الفرق بين الانسان والحيوان !!!!!!!!!!!!!!!!!

ممكن السؤال ده يكون قديم وتكونوا عارفين اجابته زي ما انا كنت فاكر اني عارف الاجابة.. بس صدقوني الواحد كل مايعيش كل ما يفاجأ ان الاجابات الي يعرفها ممكن تكون مش صح.
حد يسألني ازاااي؟؟؟ ها مش سامع حد بيسأل..مش عجبكم الكلام !!! طب انا حكمل من غير محد يسأل.

يعني مثلا الاجابة المعروفة ان الفرق هو العقل ؛ زي ميكون الجيوان معندوش عقل ؛ بس لو فكرنا شوية حنلاقي ان الحيوان عنده عقل و في حيوانات اثبتت انها اعقل من الانسان و اذكى ؛ يبقى ازاي ده يفرق بينا و بين الحيوانات ؛ ده كده الفرق في صالح الحيوانات.
اوووم انا بقى فكرت و تفتق ذهني عن فكرة او اجابة احسن من موضوع العقل ده ؛ قلت انا بقى ان الفرق بين الانسان و الحيوان هو المشاعر.
طبعا مع الايام اكتشفت ان الحيوان عنده مشاعر و بيحس اكتر من ناس كتيييييييييييييييييييييييييييييييييييييييييييييييييييييييير؛ يعني لو كنت مصاحب كلب و الكلب ده زعلك - و ده نادرا ما يحدث - حتلاقي الكلب زعلان لزعلك و حتلاقيه بيلحس ايدك عشان تسمحه ؛ تعالوا بقى نشوف الانسان لو انت زعلان من حبيبتك و هي غلطت فيك او العكس مثلا؛ فيه كام وحده بتعتذر و متسبش حبيبها يسبها وهو زعلان صعب مش كده ؛ دي تسيبه يضرب راسه في اتخن حيطه تقابله و عندها الف مبرر لغلطها و لو مفيش مبرر يبقى تعمل مش فاهمه هو زعلان من ايه بس المهم محدش يقول انها غلطانه.
قلت بس برده الانسان عنجه مشاعر الامومة غير الحيوان. الايام اثبتت ان حتى دي عند الحيوان احسن ؛ يعني مفيش نمرة بتاكل عيالها و لا بترميهم ولا بتبيع ولادها ؛ بس الانسان بيعمل كده. مفيش حيوان بيهد عش ولاده بس الانسان ممكن بانانيته يهد بيت عياله و المصيبه انه بيكون فاكر ان ده حب و خوف عليهم.
يعني حتى في المشاعر الحيوانات احسن.
آخر فكرة فكرت فيها الكلام حيث ان الانسان بيتكلم و الحيوان لأ. و حتى دي طلعت غلط. لأن الحيوانات بتتكلم و ربنا قال انه علم سيدنا سليمان لغة الحيوانات. يبقى احنا الي جهلة و مش بنفهم الحيوانات بتقول ايه. المفجأة انهم بالعشرة مع الانسان بيفهموا كلمه (قصدي الحيوانات) يعني لما تربي قطة وتقلها تعالي بتفهم و تيجي ؛ لو قلتلها امشي بتمشي بس العكس مش ممكن يحصل ؛ يعني لو القطة دي عاوزاك تقرب منها مش ممكن حتفهمها لو مش طيقاك و عاوزاك تبعد عنها ووقفت على ديلها عشان تفهمك مش حتفهمها. يبقى العيب عند مييييييييييييييين.

زائر

لأ سورى يعنى انا مش مقتنعة بشوية كلام كدا من اللى انت كاتبه :

اولا طبعا الفرق بين الانسان و الحيوان العقل ...اه معاك ان الحيوان فى حاجات بيعملها ممكن تدل على انه عنده عقل بس دى بتبقى حاجة روتينية او حاجة هو حفظها بيعملها على طول فخلاص اتبرمج على كدا... يعنى مثلا لو حد عنده كلب اه ممكن تلاقى الكلب مثلا يعنى بيجرى على صاحبه عشان هو متعود عليه و بيشوفه على طول و اتعود عليه يعنى برضه متبرمج عليه و مثلا ساعات الحمار بيحفظ الطريق و بيروح لوحده بس افرض لو حاجة اتغيرت فى الطريق مش بيعرف يميزها عشان هو حفظ شكل او طريق معين يعنى برضه متبرمج ..و بعدين مش معقول يعنى ربنا سبحانه و تعالى قال انه ميز الانسان بالعقل يبقى احنا هنجى و نقول العكس...و لا ايه؟؟؟؟؟؟؟؟

ثانيا فى المشاعر ممكن اتفق معاك بس مش اوى يعنى ..اه يعنى الحيوانات عندها مشاعر بس برضه استحاله تكون احسن من الانسان.

و جزاك الله خيرا على الموضوع

أولا ياخالد هبدأ بالآية القرآنية "ولقد كرمنا بني ادم"

ايه ياعم خالد عقل ايه ومشاعر ايه خد مني الاجابة:

1- العقل ياسيدي طبعا عند الانسان فقط اما بالنسبة للحيوان فمثلا ذكاؤه ده بيبقى فطرة عند النوع ككل يعني مثلا :
القرد ذكي جدا !!! هل في قرد ذكي وقرد غبي؟ أكيد لأ القرود كلها اذكياء بالفطرة (عكس الانسان ممكن تلاقي انسان ذكي وانسان غبي لمؤاخذة)

2- بالنسبة للمشاعر بتقول ان الحيوان مشاعرة اكثر من الانسان
بردو دي ياسيدي حسب الفطرة يعني مثلا نلاقي كل الكلاب اوفياء بالفطرة
وكل القطط بنت كلب غدارة وكل الاسود معندهاش يما ارحميني وهكذا

استنى ياخلللود هديتك معايا بس بصراحة ملقيتش نشيد الا ده يارب يعجبك
https://www.youtube.com/watch?v=_GwnSy8Fz5M

ماشى يا حسام جدو على بس كده احنا هنجيلك بجد اجهز يا ابو حسام على العموم بشكركم يا جماعة على الردود

» أروع ما يتعلمه الانسان فى الحياة
» رساله من قلب اطفال مصرفى مستشفى 57357 لابو تريكه الانسان
» الفرق بين الانترنت والانترانت
» الفرق بين الحب والرومانسيه
» اجابة محشش عن الفرق بين الارنب...والحمار؟؟