هي قناة سبيس تون رقم كام ؟؟؟؟؟

بمنتهي البراءة
سأليتني
بنتي نور
ف أربع خمس
أمور
مش ف كتاب القراءة
قالتلي بابا بابا
مش إنت .. يا بابا
بتكتب أغاني
وتقول أشعار
أنا سمعت
الشيخ يا بابا
بيقول إنك يا بابا
ها تروح النار
زي الوحشين يا بابا
الحراميين الكفار
قوللي يا بابا
يعني إيه إستعمار
يعني إيه نيل
يعني إيه هرم
ومين اللي حط
النسر فوق العلم
يعني إيه يا بابا
إستفتاء
و يعني إيه إنتخاب
ويعني إيه حر
ويعني إيه نصاب
يعني إيه إختلاس
ويعني إيه هجاص
ويعني إيه خصخصة
يعني إيه يا بابا
دستور
يعني إيه معارضة
ويعني إيه مظاهرة
وليه النهاردة
خدنا أجازة
م المدرسة
قوللي يا بابا
يعني إيه قهر
وفين
خط الفقر
ويعني إيه حظ
ويعني إيه زهر
يعني إيه يا بابا
حريه
يعني إيه إنسان
ويعني إيه سرطان
يعني إيه يا بابا
خربوها
وكنت فين لما خربوها
ومين دول يا بابا
ولاد القطقوطة
ومين دي
سمارة يا بابا
وإزاي يا بابا
ضاعت من قلبك
يا بابا
إنت معايا
فيه يا بابا ناس
بتقول كفايه
وفيه كمان عساكر
مسكين عصايا
وبنات متعورين
وتانين
ماشين بيضحكوا
هما دول إسرائلين
يا بابا
ويعني إيه
ويعني إيه
قولتلها
نور
ممكن أسألك سؤال
قالتلي
إتفضل يا بابا
قلتلها
هيه قناة سبيس تون
رقم كام
وخدتها
عشان تنام

علي سلامة

فعلا انا لو حد قالى كده هافتكر القناة على طول اه الا هو يا برنسيس رقم القناة كام ممكن تقوليلى

مش هتحتاجي الرقم وايت لان كل القنوات بقت سبيس تون يعني مش هتوهي خالص

ياجماعه لسه فى ناس لحد دلوقتى لسه مش ملاحقين على المفردات والمصطلحات والمصايب اللى ظهرت مره واحده وبكثافه وعلشان كده لازم تكون حملتنا الجايه هى ازاله الجهل السياسى والالكترونى والتعليمى واى نوع من انواع الجهل

لقد أسمعت لو ناديت حيـا....ولكن لا حياة لمن تنادِ
ولو نارنفخت بها أضاءت.....ولكن تنفخ في رمـاد

الدنيا فى مصر بتتغير وهتتغير كمان وكمان
وعشان كده اطفالنا بتسأل وهتسأل كمان وكمان
والتحدى بيقول لازم نجاوب ومنهربشى من السؤال بسؤال
صحيح محدش يعرف سبيس تون رقم كام
ياريت حد يجاوب

يا اهلا يا اهلا بلوسكاي نورتي المنتدي

بس سبيس تون رقم كام.. رقم كام.. امممممممممممم هشوف واقولك حاضر

» قناة هادفة