "ملوك الكوسه"
علشان احنا مصريين مش " فراعنه" وسلميلي علي رمسيس.

ادمن: اللي ضميره مات مش بيخاف من اي حاجه
ووقت ما يفكر يصحي بيكون بعد فوات الآوان لما ييجي وقت الحساب.
وانا اتفق معك ان سبب تأخرنا هو الكوسه وان الناس اللي مبتعرفش اي حاجه ولا ليها ف اي حاجه تكون ف مناصب عاليه
والناس اللي عايز تتقدم وتستحق المسانده بتلاقي اللي يرجعها لورا علشان خاطر عيون الواسطه.

بمناسبة الكوسة افتكرت الاغنية بتاعة سيد ابو حفيظة والله الاغنية دى مخصوص عشانك يا برنسيس بتفكرنى بالذى مضى ههههههههههههههههههههه اسيبك بقى تعيشى معاها هههههههههه

" كوسة .. كوسة.. كوسة
كوسة.. ف المحروسة "
هههههههههههههههههه الفديو ده فظيييييييع تحفة بجد يا وايت
وكفاااااااااااااااية كوسة كدة كتييييييييييييييير

بلاش يا جماعة السيرة دى عشان جتتى بتقشعر منها

حلوه اوى القصة دى يا برنسيس
واحلى ما فييها ولسخرية القدر ان الكوسه كانت بتعديه من الطوابير!
زى دلوقت تمام

رحم الله الشيخ عبدالحميد كشك اللى كانت نصيحته باستمرار ، ان لما يكون عندك مصلحة فى اى مصلحة حكومية تروح صايم لان كدا كدا موظف المصلحة مش هيقضيلك المصلحة الا لو شرب الشاى ، موضوع دمه خفيف ولذيذ برنسيس وشكرا وايت على الاغنية الجهنمية دى .

اكيد الموضوع حيوى واستراتيجى ومن خلا ل التجارب اقدر اقول ان الكوسه باقيه رغم انف المظلومين وعلشان كده الحق دور على واسطه