كويس انك طمنتينا على الاقل هانلاقى شغلانه لو مش نجحنا,
وعلى العموم انا لو كنت رئيس جمهوريه هابدأ بالتعليم أول حاجه, ومش هاعدل النظام التعليمى , لااااااا انا هاغيره خالص , كل المناهج دى هارميها فى الزباله ونجيب حاجه ننفع بيها اولادنا(مش العيل يقعد يدرس 6سنين ابتدائى و3اعدادى و3ثانوى وفى الاخر يدخل الكليه مش يستفيد من اى حاجه درسها قبل كده), وكمان هاعمل زى زميلى "اوباما" و هازود ميزانيه التعليم والبحث العلمى 3 اضعاف لاننا مش هانتقدم الا بالعلم. وطبعا هانسف كل المسئولين الحراميه وهأمم كل فلوسهم و ممتلكاتهم (اللى سرقوها من الشعب الغلبان). هأقضى على حاجه اسمها"احتكار" وهاقضى على اسطورة"أحمد عز" . هاوقف تصدير الغاز لاسرائيل فورا وهاقطع كل العلاقات معاهم علشان اخوانى الفلسطينيين . هاحاول اصلح علاقة مصر مع الدول العربيه (اللى بقت زى الزفت اليومين دول) هاحاول اعمل جبهه عربيه متحده علشان تكون كلمتنا واحده وهدفنا واحد علشان بدل مانكون دول عالم ثالث نكون دول عالم ثانى وأول كمان . هانزل للناس واشوف مشاكلهم وطلباتهم مش هاسكن فى برج عالى بعيد عن الناس واخلى شوية مسئولين هما حلقة الوصل بينى وبين شعبى . الشباب اللى مش لاقى شغل والشباب اللى مسافر خارج مصر واللى مهاجر واللى طفشان كل دول هايكون ليهم الاولويه ان شاء الله ( وماحدش يقولى هانجيبلهم منين , البلد دى لو مافيهاش سرقه ونهب خيرها هايكفى كل الناس ويفيض). كلمة "أطفال الشوارع" دى مش هايكون ليها مكان فى مصر , كل الاطفال دى هانغير حياتهم ان شاء الله. أهم حاجه هاعملها اننى هاخللى فيه تكافؤ فرص بين الناس فى كل حاجه , يعنى لا هايكون فى حاجه اسمها "واسطه"ولا"محسوبيه"ولا"كوسه" ولا"بابا مين "ولا "ماما بتشتغل ايه" كل واحد بمجهوده واللى يستحقه بس . اما بقى لو جينا للانتخابات ( اى نوع بقى من الانتخابات سواء شعب او شورى او محليات او اى حاجه) فلازم تكون شفافه ومافيهاش غش ,اللى يستحق والناس عايزاه وبرنامجه الانتخابى افضل للناس هو اللى ينجح.
وموضوع رغيف العيش ابو مسامير وكمان الناس مش لاقياه , انسوا كل الكلام ده خلاص العيش هايبقى متوفر وابيض ومن غير مسامير ان شاء الله.
يااااااااااااااااه كفايه وللا نقول كمان , معلش طولت عليكم بس انتو عارفين البلد محتاجه شغل كتير .
كان معكم مرشح الشعب لرئاسة الجمهوريه/عمرو عبدالعال
العمل/الترفيه
المزاج
