امتى هنتعلم

زائر

ياجماعه بجد احنا تعدينا خطوط الخنقه فى قسمنا ده وبعدين احنا اكتر حاجه شطرين فيها الكلام الكل يتكلم فى صوت بعض مفيش ترتيب مفيش افكار ده لاننا بنتكلم قبل ما نفكر.. موضوع السفاره ده المفروض ان يكون حد او كذا حدا مسئولين عنه اللى هما عرفينه ومسئولين عنه اصلا ويفكروا بقى فى كل حاجه والمواضيع هترتب ازاى وبعدين يتقالنا ونشوف مين موافق على الكلام ده الكلام مش هيبقى اكتر من اه ولا مش نقعد بقى نرتب وكل واحد بترتيب وده موافق التانى مش موافق يعنى نعرض المبدا نفسه اذا كان موجود ولا الا وهو مبدا اذا كان حد موافق اصلا على فكرة اننا نروح اماكن تانيه ولا لا وبعدين نحدد الاماكن ونشوف مين موافق عليها

بالنسبالى انا موافقه على المبدأ انما الاهرامات لا ياجماعه بجد مش هينفع هنتعب وكلها تراب وشمس ومشيها كتير والله فياريت كل واحد يقول رايه فى المبدا وبعدين نشوف موضوع الاماكن ده هيرسى على ايه وبكره هيكون الساعه كام وياريت نتعلم ان لما حد يكون بيتكلم فينا نسمعله ونسكت عشان نوصل للعيزينه لاننا بالى بنعمله ده مش هنعرف نعمل حاجه مفيده دى مش نصايح دى وجهة نظرى اللى انا شيفاها من اللى بيحصل

عندك حق وانا مخنوق لان ده عدم احترام وان شاء الله كله هيكون تمام بش الناس تلتزم بكره

زائر

طبعا انا مش موافقة على اى حاجة فبل او بعد السفارة وعايزة اقول حاجة ضايقتنى جدا ان فى ناس بدون ذكر اسماء معارضة طلوع البنات اولا احب اقول ان احنا محترمين كفاية ثانيا انا لوحدى اللى اقرر انى اطلع او لأ ثالثا ماكنش عمرو قال من الاول وكانت اقتصرت على الشباب

زائر

اللى انا اعرفة حتى الآن ان الميعاد بكرة الساعة 9 امام كلية اداب و احتمال ميكنش فيه اى رحلات يعنى مجرد السفارة و بس و على فكرة الحل دا مريح للناس كتير عشان فى بنات اهلهم فى البيت مش رضيوا على اى حاجة بعد السفارة ولا قبلها .....و لو حد عنده جديد يا ريت يضيف....و بعدين اصلا محدش من الشباب قعد عشان يتفق كلهم قالو هنقعد نتفق و هم اول ناس مشيوا ....مع ان الموضوع دا جماعي مش كل و احد لوحده

[center][size=24]انا طبعا المتهم الاول لكني معترضتش علي حاجه واول واحد بحب الناس كلها تشترك ولو كانوا بنات لاني عارف حدود التعامل مع الناس واحنا مبنتكلمش في حاجه خارجه واحب افول كمان اني كنت عامل مسابقه للولاد والبنات مش الولاد لوحدهم ولو سمحتي يا ريت نبطل نتهم الناس علي الفاضي

[/size][/center]

زائر

اولا ده مش كلامى ده كلام واحد زميلكم وهو اللى قال ان انتوا معترضين وقبل ماتلوم حد اسأل صاحبك

زائر

صح كلامك يا شادو...بس فى نقطة مهمة لازم تعرفوها ان لو حد عنده اعتراض كان يتكلم من الاول و يقول... و ثانيا كا و احد مسؤل عن نفسه و ياخد قراره بنفسه .....امال فين حرية الرأى و القرار اللى بنطالب بيها ولا الكلام دا للحكومة بس ....

وهو قال اني معترض اصلها يمكن رحله ابويه وعلي العموم انا اللي مش رايح

والله العظيم اللى بيحصل ده عيب جدا على فكره , اولا موضوع ان فيه حد معارض طلوع البنات دا كله كدب فى كدب ودى الحقيقه واللى قالكم كده كداب وانا مستغرب هو قال كده ليه اصلا, وبعدين لو افترضنا انه حد قال كده مش معقول يعنى هيكون عامر لان عامر كلنا عارفين بيفكر ازاى وهو عمره ماكان ضد حاجه فيها مصلحه لينا كلنا بس الظاهر انتو اللى بتنسوا.وبعدين زى ما شادو قالت لو كنا مش عايزين البنات تطلع انا ليه اعلنت عن الموضوع اصلا من الاول اعقلوا الكلام يا جماعه قبل ماتقولوه وماتصدقوش اى كلام من اى حد . وبعدين لما الشباب مشيوا اول ناس دا كان علشان يسيبوكوا تختاروا اللى انتو عاوزينه وهما موافقين على اى حاجه واظن ان ده من الذوق يعنى اننا نسيبكم على راحتكم وننفذاللى انتو عايزينه علشان انتو "بنات"
وبعدين مافيش حاجه اسمها مش هاتروح يا عامر هاتروح غصب عنك طبعا , ومش موضوع صغير زى ده هايزعلنا من بعض .
وبعدين الموضوع كله ف اننا فعلا زى ماقالت هيام لحد دلوقتى مش بنعرف ندير حوار , كله بيتكلم وخلاص وكله فى صوت التانى , المفروض اننا ناس كبيره عيب.

زائر

ياجماعه اللى بيحصل ده لا يليق بسننا المفروض اننا كبار وبعدين يعنى محسسنى اننا ولا اكننا شفنا السفر ده قبل كده على اللى عميلنه ده ..ده كلهم كام ساعه ويارجعنا بفايده يارجعنا مش فاهمين حاجه يامرجعناش واتفجر فينا على راى ناس اصحابى مش عايزين يطلعوا لحسن يفجروا المكان بينا طيب وماله دى حتى تبقى فرصه الواحد ميسبهاش هيموت شهيد فى احسن من كده وبعدين ياعامر المفروض تبقى وسع الافق كده وصبرك طويل مفيش حاجه اسمها تسيب الملعب وتقول لا ياعم انا مش لاعب ومحدش قال ان انت قلت كده وانا عن نفسى مسمعتش بس فرضا حصل واتنقل كلام زى كده متافشوش كده ولازم تيجى تسيب فرضه الشهاده لمين احنا بس اللى نموت شهداء العلم والسفاره متجيش انا مبحبش اكون انانيه خلينا نضمن حاجه فى الزمن ده

زائر

اولا سبنالك العقل ياهيام وانا ان كنت باتكلم فمش علشان زى مابتقولى ماشفناش سفر والكلام الفاضى ده انا زعلت علشان كلنا زمايل وان التفكير ده مايبقاش موجود بينا وانا بعتذر لأى حد اتهمته بس انا برده معذورة لإن الكلام اللى اتقالى يضايق

زائر

على فكرة يا جماعة الموضوع خد اكتر من حجمه ...كل ما فى الموضوع اننا قولنا وجهة نظرنا و كلام حد بلغنا بيه و احنا انتقدناه ...و مكنش قصدنا ان حد ميطلعش او حد يزعل دى كانت مجرد مناقشة ...

هو فعلا الموضوع اخد اكتر من حقه جدا , بس هى العبره ف اننا نتأكد من مصدر الكلام بس مش اكتر, و فعلا كانت مناقشه بس من النوع الصعب اوى

زائر

خلاص يا جماعة بقى الموضوع فلا مش مستاهل ... المهم بس ف الاخر اننا ان شاء الله نتقابل بكرة على خير و نستمتع باليوم و نستفيد منه كويس ...و نرجع بالسلامة ..اوعوا تنسوا الساعة 9 .....و كل سفرية وا نتوا طيبين

زائر

خلاااااااااااااااااااااااااااااااااص حقواعلى انا

زائر

انا المفروض كنت رده قبل امل وعمرو بس ردى موصلش لان النت كان بيفصل وقتها فكنت بقول انا موجهتش كلامى لحد معين ياشادو انا بتكلم علينا كلنا واننا مش عارفين نوصل لقرار من ان احنا مش مدين فرصه لبعض فى الكلام ولا اكناا شفنا سفر قبل كده من اللى حاصل يعنى اننا مش عارفين نحل وعامة الموضع كبر ودخل فى الغميق وكله بسبب سوء فهم فى المواضيع فالمساله مش سبتيلى العقل او خديه والكلام فاضى او مليان دى وجهة نظرى فى الحاصل ككل مش فى اشخاص

» يا امتى : الشيخ عبدالله كامل