عاشت مصر "عاشق"بيناديها

فاكرين زمان ايام سعد ومصطفي كامل وعرابي ....ايام ما كانت مصر بتحب المصريين بجد....حب ام لأولادها
بس دا كان زمان...
ودوام الحال من المحال.....
مصر اتغيرت والمصريين اتغيروا.. وقالو ان العيب في مصر ...وبقي حلم كل مصري انه يهاجر ويبعد .......بس لسه في مصريين بيعشقوا مصر ونفسهم يتغير الحال او حتي يعود زي زمان.
واكيد كلنا عارفين ان عاشق له في حب مصر حكايات.......
اسمحولي احكي منهم حكايه
ويا ريت تسمعوها من البدايه للنهايه:


عاشت مصر حره مستقلة
عاشت مصر حره مستقلة
عاشت مصر واحنا عشنا ليها
عاشت مصر حره ايدنا ف ايديها
عاشت مصر "عاشق" بيناديها

مصر امي ,نيلها دمي
لوهييجي الليل عليها
هاجري "عاشق" اخد ايديها
هاجري اجيب الشمس ليها
هاجري انور لك سماكِ
هاجري مصر احمي حماكِ

بس في صوت بيناديني
صوت سألني عن حنيني
قلت مصر عشقي وسنيني
قلت مصر دي حكاية غرام
شفت فيها حب وسلام

قاللي مين,بتحب مين!
بتحب مصر, حرام مسكين
مصرسابتك,مصرلقيت حب تاني
مصر باعتك, اصله غرقها ف اماني
اصله قال عنك اناني

قلت لاء انا مش اناني
بس مصر دي حب عمري
حب خد عطفي وحناني
حب كان ليلي ونهاري

مستحيل ييجي حد تاني
مستحيل ياخد مكاني

مستحيل يا مصر تنسي
يوم ما غطي الليل سماكِ
يوم ما "عاشق" كان معاكِ
يوم ما نادي الشمس تيجي
يوم ما بدموعه رواكِ

مستحيل ييجي حد تاني
مستحيل ياخد مكاني

مصر ليه بعتيني ردي
مصر جاوبي علي سؤالي
مصر انا ابنك حبيبك
ردي امي ومش هاسيبك

مصر "عاشق" بيناديكِ
عودي مصر حرام عليكِ
مصر انا عاشق هواكِ
مصر "عاشق" عاش فداكِ

Princess

Thanks Lost for your reply.

It seems that the poem doesn't appeal
to the others

But there is still hope,
as there is Lost

مصر ليه بعتيني ردي
مصر جاوبي علي سؤالي
مصر انا ابنك حبيبك
ردي امي ومش هاسيبك


ياترى عاشق بتاع اليومين دول(مش ايام مصطفى كامل وسعد زغلول)هايفضل عاشق كده على طول, يا خوفى ييجى يوم ويقول كفايه عشق بقى ويطفش

شكرا جزيلا ليكى على التألق والروعه

اوكي يا أدمن ولا يهمك
وبجد شكرآ علي ردك
ولسه الامل موجود

شكرآ يا شموسه علي الرد
وربنا ما يحرمنيش منك ابدآ

" ياترى عاشق بتاع اليومين دول(مش ايام مصطفى كامل وسعد زغلول)هايفضل عاشق كده على طول, يا خوفى ييجى يوم ويقول كفايه عشق بقى ويطفش "

تفتكر يا عمرو
انا عن نفسي ما افتكرش
حتي لو ضاقت الدنيا علي عاشق (بتاع اليومين دول)
واضطر انه يهاجر ويبعد عن مصر.اكيد عمره ما هينساها
وهيفضل عاشق كده علي طول.....
يمكن معظمنا مش حاسس بمصر...عادي يعني مكان عايشين فيه.
والسبب بسيط : ان مصر دي زي عنينا او اي عضو فينا
ما نعرفش قيمته الا لو فقدناه
هي دي مصر ببساطه

( يمكن ناسي لانك فيها
مش وحشاك ولاغبت عليها
بس اللى مجرب وفارقها
قال في الدنيا مفيش بعديها )