حــالة كـدة......

معرفش ليه ...

تنحت للدنيا كده .. !

وفجأة لقيتني مسكون بالملل ...
...
لاعندي رغبة ف البكا ..

ولا في الكلام ...

ولا عايز أنام ...

ولا حتي بسأل إيه ده ايه ..

وآخرتها إيه ..

وإيه العمل .......

وأخاف أقول لأي حد ….

أحسن يقوم يقلبها جد …

حد صاحبي ينزعج ...

يمد إيده جوه قلبه من باب الكرم ..

عشان يشاركني الألم ...

أو يستلفلي من لئيم حبة أمل ..

حالة كده ....

معرفش إيه ...

ملهاش معاد ..

ساعات تزورني ف الربيع ..

ف الحر ...

وف عز الشتا ...

وتجيب حاجات ...

لا فيها روح ولا ميته...

حالة كده ....

لا معاها تنفع كلمتين ولا غنوتين ...

ولا لقطة من ألبوم صور ..

آلاقي قلبي ف الهوا ويا الكور ...

أخاف أقول لأي حد ....

أحسن يقوم يقلبها جد ..

حالة كده ..

معرفش إيه ..

لكني بطلع منها بعد السكات ..

فاهم شويه ف اللي فات ..

حاسس أوي بحضن الصحاب ...

محظوظ أنا ...

ساعات أشاور ...

ينفتحللي ألف باب…

لكني باغلط ف الحساب ..

ومعرفش ليه

تنحت للدنيا كده ...

عـــــلــــي ســـــــــلامة

حالة كده ....

معرفش إيه ...

ملهاش معاد ..

ساعات تزورني ف الربيع ..

ف الحر ...

وف عز الشتا ...

وتجيب حاجات ...

لا فيها روح ولا ميته...

حالة كده ....
...................................................
حلوة يا برنسيس واهى حالة
حالة كده من التناحة والغباء المؤقت حالة كده غريبة وتلخبط

هي حاله من التناحة بس مفيش غباء يا وايت واهي حاله كده هتاخد وقتها وتعدي

وعلي فكرة انا بيعجبني اوي علي سلامه بحس انه بيقول الكلام اللي جوايا بس بأسلوبه الرائع

انا ماكنتش اعرف على سلامة بس حقيقى طلع رائع
وعجبتنى القصيدة ديه :

ناقص حته ...
وكل ما أوزن ....
ألاقي لسه ....
ناقص لي حته ...
أحط حته .....
تقل حته .....
وأجيب قميص ..
تضيع چاكته ...
وأعيش لي ساعة ..
يفوتني سته .....
وكل ما أوزن ...
ألاقي ناقص ...
أقول بناقص ..
لو هي حته ..
أتاري لسه ...
ولسه تاخد ..
سنين وحته ...
وحاجات تسيبني ..
وحاجات تاخدني ...
لحاجات تخبط ...
في كل حته ....
وأقول ها نفرح ..
في يوم ...
ها نفرح ....
ويوم ما نفرح ..
علي الله ...
يفضل في القلب حته ….. ....
علي سلامه

" ناقص حته..وكل ما اوزن ...الاقي لسه...ناقص لي حته " جمييييييييييييله اوي
وفي كمان " واحنا لسه ف ابتدائي " تحفة

وإحنا لسه في إبتدائي ..

وسط اوراقى القديمة ....

اللى لسه منها باقى ...

شوفت صورتى بين زميلى ...

و احنا لسه فى إبتدائي ...

الوشوش كانت بسيطة ...

طاهرة لكن مش عبيطة ..

نرسم الأحلام خريطة ....

فى قلبها نقطة تلاقي ....

هو صاحبى

لما كان فى الدنيا صاحب

اما دول كانوا جيرانى .....

كل واحد فينا حقق ...

جزء من بعض الأمانى ...

ا ما دى الشاطرة البليدة ....

العنيدة أم الضفاير ….

تبقى حبى الأولانى .....

أد ايه حزنت عليها ...

لما راحت فصل تانى ....

ما احنا كنا تخته واحده ...

فى تانيه تالت ...

مره قلت ...

و هى قالت ..

لما مدت ايدها شالت ..

دمعة وقعت غصب عنى ....

جوه كراسة الحساب ..

كنا لسه صفحه بيضه فى الكتاب ...

الوشوش كانت بسيطه ....

طاهرة لكن مش عبيطه ...

نرسم الأحلام خريطة ...

فى قلبها نقطة تلاقى ...

واحنا لسه فى أبتدائي ..

عــــلـــــــــي ســـــــــلامـــــــة

ناقص حتة ده ريجيم ده ولا ايه ... وكمان لسه ف ابتدائى طيب بالنسبة لاعدادى وثانوى مفيهاش المميزات دى

وايت مش هرد عليك.... وهكمل ب مابتحصلش كتير

لما تقوم الصبح لوحدك

فايق أوى

فرحان..

والدنيا بتاخدك بالحضن

من غير لف ودوران..

وإنه كمان مسموح لك تحلم

وبدون استئذان..

لما تحس بروحك طايرة

وبتقرب منك

وقلبك رغم الحزن يقولك

مش زعلان منك..

وإنك لسه بتقدر تعشق

وإن الكلمة بتطلع سهلة

مش غصب عنك..

وإن حياتك كلها تفرق

عن كام ساعة فاتوا..

وإن النقط السودة ف توبك

اختفوا أو ماتوا..

وإنك حد مصالح روحه

وبيحب حياته..

إياك تسأل ليه وإزاى

وتدور على تفسير..

وامسك فيها بعمرك كله

وأوعى تسيبها تطير..

أصلها حالة جميلة جميلة

ومابتحصلش كتير..

عــــلـــــــــي ســـــــــلامـــــــة

القصيدة حلوة بجد .. بس عايزة اقولك انها عادى بتحصل كتير وفى احسن العائلات

ما تاخدش فى بالك

الدنيا مش دايما طيبة..
وتعمل إيه
يا اللى انت دموعك قريبة..
ويا ترى دى ميزة
وللا ده عيب
تمد إيدك ف جيب القميص..
تطلع الورقة اللى فيها
اسم الدوا..
الرطوبة عالية
شربت كتير
لكن قلبى عمره ما ارتوى..
كام أجزخانة..
والإجابة
نفس الإجابة
مفيش
الدوا ده ناقص
يمكن ييجى كمان شهر
وجايز مايجيش خالص
اسأل قدام
انت عارف الدوا ده بكام
سألت ودورت ولفيت..
تعبت..
ولاقيتنى قريب من هنا
قلت أعدى
بس ياريتنى ما عديت..
شفتك..
حد شبه صاحبى
لكن مش هو
التانى كان أصغر منك بكتير..
وأجمل منك بكتير..
شربت قهوة وميه وعصير
بطعم الحيرة اللى ف شارع
القصر العينى
وتعب عسكرى واقف خدمة
ف عز حر أغسطس
ف قلب ميدان التحرير
ونزلت أدور من تانى
عن صاحبى اللى بجد..
واسأل ع الدوا
وأسمع نفس الرد..
مفيش..
ناقص..
وجايز مايجيش خالص

على سلامة

بدال اللف على الاجزخانات كان سألنى اصل الدوا ده لا بييجى ولا عمره هييجى

ياساتر عليك يا وايت عارفه كل ده وساكته

ايلف :قوليله يركب الجمل

أنا من مدرسة التفاؤل

والبهجة والأمل..

ساعات برج الأسد..

وساعات برج الحمل..

ياسلام علي سحر النيل

لما البدر اكتمل..

صحيح فيه ناس بتموت..

تحت وفوق الجبل..

وناس تمر تفوت..

من غير دمعة خجل..

وفيه شباب عاطلين

ومش لاقين عمل..

وفيه شوية قوانين

تودي المعتقل..

لكن هناك عند الهرم

فيه ناس تلهو وتمرح

وتركب الجمل..

ع.س