خلص الكلام جديد عاشق اهداء لحبيبي

خلص الكلام
اللي ما بينا وانتهي

والحزن والاحلام عدي وقتها
حسيت باننا
مش لبعض من البدايه
والحقيقة فى النهاية عرفتها
انا وانت حاجتين عمرهم ما
هيبقو حاجة
اصلنا عايشين فى عالم
كل حاجة حلوة
يبقى ضدها
السنين هتمر
وابقى عدها
بس افتكرلى اى حاجة حلوة
منى شوفتها
افتكرلى كلمة حلوة
ولاغنوة
ليك فى يوم كتبتها
مع كل طلعة صباح
مع كل نور للفجر
مع كل عصفور يغنى
تحت ضوء البدر
دعوة لرب السماء
انك تعيش مسرور
فى سعادة طول العمر
من غير بعاد او هجر

اهداء الى حبيب قلبى

عمرو

يا سلام على الكلام الجميل اوى بس فى نفس الوقت مؤلم جدا , انت يا عاشق كل يوم بتبرهن انك شاعر قدير وليك مستقبل كبير ان شاء الله

و فعلا يا عاشق فعلا والله الكلام ده صعب اوى مش ممكن يطلع من واحد الا اذا كان حاسسه ويا سلام بقى لو واحد مش قادر يعبر بالكلام وبيلاقى كلامه فى القصيده بتاعتك
بجد شكرا ليك اوى

معلش يعنى : هو انا من امتى حبيبك ياد انت ياد

الله عليك ، ايه يا ابني الجمال ده ....

زائر

اصلنا عايشين فى عالم
كل حاجة حلوة
يبقى ضدها

بس انا نفسى اسال برده هو مين السبب هل العالم فعلا زى مابتقول هو اللى ضد مش عارفه ليه مش مقتنعه... احنا اللى دايما نحب نصعبها على نفسنا

وفعلا

الحزن والاحلام عدي وقتها

المهم بقى انها قصيده رائعه وانت حد موهوب بجد مش محتاج نقاش فى ده وربنا يوفقك وباذن الله هيكون ليك مستقبل كبير

جامدة طحن يا عاشق ومن الاخر انت شاعر موهوب علشان ما بتقولش اى اكلام فى الهوا ، انا متاكد يا عامر انك بتقول اللى انت حاسه .

يا رب يا عامر اشوفلك دوواين قبل ما اموت( خلاص بقى دنيا) .

ماشى يا عامر مفيش حاجة اهداء للغلبان ، يا راجل حرام عليك دا انت هارينى قصائد اسمع دى طب اسمع دى هى كمان ماشى

مفاجأه ليك يا خالد في عيد ميلادك طبعا انت عارف اني ممعيش فلوس للهديه وهديتي اجمل قصيده لاجمل خالد ف الدنيا وشكرا ع الردود واللي شايف حلم معصلج يرميه ورا صهره ويحلم من جديد وع رأي منير لوبطلنا نحلم ........

لا سيبك بقى من التهريج دا ، اه انا بقدر الشعر والشعراء الموهوبين اللى زى حضرتك بس لو فيه هدية فانا بصراحة يعنى اليومين دول بذاكر ومش فاضى للشعر ( لو شعر انجليزى ماشى بس اوعى تكون daffodils) وبعدين اخوك اليومين دول بيمر بضائقة مالية حادة ، وبعدين يا سيدى لو انت ما معكش عمرو يسلفك دا الاصحاب لبعضيهم طب امال الاخوات؟؟؟!!!!!

ههههههههههههههههه مين يا اخويا اللى يسلفه انت هاتستهبل دا احنا دافنينه سوا , ياابنى ان شاء الله فى عيد ميلادك هانبقى ناخدك نشحت بيك

اه فكرة بردة وبالمرة بقى نروح الحسين بص بقى كنا نعمل احلى شغل خاصة لو انت تمثل دور واحد مكسح او واحد عنده ربعين طايرين ونلمله علشان نشتريله ربع كدا ولا حاجة ، بصراحة الناس كانت هتتفاعل معك جدا يا عمرو ومن خلالك بصراحة هنعمل احلى شغل .

نصيحة من اخ لاخيه: فكر يا عمرو فى العرض صدقنى ما هيتعوض

والله فعلا قصيدة من الاخر كده جامده اخر حاجه ومستنين حاجات زى كده كتير ياله كده شد حيلك

ههههههههههههه لا حلوه يا خالد بس اعتقد ان انت عندك خبره اكتر من اى حد فى هذا المجال , فاكر لما عملت فيها اعمى وسحبناك فى الشارع انت كنت عامل احلى شغل يا ابنى والله ( اينعم العربيه كانت هاتشيلك بس عادى بقى اعمى ) يعنى انت هاتكسب دهب يابنى

خلاص بقى يا عمرو الواحد ما يعرفش يهرج معك شوية وبعدين لما انا عملت اعمى انت كنت محتاج لفلوس كتير وانت عارف انا ما بتأخرش عن كل الغلابة وكنت لازم اعمل كدا علشان اخويا وحبيى ن الصديق وقت الشدة.

» سلامتك يا عاشق
» عاشت مصر "عاشق"بيناديها
» يوميات عاشق الحريه في العربيه
» اسمعوا الكلام
» ايه رأيكم في الكلام ده ؟؟!