الحلقة الثانية من برنامج "حكاوى القهاوى"

اولا: مرسي على العصير الجميل جدا يا جوجا.


ثانيا: الحرية بالنسبة لناس كتير اوى أنك تفعل ما تريد في الوقت الذي تريد وبالطريقة التي تناسبك دون قيد أو شرط..بس اظن ان دا عمره ما كان التعريف الحقيقى للحرية ...اه معاكي حق طبعا الحرية معناها المسؤلية اللى انا لازم اكون قدها عشان اكون حر ف حياتى و قرارتى و الا انا بقى مستحقش الحرية اللى انا بطالب بيها ...بس الحرية دى لازم تنتهى عند حرية الاخرين ...يعنى لازم اعترف ان برضه لباقى الناس حرية و لازم يمارسوها مش انا لوحدى بس اللى من حقى ...بس بصراحة الحرية دى كلمة كبيرة اوى صعب نكتب هى بتعبر عن ايه دلوقتى ...هى العقل و المسؤلية ...حلم دايما بنحاول نوصله ...حاجات كتير اوى اوى ....بس اظن ان السؤال اللى انا بوجهه ليكى يا جهاد و لباقى الاعضاء دلوقتى ازاى كل واحد ممكن يمارس الحرية دى فى المجتمع ...و هل فعلا هو اساسا حاسس انه حر ولا فى احساس بالقيود دايما جوانا ؟؟؟؟

و الله يا عمرو ...الحمد لله الواحد عنده احساس و لو بسيط بالحرية ....بس طبعا مش الخيال اللى الواحد كان بيحلم بيه ايام المدرسة ..يمكن نكون حققنا جزء منها ........بس اكيد فى قيود بتخلى الواحد حتى مش قادر يعبر عن رأيه...المشكلة ان المجتمع الى حد ما ظالم بقوانينه اللى احنا حطيناها بنفسنا ...يعنى احنا برضه قيدنا حريتنا بنفسنا ..بس احنا اهو خلاص هانت و هنخلص الكلية ..يا تري بعد كدا هنقدر نحقق الحرية اللى احنا عايزنها و نحاول نغير المجتمع و حاجات تانية كتير بتقف ضد حريتنا؟

سؤالك جميل اوى يا جهاد ...بس ربنا يستر من اللى هيحصلي لان كلامي ممكن يزعل بنات كتير اوى منىى ...بصى طبعا مقدرش انكراننا كبنات حسينا بالحرية الى حد كبير ...بس برضه مننكرش ان فى بنات كتير بصراحة يعنى اساؤا استخدام الحرية ..يعنى بالنسبة ليهم الحرية بقت لبس ...اه لازم يكون فى حرية ف اللبس و كل حاجة بس حسب الحدود الدينية اللى انتى قولتى عليها ...و اللى تخليها فى نظر المجتمع مقبولة ....و الحرية فى اللى هى بتعمله من دون مراعاة الدين او العادات و التقاليد....بس الحاجة اللى مقدرش انكرها كمان ان الحمد لله فى بنات بجد يشرفوا البلد ....ملتزمين اخلاقيا و فكريا..و بالذات فكريا دى ...دلوقتى الحمد لله تلاقى كل البنات من حقها تبدع ف اى مجال هى حبته يعنى استخدمت الحرية صح ...

اولا: اكيد يا سولى و يا جهاد كلامكم صح جدا ...اهم حاجة ارضي ربنا و بعد كدا رضي والدينا ...ربنا يخليهم لينا يا رب ...بجد احنا من غيرهم لا هنعرف حرية ولا اى حاجة خالص ف الدنيا دى

********

ثانيا: فعلا يا جهاد كانت حلقة ممتعة..و طبعا شكرا ليكى على الحلقة الجميلة و الموضوع الاجمل ...و طبعا مش هننسي العصير التحفة دا ....تصبحوا على خير و نشوفكم حلقة تانية ان شاء الله....و ياريت حد من الاعضاء يحدد الموعد الجاي للحلقة الجديدة