اوبه ايه اوبه اه ان شاء الله ها نكسب

بسم الله الرحمن الرحيم

من باب ايماننا باننا اخوه وزملاء فى المنتدى فبأذن الله سنوليكم بالاخبار الهامه التى يمر بها قسمنا العزيز .

يخوض قسمنا العزيز مباراه غدا فى الساعه الحادية عشر ظهرا امام فريق اولى اداب تاريخ , ويدخل ابطالنا المباراه خاصة والبطوله عامة تحت شعار "رد الاعتبار والاخذ بالتار" .
وقد صرح المدير الفنى ( اللى هو انا ) لبعض وسائل الاعلام ( والمنتدى بتاعنا ف اولها ) قائلا:"فريقى سيدخل اللقاء ولا بديل لنا عن الفوز , و احنا صفوفنا مكتمله باستثناء مهاجم الفريق الصريح عامر اللى بيمر بوعكه صحيه حاده وايضا الاصابه التى يعانى منها نجمى المحبب عمرو من البطوله الماضيه "
كما اعلن المدير الفنى لموقع " ياللا كوره" عن القائمه التى سيخوض بها اللقاء وهى :
1) مصطفى صلاح فى حراسة المرمى
2)احمد محمد رمضان فى مركز الليبرو
3)احمد عبدالغفار ظهير ايمن
4)محمد حسام صانع الالعاب
5)احمد شعبان فى نصف الملعب
6) على ابو عدنان فى الهجوم

وقد اعرب المدير الفنى عن استياؤه الشديد للاصابات التى تطارد لاعبيه وخاصة الخطير عمرو والمبدع عامر اللذان لا غنى عنهما , ولكن اكد ايضا ان اللاعبين الموجودين فى الفريق قادرين على سد الفراغات والعبور من هذه المحنه , كما انه سيبقى على لاعبه المفضل عمرو على دكة الاحتياطى تحسبا لاى ظروف طارئه ( معلش يا عمرو هانتعبك معانا) .
واخيرا حذر المدير الفنى من الاستهتار او التهاون , كما حذر من اللاعب الخطير اسلام جمعه والذى يدعى " اسلامو ميسسى حى الكيمان" .

وقد افادت مصادر المنتدى من مصدر موثوق منه ( جدا على فكره) ان المدير الفنى اساسا سعيد بغياب عامر علشان كان بيعقدنا فى اللعب وبيضيع اجوان كتير

وقد اكد طبيب الفريق "احمد ربيع" ان عامر سوف يتعافى فى خلال اسبوع بالكتير بعد الحقنه العضل اللى خدها , وسوف يعود لكى يحرق دمنا من تانى , وقد اكد بخصوص عمرو انه قد يشارك ولكن حذر من خطر الاصابه الذى يهدده بالاعتزال , ولكن عمرو قال بالحرف" انا تحت امر المدير الفنى والفريق لو احتاجونى حتى لو هالعب برجل واحده"

واخيراااااااا
ادعولنا والنبى دا احنا غلابه
كان معكم من منتدى القسم
خالد عبدالتواب

زائر

مبروك مقدما ان شاء الله وان شاء الله تقدروا تاخدوا بتاركم وتردوا اعتباركم

زائر

يلا يا شباب شدوا حيلكم كدا و ارفعوا راس القسم بتاعنا فى السما ....و يلا كمان خدوا بتاركم...و منصورين باذن الله ....و مبروك مقدما و بالتوفيق ان شاء الله

زائر

يارب يارب تكسبوا ومش عاوزين تهريج ولا نقبل اى اعتذارات او اسباب للهزائم يلان شدوا حيلكم يارجاله قلوبنا معاكم وبالتوفيق ان شاء الله

والف مبرووووووك مقدما

ربنا يستـــــــــــــــــر ، وان شاء مش هنرجع من غير الكأس ...
واحنا مش بيهمنا لا من "اسلام ميسي " ولا " محمود هنري " ولا حتي "سيد دروجبا ".

ايه يا مصطفى انت لازم يعنى تخلينى اتنرفز عيب وبعدين انا مش مانع اى تصريحات قبل المباراة والله شكلك كدا اتعودت على الجلوس احتياطيا وربنا يستر واسلامو ميسى ما يرقصكش .

اولا احب اشكرك يا سيادة المدير الفنى خالد على الثقه الغاليه دى وكان نفسى والله اشارك بس ربنا مش عايز بقى بس انتو ان شاء الله اقوى فريق وكفايه روح الحب اللى بينكم ان شاء الله هاتاخدوا الكاس , وانا موجود لو احتجتنى هادوس على نفسى والعب .
وبعدين يا مصطفى خلى بالك من خالد احسن يغضب عليك , مالكش دعوه باللاعبين التانيين .
نسيت اباركلك يا خالد على الرساله بتاع عمرو دياب الف مبرووووك

ههههههههه الله يبارك فيك يا حبيبى حاول يا عمور لو حسيت باى تحسن تدينى اشارة على طول اصابتك لغبطت كل اوراقى بجد انا عايزك تلعب حتى لو مكسح. لا غنى عنك [justify]

"مكسح" يا ساتر يارب انت شكلك كده هاتجيب اجلى ان شاء الله

ليه كدا يا عمرو تاخد المعنى الظاهرى طب ما تاخد المعنى الباطنى للكلمة وهو اننا كقسم انجليزى فى اشد الحاجة لمجهوداتك وبعدين حاول تحسن شوية اسلوب الحوار مع الاب الروحى للفريق اللى بيحبكو وبيدعى انكم تكسبو وما غير فالحين ايوة يا coach العصير حاضر الموبايل حاضر اصل حسام اتاخر دا علاوة على المحاضرات اللى بنفضلها فى سبيلكم.

ياسلام يا كوتش هى دى الروح المطلوبه علشان نكسب , روح بقى نام علشان انت المره اللى فاتت جيت الماتش متأخر

هه ليه بقى الاحراج دا ما انت كنت ماشى كويس وبعدين الماتش اللى اتاخرت فيه كسبنا 4\1 اما الماتش اللى جيته بدرى ف مش هكمل.

خبر مهم للكابتن خالد ، المباره اتأجلت لبكره
والماتش هيتلعب علي اسفلت مش نجيله ، يعني اللي هيقع واقعه واحده خلاص الله يرحمه .............

وماله الاسفلت رجاله يا قسمنا يا قسمنا يا رجالهما شفش العناد فى عيون شباب قسم انجليزى عيب يا درش الكلام دا وبعدين دا اسفلت يعنى هيكون خرسانة مسلحة يعنى اللى هيقع مش ...........

» اكثر الادعية التى كان يدعوا بها رسول الله صلى الله عليه وسلم
» كل عضو وعضوه يدخل يكتب اسم من اسماء الله حتى يدوم ذكر الله
» الفرق بين (ان شاء الله) (انشاء الله)
» الله اكبر الله اكبر ولله الحمد
» هل انت راض بما قسمه الله لك؟؟؟؟