طباخ الريس

موضوع: طباخ الريس الأحد مارس 22, 2009 10:33 am

اليومين اللي فاتوا اتفرجت فيهم علي فيلم طباخ الريس علي قناة الايه أر تي سينما وبصراحة الفيلم فقعني رغم أني دايما شايف طلعت زكريا ممثل دمه خفيف وبحب تمثيل خالد ظكي جدا وبحس أنه مقنع ويخش القلب بس ايه معني الحاجات اللي في الفيلم دي
أولا:الريس لا يخطأ أبدا وكل الناس بتحبه ومالوش أي أعداء من الشعب رغم أن الفيلم في نفس الوقت بيقول أن الناس طهقانة..طب إزاي واحنا بالذات شعب بيبص لشخص الرئيس والحكومة عامة أنها بابا وماما ولازم يوفرلونا كل حاجة وإلا نبقي زي العيل الرخم اللي يملي الدنيا صويت وعياط لحد ما يأخذ اللي عاوزه(ولو أن في الاخر الحكومة بتهشتكنا وتقلنا سد سد)
ثانيا:ريس ايه ده إن شاء الله اللي بينزل الشارع من غير حراسة ويأكل من علي عربية كبدة ومخ ويقعد ع النيل..لأ وكله كوم لما كان قاعد ع العربية وأكل ومكنش معاه فلوس يحاسب فطلعت زكريا(صاحب العربية) عدي الموضوع علي خير وسامحه في الفلوس ومكنش عارف أنه الريس..فيلم شومبونجي ده؟
ثالثا:إزاي الفيلم عاوز يقنعنا أن رئيس الجمهورية بقاله 12 سنة في الحكم وميعرفش ثمن طبق الكشري بكام ..لأ وكمان يجيله إذبهلال لما يعرف أن أكلة الكشري ممكن تقف بخمسة جنيه،والأظرف أن كل المسئولين والوزراء هما اللي بيتحكموا في البلد والريس واخدله تعسيلة لدرجة أنه لما قرر ينزل الشارع بنفسه ،طلعوا بيانات في الاعلام أن فيه كسوف للشمس وأن حيطلع منها اشعة مضرة للعين تجيب العمي..يعني معني كده الفيلم عاوز يقول الريس طرطور يعني؟
حاشا طبعا يا شوباب لأن الكلام ده ممكن يتبلع لو في دولة مثلا فيها مؤسسات إنما احنا لا مؤسسات ولا نيلة+أن الدستور عندنا بيدلع الزعماء
الفيلم ده مكنش ناقصله غير حاجة واحدة ويقلب فيلم كارتون
أن الريس يموووت...(بعد الشر طبعا..هو فيه رئيس جمهورية بيموت برضه)
وفي نهاية البوست اختمه بمقولة عادل إمام الخالدة
ربنا يأخد الشعوب عشان الزعما يرتاحوا ويصحوا من النوم ميلاقوش حد يحكموه..يجيبوا عقد عمل بقي ويروحوا السعودية......(كفاية كده

موضوع: رد: طباخ الريس الأحد مارس 22, 2009 12:14 pm

رائئئئئئئئئئئئع رائع جدا بس ان شاء الله كلنا فى الباى باى المنتدى هيتقفل قريبش

موضوع: رد: طباخ الريس الأحد مارس 22, 2009 12:46 pm

يخرب عقلك يا عامر هتودينا في داهيه

زائر

بص انا كل مايجى الفيلم قدامى بقلب عليه ومش بحب اتفرج عليه بس على كام حته كده اللى شفتهم يعنى ماوراء الفيلك بيقول انهم يعنى عايزين الدنيا تبقى كده
وبعض حاجات بيقولوا ان هى دى اللى بتحصل حقيقى سيبك بقى من كل ده انا اللى ناقطنى انه سايب اللى يتكلم يتكلم واللى يتريق يتريق واللى عاوز يعمله فيلم عليه يعمل واللى يطلع يشتم فيه فى برنامج يطلع بجد مش عارفه ايه وازاى وليه مش فاهمه

موضوع: رد: طباخ الريس الأحد مارس 22, 2009 3:39 pm

صلوا علي النبي .حكايه انهم سايبين الناس تعمل اللي هيه عاوزاه فيه زكاء كبير يعني قول اللي انت عاوزه واحنا هنعمل اللي علي مزاجنا من الاخر الحريه اللي ادوها لينا حريه الصراخ والعياط والولوله وبيقولو للناس شفتوا الحريه ايه رايكم دمقراطيه بالارانب لكن الحقيقه كله هلس وشروط الديمقراطيه ثلاثه وهي مشاركه وتداول سلطه وتغيير وده مبيحصلش بالذمه دي مش تبقي ديمقراطيه بالارانب

زائر

عليه الصلاة والسلام ....دى ديمقراطيه بالارانب والفراخ وكل اللى عايزينه يعنى يمقراطية الحوار وديكتاتوريه الراى حقيقى مكدبش المثل اللى بيقول كده هو اصلا طالع متاخر عشان خاطرهم بس

موضوع: رد: طباخ الريس الأحد مارس 22, 2009 4:05 pm

صلوا علي النبي كمان مره الموضوع مش سايب يعني الل عايز حاجه يقولها لا اللي احنا شايفين انه هينفعنا يتقال غير كده هسسسسسسسسس انتوا تخرسوا

موضوع: رد: طباخ الريس الأحد مارس 22, 2009 5:13 pm

يعنى ايه يعنى يا عم الحاج , عايز يقول حاجه يقولها يا جماعه . دى الحكومه بقى فيها حريه اكتر منك ههههههههههههههههههههههههه
وبعدين الريس زى الفل والبلد زى الفل والحياه وردى والشقق كتير والمواصلات فاضيه والحكومه كل شويه تقوللنا فكوا الحزام فكوا الحزام ههههههههههههههههه
سيبها لله يا عاشق الشعب ده عايش بالبركه

» فعلا يا امل الريس عنده مميزات كتير ودي بعضها
» قصيدة شعر عن سيادة الريس للشاعر أحمد فؤاد نجم