وزارة ما تمت

زائر

بصوا بقى احنا ممكن نعمل حاجة جديدة هى فكرة ممكن تكون مجنونة شويتين بس اه تجديد فى الافكار....عايزة كل واحد يتخيل نفسه رئيس وزراء للمنتدى بتاعنا و يختار باقى الوزراء من الاعضاء بس يا ريت كل واحد يكتب سبب اختيار الوزير(العضو)للوزارة بتاعته و و و ...و برضه كل وزير يقول هيعمل ايه من خلال منصبه و فى فترة وزارته ...بس خلى بالكم دى مجرد لعبة اوعى حد يصدق نفسه ولا حاجة ...و على فكرة ممكن رئيس الوزراء يضيف وزارات جديدة حسب احتياجه لتطوير (المنتدى) البلد ...يلا مستنية كل واحد يعبر عن احلامه و اختياراته

زائر

انا عايزة اكون اول واحدة تكون رئيسه الوزراء و احب ان اعلن اول بيان وزارى اما بعد

من موقعى هذا احب ان اعلن اسماء الوزراء الذين قمت باختيارهم لمسيرة الكفاح و العطاء من اجل مستقبل افضل لينا و لاولادنا و هذا بيانى
بالاسماء التاليه

اولا وزارة الداخلية
shadow (جهاد) : لقد تم تعيينك مسؤله عن وزارة الداخلية لانك من نظرى انسب واحدة بين الاعضاء لتوليه هذه الوزارة حيث انك من عائلة متاصلة فى وزارة الداخلية و الكل طبعا عارف كدا فا اكيد اكيد عندك خبرة فى الشؤون الداخلية المتعلقة بالامن و السلام و لان كمان عقلك كبير و بتفكرى بحيادية كويسه .

ثانيا وزارة الخارجية

عمرو : لقد تم تعيينك وزيرا للخارجية و ذلك نظرا لطريقتك الدبلوماسية فى التعامل مع الآخرين ...و تلك الدبلوماسية مطلوبة جدا فى المعاملات الخارجية.

ثالثا وزارة العدل

عاشق الحرية(عامر): لقد تم توليك منصب وزير العدل فى البلاد نظرا لعشقه للعدل و المساواة الواضح من خلال مشاركاته و امله فى تغييير المجتمع للافضل...و نأمل منه تحقيق ذلك بمنتهى المصداقية و لكن دون تعصب.

رابعا وزارة التعليم العالى
ال Admin (مصطفى): لقد تم ترشيحك لوزراة التعليم العالى نظرا لاهتمامك بالجزء الدراسي و امدادنا بالمحاضرات و المواقع المفيدة من خلال مجالنا و احانا فعلا محتاجين شويه تطوير فى التعليم الجامعة او التعليم بشكل عام و انت من نظرى مناسب جدا للوزارة دى .

***ملحوظة انا هفصل وزارة الشباب عن وزارة الرياضة و هعمل كل وزارة لوحدها ...و طبعا دا من حقى ما هو انا رئيسة الوزراء و من حقى اعمل اللى انا عايزاه***

خامسا وزارة الرياضة
kinght (خالد): لقد تم ترشيحك لوزارة الرياضة نظرا لتعصبك الرياضى و خصوصا للنادى الاهلى و اهتمامك الواضح بالمواضيع الرياضية ...بس اهم حاجة لازم تعطى اهتمام كبير للنادى الاهلى ...و لو حد عنده اعتراض مش مشكلة نعتبرها تفرقة عنصرية.

سادسا وزارة الشباب
Fido Dido (يسرا): يا ديدو انا رشحتك وزيرة الشباب ..طبعا عشان انتى هتبقى وزيرة روشه و بتفكرى بعقلانية و هتنكوشى فى باقى الوزارات لحد ما تخدى حقك عارفة انك هتحققى انجازات عظيمة من خلال منصبك.

سابعا وزارة الماليه

merenda (نهى) : بجد يا نهى مش عارف ليه انت اول واحدة خطرتى على بالى...يمكن عشان بحس انك جدعة اوى و عندك امانة عالية اوى صعب الاقيها عند ناس كتير ...و عشان احنا محتاجين حد أمين يمسك الوزارة دى لذلك انت احسن واحدة تمسك الوزارة دى.

ثامنا وزارة الثقافة و الاعلام و دول بقى هيبقوا وزارة واحدة معلش يعنى بس دا قرار وزارى و مش عايزة اعتراض و كمان بقى هيمسكوها وزيرين و اللى مش عاجبكه يسيب البلد و يمشي...انا حرة انا رئيسة الوزراء و اعمل اللى عايزاه

هيام و رنا: انا بقى حاسه انكم هتبقوا جامدين جدا مع بعض فى الوزارة مش عارف ليه بس اصل انتو الاتنين دماغكم عالية شوية و عندكم جراة شويتين و ممكن تحققوا انجازات جامدة فى الوزارة دى.

تاسعا وزارة الاستثمار

rabrador: بجد انتى من رأى انك احسن واحدة فى مجال الاستثمار خصوصا فى العربيات ممكن طبعا تعملى فى البلد و لاول مرة شركات لصنع العربيات فى مصر...غير انى بحس انك عندك قابلية التفكير المشاريع المفيدة و الكسبانة على طول

عاشرا وزارة التراث العربى و دى وزارة جديدة من نوعها نعمل على الحفاظ على التراث العربى القديم
lost: انا شايفة انك ممكن تبدع فى الوزارة دى اوى لذلك قد تم ترشيحك وزيرا لها .

ها ايه رايكم بقى انفع ولا لأ ؟؟؟؟!!!!

و طبعا من حقى فى اى وقت اشيل الوزير او الوزيرة اللى مش عجبانى و اللى مش هيشتغل بضمير هيعزل من منصبه...ان مش عندى تسيب فى وزارتى ..... يلا مستنية خطة كل وزير لانجازاته اللى عايز بحققها

دول الوزارات اللى على بالى دلوقتى لو فى اى تجديد هبقى اعمل مؤتمر صحفى واعلمكم بالتغيرات الجديدة

***و يلا بقى انا عايزة الكل يشارك دا اساسا لو عجبتكم الفكرة ***

مع احترامى و تقديرى

زائر

اولا ربنا يسامحك لانى كنت ببعت الرد بتاعى فى نفس وقتك فبعد ما قعد اكتب كتير جدا راح قبل ما اسجله بس ما علينا حصل خير وبعيد عن ده بقى بجد فكره جامده يا مولى تسلم ابداعتك

عايزه بقى اقولكم ان من انهارده مفيش حكومه انا الحكومه

مبدايا نبدا بوزارة التربيه والتعليم والتعليم العالى كمان الاتنين حاجه واحده ودول هيبقوا مسئولية admin لنفس اسباب امل

وزارة الثقافه عاشق الحريه الحقيقه لثقافته فى شتى المجالات مش السياسه فقط

وزارة الخارجيه amr لحسن تصرفه ولباقته وسياسته فى معاملة الاخرين

وزارة الصحه تروح لاصاحبها وبما اننا لا يتوفر لدينا اصحابها فنستعير بصديق فسوف اوليها لصديقتى غاده

وزارة الاوقاف محمد حسام

وزارة الماليه جاسمين طبعا لامانتها وانها اكتر حد ممكن يعدل فى الوزاره دى

وزارة الاعلام والا تصالات شذاوى مش عشان صديقتى لاسمح الله انتوا عارفين مفيش كوسه
بس هى حد يسلك فى الوزاره دى

وزارة والرياضه لازمن يكون حد اهلاوى فنخليها لخالد

وزارة العاملين يعنى اللى يقدر يشغل الشباب ويعرف يختار وكده شادو رمانتها وتفكيرها الجاد

وزارة السياحه امل تقدر تدى فى الوزاره دى

وزارة الشباب روونى طبعا هتقدر تتعامل بشكل ممتاز

وزارة الشعب من صغير لكبير هتكون مسئولية ميرندا والاتصال هيكون من الشعب للوزير عالطول ده غير مجلش الشعب المهم انه مفيش جواجز بين الوزير والشعب زى نواب وكده كل واحد يقول مطالبه وشكاويه دى وزاره مهمه وصعبه بس نهى ادها لاحساسها الطيب والامين

وزارة الزراعه يسرا لانها حد مفكر جيد وعادل وامين

وزارة الداخليه فدى هتبقى مسئوليتى الشخصيه عشان محدش يتحكم فى اللى عايزه بمزاجه

كده نبقى ضمنا اكلنا وتعليمنا وشغلناوصحتنا وامننا خارجيا وداخليا عاوزين ايه تانى

ويا وزاره ماتمت

زائر

أولا مرسي يا هيومة على ردك و تشجيعك بس بعد اذنك لازم يكونوا من اعضاء المنتدى فقط فقط فقط دا قانون بقى ...و اللعبة دى لعبتى و انا اللى احط القواعد مفيش حد من بره.... من الاعضاء بتاع المنتدى فقط فقط فقط ...و لو مش سمعتى الكلام خلاص يبقى انتى بره وزارتى خالص خالص و انا كلمتى واحدة و مفيهاش نقاش

زائر

يا افكارك اللى مالهاش حل يا موللى والله فكره عظيمة جدا .
وبما انى بقى رئيسة الوزراء فقد قمت بتاليف الوزارة الجديدة ونبدا ب:

أولا:وزارة التكنولوجيا والمعلومات

Admin(مصطفى):لقد تم تعيينك وزيرا للتكنولوجيا والمعلومات نظرا لخبرتك ومهارتك فى استخدام الكمبيوتر وما الى ذلك.

ثانيا:وزارة العدل

عمرو:لقد تم تعيينك وزيرا للعدل نظرا لارائك المنطقية ووحسن تصرفك فى الامور ونتمنى منك تطبيق العدل مهما كانت الظروف

ثالثا:وزارة الداخلية

عاشق الحرية(عامر):لقد تم تعيينك وزيرا للداخلية نظرا لارائك الثوريه والفرصة فى ايدك اعمل مابدالك وحقق كل العدل والامن والسلام اللى انت عايزه

رابعا: وزارة الشباب

Just a student(امل):لقد تم تعيينك وزيرة للشباب وذلك نظرا لنظرتك التفاؤلية وحبك للحياة والوزارة بتاعتك انا متأكدة انها هتبقى اروش وزارة عندى وانا هاعتبرها الوزارة المفضلة عندى وهتبقى الاستراحة بتاعتى لان شعارها هيبقى "روق اعصابك"

خامسا: وزارة الرياضة

knight(خالد):لقد تم تعيينك وزيرا للرياضة نظرا لفهمك للشئون الرياضية بس والله لو جبت سيرة الزمالك بحاجة مش ولابد لاخصم من مرتبك انا بقى رئيسة وزراء زمالكاوية وديكتاتورية

سادسا:وزارة الاعلام

merenda(نهى):لقد تم تعيينك وزيرة للاعلام نظرا للباقتك الملحوظة وموهبتك الرائعة وانا واثقة انك هتعملى احلى شغل

سابعا:وزارة الاستثمار

هيام:لقد تم تعيينك وزيرة للاستثمار نظرا لافكارك المتجددة وحبك للتغيير وده شىء مهم جدا للوزارة

ثامنا:وزارة المالية

Fido dido(يسرا):لقد تم تعيينك وزيرة للمالية لان بجد دماغك حلوة اوى وهتعرفى كل حاجة مكانها فين وانتى اكتر واحدة ممكن اسيبلها الوزارة دى وانا مطمنة ومش خايفة تظلمى حد

تاسعا:وزارة التعليم العالى

رنا:لقد تم تعيينك وزيرة للتعليم العالى نظرا لدماغك العالية جدا وانا واثقة انك هتخلى الطلبة يعيشوا احلى ايام حياتهم لانك هتلغى التعليم وده بالظبط اللى انا عايزاه

عاشرا:وزارة النقل والمواصلات

Rabrador:لقد تم تعيينك وعن جدارة لمنصب وزيرة النقل والمواصلات نظرا لاهتمامك بشئون السيارات وخلافه ومصر على ايدك هاتبقى احسن بلد مصنعة للسيارات

شكرا ايها السادة الوزراء على حسن استماعكم واللى مش هايشتغل كويس مالوش عندى مرتب ويبقى يقابلنى مع تحيات اول رئيسة وزراء ديمقراطية ولا فى حد عنده اعترض.

زائر

ههههههههههه لاطبعا ياشادو ديمقراطيه اكيد محدش يقدر يعترض ومرسيه لترشيحك ليا وزارة الاستثمار وانتى يا مولى كمان بس كده الواحد مش هيعرف يعمل ايه ولا ايه وبعدين يامولى انا مش قايله من انهارده مفيش حكومه انا الحكومه ودى وزارتى بقى اعمل اللى انا عيزاه فيها وبعدين فعلا انا بدى لكل حد تخصصه فمعلش بقى للقواعد شواذ يا امولتى

زائر

طبعا يا شادو و هيام مرسي على ترشيحكم ليا وزارة السياحة و وزارة الشباب و على فكرة يا جهاد نسيت اقولك الشعار اللى بتحبيه مووووت

روق اعصابك روق اعصابك
اوعى انت تكون مهموم
و احسب حسابك ان مافى شئ بيدوم

وعلى فكرة انا هعمل شوية عمايل فى وزارتى محصلتش

موضوع: رد: وزارة ما تمت السبت أبريل 11, 2009 1:22 am

بسم الله الرحمن الرحيم
فكرة الموضوع رائعة بس معلهش تشكيل وزارتى هيكون طويل شويه لانى انا رجل ديمقراطى وعايز الوزراء اللى تشتغل معايا تسمع كلامى ومحدش يكسرلى قانون هبدء بالسادة الوزراء من العضوات ladies first
1=امل just a student هتمسكى وزارة الشباب يعنى انا حاسس انى الوزارة دى عايزه حد يكون فاهم الشباب وكمان يكون فاهم هما بيفكروا ازاى وكمان يكون عارف مشاكلهم واحتياجاتهم وايضا تكون الوزيرة هاديه واعتقد الصفات دى موجودة فيكى يا امل وهتكونى احسن من اللى اسمه دبوس الدين خربوش كما انكى ستعطى الشباب مزيدا من النظرات التفاؤليه للمستقبل ومزيدا من الامل .
2=هيام هتمسكى وزارة الصحة مش عارف حاسس انك فاهمه فى الطب وباذن الله هتكونى قادرة على حل المشكلات اللى احنا بنعانى منها حاليا كما انكى ستخلقى حالة من الهيام بين الطبيب والمريض .
3=جهادshadow هتمسكى وزارة الدولة للانتاج الحربى بما انكى من محبى عبدالناصر فاكيد اسلوبك هيكون هجومى مش دفاعى وبصراحة احنا حاليا مفتقدين لوزير يتسم بالشجاعة ويكون مش جبان كما انكى ستحثى الجيش والشعب بصورة محفزة على الجهاد .
4= رنا انا هديلك وزارة الاتصالات حاسس انك جامده فى العلم ده مش عارف ممكن تكونى دارسه communication skills .
5= نهى merneda هتمسكى وزارة الخارجية لان وزير الخارجية لازم يكون حكيم وعاقل وهادى ورزين .......الخ واعتقد ان الصفات دى موجودة عندك كما انكى ستنهى على كثير من الخلافات المتأصله بين الدول .
اما بالنسبة للشباب من الاعضاء الرجال

1= عمرو هتمسك وزارة السياحة لانى انا عارف انك عايز تعمل فى المجال ده وياريت كمان تعمل مشروع سياحى فى بحيرة قارون وباذن الله ستحافظ على اثار بلدنا من ولاد الحراميه .
2= عامر هتكون مسئول عن وزارة الداخلية انا عارف انك كان نفسك تدخل شرطة وكمان انت بتحب قائد الحرس بتاع اداب اوى والشرطة فى عهدك هتكون عامرة اوى .
3= مصطفى admin = بصراحة انت هتكون مسئول عن وزارتين الاولى وزارة التكنولوجيا والتانية وزارة الرياضة بس بشرط لازم ترتد عن تشجيع الزمالك وتشجع الشياطين الحمر .
4=محمد حسام لازم تمسك وزارة الاوقاف والله هتكون فى عهدك ملهاش حل للافضل طبعا .
5= اسلام عادل alking هتمسك وزارة الدفاع بدلا الكحلاوى اللى لا بيهش ولا بينش .
6= محمود طه masrawy وزارة القوى العامله على فكرة مش بالجسم بس بجد يا حوده انت هتبذل مجهود جامد اوى عشان تخف الضغط شويه من على القهاوى .
7= احمد شعبان hero انا شايف ان انت لازم تمسك وزارة التعليم العالى عشان تظبط اللى بيحصل فى الجامعات .
8= احمد رمضان memo اخرك وزارة التربية والتعليم ب105 لا ياعم دانت هتكون وزير وهتاخد 106 مليون جنيه فى الشهر طبعا .
9= على abu_adnan العضو رقم 50 اللى خد الجايزه وفلسع هتمسك وزارة التجارة والاستثمار لان انت ماشاء الله عندك فكر تجارى واستثمارى على اعلى مستوى ماشاء الله ممكن تكسب فى الشهر 5 الف جنيه انا مبحسدش وممكن تكسب فى اليوم 400 جنيه انا مبحسدش ابدا بس لو واحد زيك يا ابوعدنان مسك الوزارة دى احنا هنكون احسن دولة استثمارية ولا تقولى صين ولا يابان مصر هتكون فى عهدك على موائد الرحمن .
10= احمد عبدالواحد هتكون مسئول عن وزارة الثقافة ماشاء الله عليك فاهم ثقافة وكمان بتقدر الفن الراقى المحترم الذى لا يخرج عن النص ذوالرسائل السامية والنبيلة

زائر

ana msh 3arfa ashkor men walla men ya ged3an ana kda ba2et wazera wana 2a3da fe betna وزارة ما تمت Icon_razz

la2 we wazeret shbab we sakafa we e3lam we ta3lem 3aly we etisalat , bas ana kda msh ha3raf ashta3'al kol da ( 2al ya3ny hashta3'l fe3lan وزارة ما تمت Icon_razz

) bas ana momkn fe3lan amshy fe sho3'lanet el e3lam de ( tab3an el bnat 3arfa leh) , bas ana momkn atnazel we ashta3'al m3akom we ashta3'al sho3'lanty ba3d el dohr ba2a وزارة ما تمت Icon_razz

, bas gamda awe el fekra de ya Molly Rabna yedeky el se7a we te2dary 3al balad ( 2asdy el montada da ) , Thanks ya Hayom we isA hakon 3and 7osn zanek fel wezara , mate2la2esh ya Goga ha3alem el 3yal 7aga tenfa3hom ba3d kda we ha yeksabo dahab isA hya ha ta5od maghod mnhom bas msh moshkla hoa el ta3lem 3andy kda , Thanks ya Khaled 3la sekatak fe 5ebrty el motawad3a we isA ha3mloko da2aye2 b balash وزارة ما تمت Icon_razz

Thanks ya gama3a kolokoooooooo we ya rab tkon balad tmam el tmam 3la edena وزارة ما تمت Icon_smile

موضوع: رد: وزارة ما تمت السبت أبريل 11, 2009 12:06 pm

شكرا علي ترشيحاتكم لي في اكثر من مجال مع اني عمري محامت اكون صاحب سلطه وبالنسبه للداخليه هتكون تمام في عهدي يعني هتكون لخدمه البلد مش لخدمه الريس زي مبيحصل والضباط هيتعاملوا مع الناس بمنتهي الادب والامن المركزي ملهوش دعوه بطلاب الجامعه والمظاهرات متاحه لكل الناس والانتخابات مش هتتزور وبالنسبه للعدل والله يا امل انا عمري مكنت متعصب وفي عصرك فعلا هيكون فيه عدل يعني لو رئيسه الوزراء نفسها عملت حاجه غلط هتتحاسب ولو مسكت الثقافه الكتب هتكون في ايد كل الناس والشباب هيعرفوا ازاي يعتزوا بثقافتهم وتراثهم وانا لو شكلت وزاره مش هبعد كتير عن كل اللي اتكتب لكن هعمل وزاره جديده وهسميها وزاره الحب ودي هتعلم الناس ازاي يعيشول مع بعض بحب وازاي ان الخلاف يكون مصدر قوه مش نقطه ضعف بس في الحقيقه مش عارف مين اللي هيمسكها وممكن امسكها بجانب رئاسه الوزراء

زائر

و الله يا جماعة انا فرحانة اوى ان الفكرة عجبتكم بس ملحوظة لعاشق الحرية سوري يعنى انا فى عهدى اعمل اللى انا عايزاه يعنى محدش يقدر يحاسبنى ...لأن اللى هيزعلنى هيعزل من منصبه و بعدين محدش يقدر يكلم رئيس الوزراء بتاعه كداو و يقول انه يحاسبه.... و شكلنا كدا هنعمل تعديل وزارى قريبا.... و انا كمان عايزة اضيف وزارة مسؤله على حث المواطن على الاحلام و الخيال عشان فى هنا كام عضو مفتقدين( زى جهاد مثلا )الخيال و الاحلام ودا مبدأ مهم جدا فى وزارتى ...بس انا برضه اللى همسك الوزارة دى..لازم نحلم دا حتى على قول محمد منير لو بطلنا نحلم نموت ولا ايه؟؟؟؟؟؟

موضوع: رد: وزارة ما تمت السبت أبريل 11, 2009 12:33 pm

يبقي هستقيل من البدايه يعني الكل عندي واحد والكل لازم يتحاسب خلاص الكوسه مش موجوده وبالنسبه للاحلام انا معرفش اعيش من غير حلم يعني الحلم بكره هيبقي واقع وحقيقه بس لازم نصدق نفسنا ونعرف ان الحلم ممكن يتحقق لو حبينا اننا نحقق الحلم اما اللي عايش من غير ميحلم فانا متاسف لازم يراجع حساباته تاني وانا بصراحه مش عارف اقول ايه عشان يصدق ان الحلم مهم يعني لازم يراجع نفسه ومن الاخر اللي بيحلم بحاجه ولو الحاجه دي تهمه هيحققها .اقولكم حاجه احلموا وسيبوها لله هو الحلم بفلوس

زائر

طب خلاص خلاص لا تستقيل ولا حاجة .....اعملوا اللى انتوا عايزينه و اساسا انا ان شاء الله هكون فى منتهى الالتزام و الامانه ...شفتوا بقى انا ديمقراطية ازاى؟؟؟؟!!!! اى خدمة بس اى تقصير فى المسؤليات متلوموش الا نفسكم و بالتوفيق ان شاء الله

زائر

ماشى يا امل ياجبارة يعنى معرفش اقولك كلمتين وتسكتى وبعدين انا قلتلك قبل كده ان انا مش بحلم علشان لو حلمت بحاجة ومتحققتش هاتعب اوى وانا عارفة نفسى كويس والاحلام مش حرام بس انا مش بعرف اعيش غير فى الواقع

زائر

اولا انتى عارفة مبعرفش اسكت و بعدين يعنى انا معملتش حاجة غلط و هفضل وراكى لحد ما اخليكى تحلمى يا جهاد او انا اللى ابطل احلم ايه رأيك بقى؟؟؟؟!!!

موضوع: رد: وزارة ما تمت السبت أبريل 11, 2009 1:57 pm

يبقي الواحد ميحلمش انه ينجح عشان لو سقط هيزعل وهيتأثر انا حياتي كلها حلم ومعرفش اعيش من غير ماحلم يعني لو حلمت بالديوان ومتعملش هموت نفسي ولا لو حلمت ارتبط بحد معين ومحصلش هنتحر لأ هحلم وهحلم وهحلم وهموت وانا بحلم 0
بحلم بحب وبرج حمام
ودنيا حضنها يوسعني
بحلم ولو منعوا الاحلام
هقول محدش يمنعني
اللي النهارده حقيقه امبارح كان حلم واللي النهارده حلم بشويه ةايمان وشويه اصرار وعزيمه هنلاقي الحلم حقيقه اسمعوا كلامي واحلمممممممممموا معايه

زائر

هو دا الكلام اللى من الاخر ...اتعملوا بقى ..بجد انا بحييك على المبدأ الجميل دا

زائر

وانا كمان بحييك وبجد انا معاك فى كل اللى بتقوله

اللي بيحلم بحاجه ولو الحاجه دي تهمه هيحققها

اللي النهارده حقيقه امبارح كان حلم واللي النهارده حلم بشويه ةايمان وشويه اصرار وعزيمه هنلاقي الحلم حقيقه

وبجد عمر ما الدنيا بتقف على حلم ما تحققش هنفضل نحلم تانى وتالت

موضوع: رد: وزارة ما تمت السبت أبريل 11, 2009 2:19 pm

شكرا لكل الي بيحلموا وان شأء الله حلمهم هيتحقق وصدقوني كل حاجه ممكنه بس لازم نصدق حلمنا لان لو احنا مصدقناش حلمنا عمر محد هيصدقوا .وهقول زي عادل امام في احد الافلام اناااااااااااااااااااااااااا بحلم بحلللللللللللللللللللم بحللللللللللللللللللللللللللم احلمو ا هتلاقوا ان بكره احسن

زائر

توبيك تحفه يااموله
ايه يابتنى الحلاوه دى
انا اغيب شويه يحصل كل ده ..!
بجد بشكر كل حد اختارنى فى اى وزاره
كفايه اووووووى انكم ذكرتوا اسمى ده فى حد ذاته بجد حاجه فرحتنى اووووووووووى
وماتقلقوش على الوزرات يتاعتى اكيييييييييييييييييد هخربها ...
ومن غير شكر ده اقل واجب يعنى .
اما بالنسبه للمناقشه الجميله بخصوص الحلم
اكيد ماينفعش نعيش من غير مانحلم
بس اوقات الحلم ده بيبقى نقمه اكتر منه نعمه
يعنى لو حد بيحلم اوووووووووى وذياده عن الطبيعى
اكيييييييييد هيكون خيالى ومش واقعى
وده هيظهر فى تصرفاته وفى طموحاته ولو حلم اكتر من حلم وماتحققش
اكييييد يعنى عدم تحقيقها هيأثر فيه مش معقول اكون بحلم بحاجه وبعدين
ماتحصلش ومش يكون عندى حاله من الاحباط
فلو اتكرر الحلم واتكرر الاحباط اكيد ده مش حاجه كويسه على اى حد مهما كان قوى
مش مطلوب اننا نكون مش بنحلم خالص وواقعيين اوى
ومش مطلوب ان حياتنا كلها تبقى حلم .. لان فى حاجات كتير اوى مش بتبقى فى ايدنا تحقيقها

موضوع: رد: وزارة ما تمت السبت أبريل 11, 2009 8:46 pm

بصوا بقى يا جماعة i confess كل اللى انته قولتوه ده وبالنسبة بقى للى مش بيحلم احنا هنعمل عليه عصابة ويا احنا يا هو فى المنتدى ده احلمى يا بت يا جوجو انتى لحسن والله انتى عارفة هعاقبك واخليكى تجيبيلى كل يوم شيكولاته ولبان وانتى عارفة الباقى بقى وربنا يا رب يكرمنا كلنا ويوفقنا ويحققلنا احلامنا كلنا

زائر

ايوة كدا يا جماعة عايزين نغيرها يلا كلنا عليها

زائر

خلاص ايدى على كتفكم ولو ان انا عارفة النتيجة مسبقا وياديدو انا هاجيبلك كل الشوكولاتة واللبان اللى انتى عاوزاه بس بلاش الباقى والنبى

موضوع: رد: وزارة ما تمت السبت أبريل 11, 2009 9:01 pm

ايون كده يا جوجو لن يؤدبه غيرى لحسن والله..........

موضوع: رد: وزارة ما تمت السبت أبريل 11, 2009 9:02 pm

يللا هبدأ معاكى دلوقتى تخيلينى معاكى دلوقتى ها هنعمل ايه ولا هعمل فيكى ايه؟