أشهر جمل بيقولوها الأب و الأم

زائر

أشهر جمل بيقولوها الأب و الأم

* ابقى قابلني بكرة تاخد بالجزمة وتاكل كل حاجة غصب عنك.

* امشى جاتك مشش فى ركبك .

* جتها نيلة الى عايزة خلف تيجى تتفرج .

* متحطيش الموبيل جنبك و انت نايمه هيجبلك تخلف عقلي .

*ذاكر ياموكوس مش فالح غير فى الهيافه والكلام الفاضى.

* متتأخرش وهات عيش وانت جاى .

* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .

* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.

*أوعى حد يضحك عليك ويقولك جرب السيجارة دي.

* قوم اقرا لك كلمتين ينفعوك .

* وطي المدعوق ده شويه .

* مش ملاحقه علي التليفون ولا الموبيل عملالي فيها الست المهمه.

*لا محدش سأل عليكي النهارده ولا حد عبرك.

*لما ما ترضاش تاكل في البيت:طبعا مانت اتعودت علي اكل بره .

*ياريتك تحفظ دروسك زى مانت حافظ الاغانى.

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* مين منى دي انتى كل يوم تصاحبي واحدة جديدة ؟.

* هياا الوزيرة معندهاش وزاره النهارده قومى يا حبيبتى الساعه10 .

* انته مبتكلش جزر ليه .. اجيبلك برتقانه. طب كل سلطه .

* يبني بأسلوبك ده مش هتعيش معاك واحده .

* قومي ساعدي امك ده اللي هيتجوزك أمه داعية عليه.

* اوعى حد غريب يديلك حاجه تاكلها و تشربها و تاخدها منه .

* يا ابني حرام عليك الى بتعمله فينا ده.

* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.

* وانت فاكر احنا مستنيين منك حاجه .

* المسلسل مش هينفعك ...قوم .

*ماتقعد يابنى تكمل أكلك , انت كلت حاجة!!!
(طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا ) .

* كفايه رغي في التليفونات .

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

* اطفي التلفزيون وقوم ذاكر ولا و خش اوضتك .

* بلاش تمشى حافى البس شبشب وانته داخل الحمام .

* ما فيش مذاكرة على المزيكا .. وازاى بتذاكر و البتاع ده شغال جنبك .

* افرد ظهرك .

* لم شراباتك.

* ماتكلش فى ضوفرك.

* كنت فين لحد دلوقتى يا بيه.

* ماتتأخرش علشان عندك كلية بكرة بدرى.

* انا مش عارف انته طالع لمين.

* انا : ياماما بقه ايه ده ؟؟؟
ماما:مووو لمـا يــــــخدك .

* ادلعى ياهبة فى ايامك المهببة .

* ده منظر اودة بني آدم ، انت عايش فيها ازاي؟.

* الى يطلع من الاوضه يطفى النور وراه .

*أبوك عندك أهو اتصرف معاه .

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* يأبنى المذاكره مابتخلص .... نفسى اشوفك مره ماسك كتاب.

* اعمل حسابك مش حندخلك جامعه خاصه.

* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .

* مالكش دعوة بالسياسة .. وماتمشيش في مظاهرات .و امشي جوا الحيط

* احمد ربنا الاكل الى مش عجبك ده فى ناس مش لقينه .

* التهديدات المخيفه والمرعبه : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

* قومي سخني الأكل لأخوكي.

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

* ( حضرتك راجع البيت متأخر و عاوز تتوه الموضوع وانت بتكلم مامتك )
انت : ماما عاملة ايه مش عارف ليه حاسس انك وحشتيني يا ست الحبايب
مامتك : وحش اما يلهفك كنت فين ياد انت ؟ ايه اللى رجعك متأخر امبارح ؟؟

منقوووووولة بس اضحكوا عااااااادى

** ملحوظة هامة ومش لازم ننساها **

طبعا كلنا قرينا الكلام دة وطبعا كل اللي يقراه بيقعد يضحك لما يفتكر مواقف الجمل دي
بس طبعا أهم حاجة مش لازم ننساها فضل الناس دي علينا ولولاهم ما كنا وصلنا للي احنا فيه
تحية خاصة لكل الأمهات والأباء تحية شكر وتقدير

ايه يا بنتى انتى عايشه معانا فى البيت وانا مش واخد بالى
رااااااااائع

نسيتى حاجة
عندك حاجة تتغسل ولا بعد ما اغسل تقولى مش عارف فى اية عايز يتغسل

» اشهر الجمل اللي بيقولوها ..الاب والام في مصر