كتير بتكون حياتنا ماشية صح وبنكون عايشينها فى منتهى الجمال.... وفجأة تحصل ظروف تشقلب كل حياتك.....وساعتها بنفتكر إن دى نهاية العالم وإن حياتى مش هترجع حلوة تانى ،ناس كتير حصلها كده وناس أكتر حاولت تستفيد من الظروف دى وخلت الظروف تكون فى صالحها مش ضدها.
"طب هحكي لكم حكاية"
زمان ياجماعة كان فى إتنين صحاب واحد إسمه باركر والتانى إسمه شكاى
وكان والد باركر و والد شكاى بيشتغلوا سواقين على تاكسى،كان حلم باركر وشكاى إنهم يكونوا دكاترة وحطوا الحلم ده فى دماغهم وأصروا إنهم يحققوه وفعلا دخلوا كلية الطب وكان الحلم فاضله سنين صغيرة ويتحقق ، بس الظروف كانت أقوى منهم....وحصل ان أبهاتهم توفوا فى حدثة ...وإتتقفل مصدر الرزق للعلتين
ومافيش أدام باركر وشكاى غير إنهم يسيبوا الكلية ويتخلواعن حلمهم اللى كان تحقيقه قريب ،ويدوروا على شغل ..... والإتنين إشتغلوا فى نفس شغلانة أبهاتهم
"تخيل دلوقتى الحالة النفسية اللى فيها باركر وشكاى"
باركر تكيف مع الوضع الجديد علشان يقدر يصرف على عيلته
أما شكاى كان مضايق من الوضع ده ومش حابب الشغلانة دى وديما كان بيشتكى و بيزمى كل حاجة على الظروب
اللى وصلته لكده واللى كانت سبب فى إنه تخلى عن حلمه
باركر فكر إزاى ينمى نفسه فى وضعه الجديد؟ وبدء يطور شغله لحد ما بقى شريك فى التاكسى اللى شغال عليه.
شكاى زى ماهو بيشتكى لكل الناس وكل مايركب معاه حد يفضل يحكيله على المأساه اللى
هو عايشها
باركر دلوقتى بقى صاحب التاكسى وإبتدى يفكر إنه يشترى تاكسى تانى وتالت لحد مايبقى صاحب شركة تاكسيات بتخدم المدينة كلها وحب يخدم نسبة أكبر من الناس
فشترى أتوبيس ..وإتنين...وتلاتة لغاية مابقى عنده شركة أتوبيسات
و شكاى زى ماهو أعد بيشتكى من حاله وبس ..
و باركربيزداد فى نجاحاته لحد ما فكر يعمل شركة طيران داخلى والناس قعدت تحذره وهو أصر أنهيعملها وخسر كل رأس مال الشركة فى أول سنة والناس قاعدت تلومه وشركائه يلوموه لكنهو أصر وحاول لحد ما بقت شركته أكبر شركة طيران داخلى
وشكاى لسه لغاية دلوقتى أعد يلوم الظروف وفضل سواق وهيفضل طول عمره سواق ومش هيتحرك من مكانه أبدا.
وكده الحكاية خلصت
اللى عايزة أقوله إن الواحد لو لاقى نفسه إتحط فى مجال مش مبسوط منه يحاول إنه يطوره ويفكر إزاى يستفيد منه وإزاى يغير بيه حياته للأحسن.....أمال ربنا ميزنا عن الحيوانات ليه؟ علشاننا بناكل
بإيدينا يعنى!!!
أمال العقل اللى عندك ده بتعمل بيه إية؟ الطبيعى إنك تكون بتفكر بيه مش مخزن فيه شوية حاجات مالهاش لازمة.
لازم يكون عندك هدف ومحدد الوسيلة اللى هتستخدمها علشان توصل لهدفك....دكتور باركر كان هدفه الأساسى إنه يساعد الناس و يستخدم الطب كوسيلة ولما لاقى نفسه فى مجال تانى غير الطب فكر إزاى يستخدمه علشان يساعد بيه الناس،أما شكاى فكان هدفه إنه يكون دكتور وبس...علشان يتقال عليه دكتور شكاى ولما لاقى نفسه مش عارف يكون دكتور مابقاش حاجة خالص.
خلصنا من باركر وشكاى وعرفنا ظروفهم ،وإزاى كل واحد فيهم واجهها ...... دلوقتى عايزين نعرف أنت عايز تبقى إية؟وإيه هى الظروف اللى بتتلكك علشانها وتقول هى اللى معطلانى؟
المزاج
