تخيلوا معايا كده....وقولولى

بصوا بقى يا جماعة عندى موضوع يمكن يعجبكم ويمكن لأ
تخيلوا كده معايا لو احنا كلنا عايشين فى بيت واحد عايشين مع بعض.
عايزة كل واحد كده يتخيل الموقف وهيعمل ايه مع اللى عايشين معاه مين اكتر حد هيقرفه فى عشته وهيقسم الواجبات المنزلية ازاى وهو طبعا هياخد منها ايه وليه.
وانا هبدأ عايزة اوضة لوحدى ومحدش يدخلها وهمسك الفطار طبعا علشان اسهل حاجة بتتحضر .وحذارى حد يقرب من جهاز الكومبيوتر بتاعى هعذبه. بالنسبة بقى للى هيكونوا عايشين معايا جهاد مش هخليها تغمض عينها وامولتى بقى مش هبطل نكش فيها وتمسك كمان المطبخ لانها طباخة ماهرة كل يوم هخليها تعملى كيكة.
يللا مستنية هنعمل مع بعض ايه؟؟

زائر

اولا فكرة جامدة موووت يا ديدو ...بس فى ازمة لو انتى معايا فى نفس البيت يبقى مش هعرف اعمل لا كيك و لابتاع ...و بعدين هو انا اخلص منك فى الكلية الاقيكى فى البيت ...يلا اهى ايام و هنعيشها..بصى بقى يا حجة انا اللى هكون مسؤلة عن الغداء لانى فعلا بحب اعمل الاكل بكل انواعه بس معلش يعنى مليش دعوة بالمواعين دى ازمة لوحدها وممكن البت جهاد تبقى مسؤلة عنها مش مشكلة...ثانيا: انا مش محتاجة الكمبيوتر العقيم بتاعك انا هجيب لاب توب بتاعى و انا جاية عشان ابقى افرفش كدا و انا فى المطبخ بعملكم الاكل من ايديا يا حلوين ....ثالثا: انا ليا حجرتى لوحدى و اعمل فيها اللى عايزاه بس يا ريت يكون فيها شباك مش بلكونة مبحبش البلكونة...اما بالنسبة بقى للباقى ياريت البت راندا و نهى و و سالى و رنا و نشوى يكونوا معانا اهو يعملوا شوية صوت و دوشة معانا ف البيت ......و كل يوم نعمل partyو نهيس للصبح و ننكوش فى خلق الله ...ملحوظة على فكرة انا هلغى النوم خالص من البيت مبحبش انام و بالذات جهاد كل ما هتنام هصحيها...ها فى ايه تانى بقى ...اليوم كان طويل اصله ..يلا بقى تصبحوا على خير

زائر

لأ ياحلوة انتى وهى هو انا مجنونة علشان اعيش معاكم فى بيت واحد كفااااااية اللى عاملينه فيا فى الكلية وفى اسوء الظروف واضطريت وعشت معاكم ولا هاتشوفوا وشى وهاخد اوضة لوحدى وتبقى جدعة فيكم اللى تدخل اوضتى ولاحتى تقول بم

زائر

ليه كدا بس يا جوجا دا احنا هنريحوكى على الآخر متخافيش خالص....و لا ايه يا ديدو

ايه يا بنت انتى هتعيشى بقى معانا غصب واقتدار وهعذبك عذاب اليم لحد م تبكى منى هوريك

» لو مدير المنتدى طلع عصبي جدا تعالوا شوفوا قوانين منتداه عامله إزاي تخيلوا
» ((خليك معايا)) بروح جديدة
» لو عاوز تتشل ؟ادخل معايا هنا!
» احلم معايا (رائعه حمزه نمره )