الحلقة الثالثة من برنامج ...((حكاوى القهاوى))...

زائر

مرسى يا موللى على الحوار الجميل ده اللى بجد امتعنا وان شاء الله نتقابل مع خالد يوم الجمعة ان شاء الله

للاسف كل الكلام اللي اتقال مش صحيح يعني الاخوان لما يربي دقنه بالكتير بيحددها وبيقصها وبيخليه جميله فعلا ومفيش اخوان بيقصر البنطلون واتحدي اي حد يقول غير كده .لاننا منعرفش ومبنقراش وبنكتفي باللي بيقولوه الناس والافلام بتحصل مشكله كبيره .فيه حاجه اسمها سلف وهما دول اللي بيربو الدقن وبيقصروا البنطلون ودي حريتهم وفيه حاجه كمان اسمها اخوان وهما دول اللي بيتهاجموا من السلف عشان مبيربوش دقونهم ومبيقصروش البنطلون .فكر الاخوان ان الواحد يكون عايش الحياه زي مهيه بس بيحكم دينه فيها يعني هما مش شيوخه لكن متدينيين .الاخوان بيسمعوا اغاني فيها موسيقي وكل الاغاني اللي انا جبتها عملينها الاخوان وعلي فكره ده كله من محمد حاطر اللي هو ابن عمي واخوان وبيسجل للنس دي لان عنده استوديو تصوير ومراته علي فكره خريجه تربيه موسيقيه وممكن تعمل التوزيع الموسيقي لاي اغنيه من اللي فاتت .لأننا منعرفش حاجه بنقول اي كلام يعني لما حد يشوف شيوخ الفضائيات اللي بيحرموا كل حاجه يقول دول اخوان ويبقي مش عارف ان فيه قنوات زي الرساله واقراء هما فعلا اللي بيعبروا عن فكر الاخوان وفيه ستات ومش لابسين النقاب وبيقدموا برامج رائعه .لو تعرفو حزب العداله في تركيه رئيسه كان نائب رئيس حزب الرفاه اللي هو اخوان وهو دلوقتي رئيس وزراء تركيا يعني......يعني الاخوان حركه في 90 دوله مش مصر بس وفي ماليزيا مهاتير محمد اللي غير شكل ماليزيا كان اخوان وعلي فكره كل اللي فاتوا من غير دقون .الواحد لازم يقرا ويعرف قبل ميقول كلام مش صح للاسف فكرتكم عن الاخوان مغلوطه ومش صح ولو حبيتوا نتناقش صح تقولولي انتوا بتقولو كذا وانا ارد ونختلف ونتناقش .الاخوان بيتهاجموا من اللي انتوا تقصدوهم وبيقولو انهم بيغيروا وبيبدلو في الدين وبيسروا كل حاجه وبيتهاجموا من الحكومه لانهم عايزيين تغيير بجد مش كلام في الهوا .المرشد يعني الراس الكبيره من غير دقن وده بنتعاير بيه من السلف اللي انتوا تقصدوهم الاخوان مش هما اللي يعملو كده في زوجاتهم اللي انتوا تقصدوهم جماعه جهله وعمرهم ميكونوا اخوان ولا مسلمين صح يا ريت لو عندكم اي استفسار احب اوضحه ويارب متكونوش زعلانين

زائر

شكرا علي الردبس تسمحيلي اقولك انك مش عارفه حاجه عن الاخوان ويا ريت نسيبنا من كلام لا يودي ولا يجيب وتقوليلي ايه افكار الاخوان ثانيا اللبس والاكل والشرب حريه شخصيه ومينفعش يكونو مقياس لاي حاجه .ان نفسي اعرف انتي تعرفي ايه عن مبادئ الاخوان للاسف ولا حاجه وانا متأكد من كلامي .الاخوان بيشرفوا مصر في اي مكان واظن ان اللي بيشوه الصوره هو النظام وجلادينه وكلابه .نفسي اعرف صوره من اللي مش مشرفه عشان اشتم الاخوان وحالا .مين اللي قالك ان الاخوان عايزين يمسكوا البلد .والله لو بشكل ديمقراطي يبقي مفيش مانع ولا هو حلال علي الناس وحرام علي الاخوان .علي فكره الناس اللي لتعاملت مع الاخوان من زمايلنا زي عمرو وخالد وغيرهم متهيألي رأيهم مختلف جزريا عن كلامك .الصوره اللي واصله للناي غير كلامك تماما والدليل 16مقعد عام 2000و88عام 2005 .الناس اللي تقدر تشوف الامور بانصاف كتير .انا متضايق مش من الكلام لامن انك حاولتيش تقرأي وتعرفي وبعدين تتكلمي علي اساس مظبوط 0وبخصوص الشاب لو كان اخوان او غير اخوان يبقي قليل الادب ومترباش 0اخيرا انا اتأكدت انك بتحكمي علي الاخوان من خلال المحيط اللي حوليك بس بجد محتاجه مراجعه كتير واتمني المره الجيه تجيبيلي فكره من افكار الاخوان مش عاجباك ويارب متزعلي من كلامي

زائر

شكرا على الرد وعلى فكرة الطريقة اللى انت اتكلمت بيها دلوقتى تزعل اى حد متهيالى انا لما عبرت عن رايى اتكلمت بشكل مفيهوش تجريح بالشكل ده وبعدين انت اللى طلبت نقول راينا وده كان رأيى ومتهيالى كل واحد حر فى رده, وانا اللى اسفة انى اتكلمت اساسا

انا مشفتش الردود بتاع جهاد وارائها عن الاخوان ، بس يا عامر اختلاف الراى لا يفسد للود قضية ، وبعدين يا عامر انت اتعصبت جدا وفعلا دا مش اسلوب وطريقة عامر اللى انا اعرفه ، قد يكون من وجهة نظرك ان امل وجهاد مقرئوش كتير عن الاخوان او مسمعوش من وجهات نظر محايدة ، ولكن مينفعش برده يا عاشق تظهر عشقك الكامل للاخوان بالطريقة دى ، فعشقك ظهر كتعصب دا رايى ، اما بالنسبة لسؤالك يا عاشق انى انا ممكن ما مشيش معاك علشان انت اخوان طيب ممكن حد يسيب اخوه او يبعد عن روحه ، وعلى فكرة انا مش بقول كلام والله العظيم انا الامن استدعانى اكتر من 5 مرات علشان ابعد عن عامر والله قلت لقائد الحرس ما اوعدكش وفى الوقت اللى قائد الحرس بعتلى ناسه كنت قاعد مع عامر وبعد ما جيت من مكتب الحرس بدقيقة قعدت مع عامر وخرجنا متعمدين مع بعض من البوابة ، والله لو سجنت لن انفذ رغبة الامن ، اما عن الاخوان فانا مش اخوانى بس لى اصحاب اخوان بس الناس دول محترمين جدا وبيقدروا كل الناس وكمان بيعتبروا اللى حوليهم اخوة بجد ، واللى انا اعرفه ان مطلبهم الرئيسى تنفيذ شرع الله واقامة العدل على يد اى حاكم وليس الوصول للحكم لان واحد زى الشاطر خيرت مش محتاج للكرس او للفلوس ، فعندما حجرت الدولة على اكتر مت 4 مليار جنيه من ممتلكاته خرجت بنته وقالت لو نمنا على الرصيف لن نتخلى عن افكارنا ومبادئنا وعلى فكرة مش عامر اللى قالى كدا انا سمعت كدا بنفس على شاشىة الجزيرة .

انا اسف جدا لو كلامي زعلك بس انا والله مقصدتش حاجه وارجوك تقبلي اسفي

زائر

بص ياعاشق الحرية بجد عشان الموضوع حاسه انه خد اكتر من حجمه...اولا طبعا الاسلوب كان مش لطيف بالمرة و مستفز جدا ...يعنى حتى لو حضرتك معترض على كلامنا يبقى ممكن تعبر عنه بأسلوب دبلوماسي الى حد ما عشان تقدر توضح مبدئك و رأيك اللى عايز توصلوا لينا... و بعدين انت خلاص قلت رأيك و احنا قلنا رأينا يعنى من حقنا نقتنع بكلامك او لا..و كمان بصراحة الكلام اللى انت قلته مش مقنع لأن مش دا الواقع اللى احنا شايفينه و زى ما انت بتدافع عن وجهة نظرك احنا من حقنا كمان ندافع عن رأينا و وجهة نظرنا ....و على فكرة يمكن يكون كلامك فى حاجات صح ...اه يمكن يكون فى اخوان ماشيين عن المبادئ الصح للجماعة بتاعتهم بس برضه دى نسبة ضئيلة جدا ... و مع الاسف مهما حضرتك قلت احنا هنفضل مقتنعين بوجهة نظرنا لان دا اللى احنا معترفين بيه ...و على فكرة احنا مش ضد اللى حضرتك كتبته بس ضد الاسلوب

زائر

ابدا كلامى واقول اختلاف الراى لايفسد للود قضيه احنا اجدع قسم واخوات وزمايل واسمحولى اقول رايى انا بقى مستغربه للمسلم الاخوان والمسلم تبع جماعةمش عارفه ايه والتانى تبع الجماعه التانيه ونيجى نسمع لشيخ يقولولك لا متخديش برايه لان ده اخوان او مش عارفه ايه ودول يطلعوا مفاهيم وتفاسير والتانين ينفوها واسمع بقى ولغبط نفسك بجد ياجماعه احنا بقينا فى زمن المفاهيم المغلوطه كل جماعه من دول وراها هدف من اللى بتعمله وهدف الاخوان للقارئ عنه واللى مش قارى هو الوصول للحكم فى اى اجتماع معاهم اول عشر دقايق عن الدين وبقيت التلات ساعات سياسه كلنا مش عاجبنا الحكام وحال البلد ومع ذلك مكوناش جماعه سياسيه ومتتسماش الا الاسم ده لان هو ده هدفها فى الاول والاخر سورى يعنى اولى حاجه انكم تمشوا على سنة الرسول زى الدقن مثلا لو بتتكلموا عن الدين يعنى

انا مبعترفش باى مسميات لاى جماعات طيب ما نسمع لنوال السعدواى بقى واللى بتكونه وبتعمله استغفر الله العظيم يارب هو احنا بنعمل فى نفسنا كده ليه الحكايه ابسط من كده بكتير ودينا معروف واللى امرنا بيه واللى ناهانا عنه معروف نبينا شرحلنادينا و الدنيا ازاى تتعاش عشان نرضى ربنا ونحسن ختامنا ويبقى مكافاتنا الجنه

احنا مش محتاجين لانقرا عن جماعه س ولا ص احنا كلنا محتاجين نقرا كلام ربنا ونعمل بيه ربنا مقالش فى كتابه اننا نتقسم ل س و ص ربنا عرفنا طريقه هنمشى فيه هنكسب هنمشى عكسه هنخسر

طبعا ياعامر والله انا ماقصدك بكلامى ده خالص انا بتكلم بشكل عام ودى وجهة نظرى من كل المسميات والتقيسمات واللغبطه اللى عملناها لنفسنا ولكم جميعا منى جزيل الشكر والاحترام

انا اسف ليكم كلكم بس والله انا مقصدتش حاجه .انا قصدت اقول ان الواحد لازم يكن محايد ويكون مطلع قبل اي حاجه وانا حبيت اقول ان فكرتكم عن الاخوان مغلوطه وحبيت اوضح حاجات لكن للاسف انتوا اصريتوا علي موقف غلط واللي زعلني انكوا مقدرتوش تفرقوا بين الاخوان وغيره وكان قصدكوا حد تاني بس فعلا انا عايش في وسط الاخوان وعارف اكتر عنهم وكنت احب ان المناقشه تكون موضوعيه يعني لمل حد يقول انا معترض علي افكار الاخوان يقول السبب وايه اللي مش عاجبه وميكونش الكلام في المطلق واتهام وخلاص .بالنسبه لامل انا حبيت اوضح حقيقه مغلوطه ولو سمحتي لو الواقع اللي مش عاجبك حاولي تغيريه وتقولي ايه الصح .هيام انتي غبتي كتير والمنتدي افتقدك بس حكايه الجماعات والاختلاف دي مجرد وجهات نظر وكل واحد يختار اللي يحبه والصح الناس هتروحله وهتقرب منه .اتعصبت وغلطت وانا باعترف لكن اتعصبت علي اخواتي صح ولا ............

ايه يا عم عامر انت كل كام يوم تعملنا مشكله علشان الاخوان , يعنى هايبقى فى الجامعه وفى المنتدى كمان مش كفايه كل شويه واحد ييجى يقوللنا اوعوا تمشوا مع عمر , بس طبعا انت عارف احنا عملنا ايه , المهم ان احنا فى الجامعه طلعت علينا اشاعه ان احنا اخوان علشان ماشين معاك , بس بصراحه يا امل الاخوان مش زى مانتى قولتى خالص , وهما كمان مش ملايكه يا عم عامر , وبعدين يا عم احنا بنتناقش مع بعض مش طالباك بقى تتعصب علينا , المره دى بنكلمك بالذوق , بعد كده بالشووووز على طوووووووول فاهم وللا لا

زائر

على فكرة يا جماعة انا مبحكمش على الاخوان كلهم انهم مش كويسين ...انا قلت ان نسبة ضئيلة منهم هى اللى كويسة ...و ياريت لو فعلا زى ما عامر قال ان اللى نعرفهم دول مش هم الاخوان و ان الناس اللي بجد بنحب نسمعلهم فى اقرأ و الرسالة هم دول الاخوان ..لان لو كدا فعلا يبقى معاك حق انهم كويسين بس برضه نرجع للباقى اللى الناس كلها عارفاه و فاهماه حتى لو الناس دى فاهمة غلط دى مش مشكلتنا احنا ....على فكرة دى مشكلة الاخوان نفسهم ...بجد لازم يحاولوا يبينوا للناس هم مين بالظبط و ايه هي طريقتهم فى الحياة وانهم مش مش مسؤلين عن الناس الغريبة اللى بنشوفهاو برضه بيقولوا احنا اخوان ...دا من وجهة نظرى و زى ما انت يا عامر قلت اننا اخوات و زمايل ف الاول وفى الاخر بس بجد نصيحة يعنى من غير زعل و اكيد طبعا من اختك ...يعنى بجد يا ريت تهدى شوية اعصابك و انت بتتحاور مع اى حد لان الكلام مكنش ضدك دا كان كلام عام و يلازم الرد يكون هادى عشان يتفهم صح ....و شكرا

معلش احب اضيف نقطه كمان يا عامر ( وعلشان تبقى عارفه يا امل) الاخوان كل مايطلع حد كويس ومحترم ومتدين يقولوا عليه اخوان على طووووول وهو ولا يعرفهم اصلا , زى ابوتريكه كده كانوا بيقولوا عليه اخوان لحد ماطلع وقال يا جماعه انا مش اخوااااااااااااان , فهما دايما كده بيحاولوا يخللوا كل الناس الحلوه منهم وخلاص ( وربنا يستر بقى عامر هايقتلنى)

يارب متكونيش زعلتي .انا عصبي للاسف وده عيب هعمل ايه اطلع من المنتدي ولا تستحملو عصبيتي 0بس فعلا زي معمرو قال احنا مش ملايكه وكله فيه الحلووالوحش .حكايه نسبه ضئيله مزعلاني لأن احتكاكك قليل بألأخوان قليل .بالعكس اللي انتي تقصديهم لو قلتيلهم انت اخوان يتصور انك بتشتميه لأن عندهم وسطيه الاخوان تفريط في الدين .لو عايزه تعرفي مين من اللي بتشوفيه اخوام ومين لأ ممكن اقوللك .وجهاد شكلها زعلت وانا متأسف كمان مره عشان الاخوان الصحلازم يعتزر لما يغلط ....

بالظبط كده ياريت نعرف هما مين الاخوان بالظبط , وايه الطريقه اللى ماشيين بيها , وخاصه ان الاخوان عارفين اللى حيحصلهم الانتخابات الجايه ورغم ذلك مصريييين ع اللى فى دماغهم

اللي انت متعرفهش يا عمور ان القيادي البارز بالاخوان الدكتور عصام العريان من ناهيه نفس بلد ابو تريكه واخوه اسامه معتقل سابق لأنه من الاخوان وحكايه ان ابو تريكه من الاخوان ده كان في الجرايد يعني مش كلامنا وتقدر تراجع ارشيف الاسبوع والمصري اليوم والدستور وعلي فكره محدش من الاخان أكد او نفي الكلام ده وعن نفسي انا اكتر حد بحبه ابو تريكه سواء كان اخوان او لأ

» الحلقة الثانية من برنامج "حكاوى القهاوى"
» حلقة حوارية جديدة من برنامج حكاوى القهاوى
» حكاوى القهاوى ...فكرة جديدة ...قول رأيك؟؟
» الجلسة الثالثة من كرسي الاعتراف
» برنامج اصلاح الCDROOm/DVD