كرسي الاعتراف...مستنية رأيكم ؟؟؟!!!!!

تااااااااااااااااااانى
يالللا يا سيدى انا معاك ياريس ونبدأ على بركة الله

اوكى على بركة الله يوم الجمعة الساعة الحادية عشرة ليلا هنبدا اولى حلقات كرسى الاعتراف مع الادمممممممممممن ابو صلااااااااااااااااااااااااااح

صح كده

ربنا يسهل ان شاء الله ونستكمل باقى حلقات كرسى الاعتراف

خلاص اوكي توكل علي بركه الله ... مع اني يوم الجمعه مسافر بني سويف بس ان شاء الله هكون موجود في الميعاد

انا موجود اهه حسب الميعاد

اهلا وسهلا يا درش وجيت لقضاك يا نجم

اول سؤال عايز اسأله ليك : احكيلى بالتفصيل اللى حصل فى الليله بتاع الاوبرج!!!! ههههههههههههههههههههههههههه, طبعا بهزر

سؤالى: ايه اكتر حاجه بتضايقك فى الدنيا ومين اكتر حد انت بتحبه ف الدنيا؟؟؟

اكتر حاجة بتضايقنى لما اقعد مع حد رخم ( زيك كده ) واكتر حد بحبه
اممممممممم
مفيش!

بهرج ياد

نورت يا عمور ...بالنسبه لاكتر حاجه بتضايقني في الدنيا اكيد طبعا الغباء وان يحد يكون واخد فكره غلط عني واكيد في حاجات كتير بتضايقني بس دول اكتر حاجتين بيضايقوني ....اما اكتر حد بحبه في الدنيا ؟؟ انا الحمد لله بحب الناس كلها

مش مقتنع بالاجابه , حاسس انها دبلوماسيه زياده عن اللازم

انا كمان موافقه

اسفه علي التاخير
بس شخصيه زي الادمن كان المفروض تتقدم الاول في موضوع جديد
ونسمي الحلقه "ادمن علي كرسي الاعتراف"
"The man of the forum"
وفين الكرسي والعصير معلهش يا ادمن الصور مش بتثبت
بس انت ممكن تتخيل شكل الكرسي اللي عايزه والعصير اللي نفسك فيه
وتحمد ربنا علي نعمة التخيل
ويلا استعد يا Admin للاسئلة

1- باقة ورد لمن تهديها ؟
2- شخص لا ترفض له طلب؟
3- اليوم فيه 24 ساعة شايف انهم( كتير- قليل- كفايه )؟
4- معاك مسدس فيه 3 رصاصات هتطلقهم علي ايه ؟
5- كل شخص مننا جواه نسبة حزن يا تري نسبة الحزن جوه Admin كام في الميه ؟
6- بتحب ايه اكتر حاجه في كلا من:
(الاكلات- المشروبات – الشهور –الالوان ) ؟
7- إيه العيب اللي شوفته ف Admin وقدرت تغيره وايه العيب اللي مش قادر تتغلب عليه ؟
8- هل خسرت صديق قبل كده؟وليه ده حصل؟ ويا تري بتعامله ازاي دلوقتي لو اتقابتوا؟
9- فيلم بتحس فيه ان شخصية البطل قريبه من شخصيتك (هو ايه) ؟
10- راكب مركب في النيل ومعاك amr و knight وواحده متعرفهاش معاها ولد وبنت وراجل عجوز والمركب هتغرق فلازم ترمي واحد في النيل هتختار مين؟ مفيش وقت الموقف حقيقي ولازم تتصرف
11- ايه السؤال اللي كنت تتمني اني ماسألوش ؟

ايه كويس ولا شويه
انا حاسس انهم شويه

والله يا عمرو ويا روز دي مش دبلوماسيه ولا حاجه وانت يا عمرو يمكن اكتر واحد عارف كده الحمد لله بحب الناس كلها ... اما بالنسبه لبرنسيس اولا ميرسي لذوقك ..
نيجي بقي للاسئله ..
1- باقه ورد هاهديها لكل اعضاء المنتدي ..
2- الشخص الذي لا ارفض له طلب هو واحد كده يمكن محدش في الكليه يعرفه اعتقد انه لو طلب عنيا مش هرفض ...
3- اليوم 24 ساعه انا شايف انهم حلوين اوي بس يا ريت لو اليوم كله يبقي ليل بس ..علشان انا بكره الشمس والنهار والحر .
4- الطلقه الاولي طبعا ومن دون شك هضرب بيها حاجه اسمها النحس " ها يا احمد " ..الطلقه الثانيه هضرب بيها واحده كده جيران مكرهاني في حياتي .. الطلقه الثالثه مش عارف اضرب بيها مين ؟؟ اقولكم انا هاخليها معايا الواحد مش عارف الظروف بعد كده ..
5- بالنسبه لنسبه الحزن اعتقد ان كلنا بيحزن في اوقات وبيفرح في اوقات اما نسبه كام في الميه اكيد لما بكون زعلان بتكون النسبه 100% بس ربنا يبعد عننا الحزن ..
6- انا من النوع اللي مش بيحب الاكل خالص ... ولكن اكتر حاجه بحبها المكرونات بأنواعها ومعتقدش اني باكل حاجه تاني غير المكرونات هههههه.. اما المشروبات دي عادي يعني اي حاجه شغال ...اما الشهور دي كلها بتاعه ربنا مش فارقه ... اما الالوان اكتر لون بحبه اكيد طبعا الاسود ... اكيد حد بيقول دلوقتي يا ساتر يا رب ولكن الاسود اعتقد انه اكثر الالوان وقار دا من وجهه نظري ... واكيد طبعا الابيض علشان الزمالك ...
7- اما العيب اللي فيا اعتقد الاستهتار نوعا ما ويمكن كمان اني بثق في الناس بسرعه اوي ..
8- معتقدش اني خسرت صديق قبل كده لان الصديق اعتقد انه لا يمكن يخسر صديقه مهما كانت الظروف ...
9- مش عارف ... يمكن لسه بيتصور هههههههههه..
10- بدون شك هرمي خالد ههههههه لا طبعا بهزر .... من غير دبلوماسيه اهه ..اكيد خالد وعمرو من اقرب الاصدقاء ليا يبقي اكيد مش واحد منهم ... واحده معرفهاش ومعاها ولد وبنت اكيد طبعا لأ ... الراجل العجوز ده ممكن افكر فيه لانه عايش بقاله كتير ... بس طبعا لا يمكن ارميه ... انا هتعب نفسي ليه .. انا هارمي نفسي واخلص ...
11- متهيألي مفيش اسئله صعبه ولا حاجه ..

اسمحلى يا مصطفى اننى ارد , بس الاسئلة غاية فى الروعه .
بس شكلك كده هاتاخد منى لقب الدبلوماسى علشان اجابات دى , يابنى هات اللى جواك وجاوب بصراحه(فيها ايه لو قلت انك هاترمى خالد , ماتتكسفش قول عادى) فيها ايه لو قلت ان الطلقه التالته هاتقتل بيها عامر(عااااااااادى) والشبشب هاتضرب بيه احمد رمضان(ايه ده دا مفيش شبشب) مش مشكله عادى يا مصطفى , انا عايزك تعترف وتتكلم بصراحه ولا تنسى " انت فى قلبى" " تكلم يابن الشعب"

يا جماعة ممكن تسمحولى اطلق على مصطفى صلاح لقب
الدبلومااااااااااااااااااااااااسى

وتسمحولى برضو اجاوب على نفس الاسئلة
شكرا انكم سمحتولى

1. اخواتى
2. محمد اخويا
3. ال 24 ساعة قليلين جدا
4. اسماعيل ، احمد عويس ( مش صاحبنا واحد تانى ههههههههه) ، ومحمود ابراهيم ( مش صاحبنا واحد تانى ههههههههه) ما فيش رصاصات تانى عشان فى دكتورة كده اعرفها ههههههههههههههههههههههه
5. 80 %
6. الاكل كله ، الشرب كله ماعدا الشاى والقهوة والنسكافية والحاجة الساقعة ههههههههههههه ، العصاير يعنى ، والشهور اغسطس لانه شهر ميلادى ، والالوان ، امممممممممم ، كتير الاسود والبمبى والموف والبرتقالى
7. العيب ، زمان كنت غبى دلوقت بقيت بعرف اتعامل شوية ، واللى مش عارف اغيرة التأخير ع المواعيد وحبى للناس وثقتى فيهم
8. يييييييييييييي كتييير ، الاسباب مش هقدر اقولها لانها طويله وانتو هتزهقوا ، وما بنتقابلش خالص بس ممكن اسلم ع الاقل بس ما اظنش انهم هيسلموا حتى
9. مش عارف مين الشخصية ، قولوا انتوا
10. هرمى اللى بيعرف يعوم بجد مش بهرج ، هسأل مين اللى بيعرف يعوم وارميه
11. مفيش

على فكرة انا جاوت ع الاسئلة لانها جميلة وشيقة ومن رأييى تخلوها دى الاسئلة الافتراضبة

اه صحيح هو مفيش شبشب بس مفيش مانع يبقي موجود الحلقه الجايه
ومع ان معظم اجابات الادمن مش مباشره بس هنعديها
وشكرا محمود علي الاجابه ومش شرط تكون دي الاسئله الافتراضيه
مع ان نفسي اسئلهم لباقي الاعضاء
بس عندي اسئله كتييييييييييير للي يقعد ع الكرسي
ويا ريت اللي عايز يسأل الادمن يتفضل لانه لسه علي الكرسي

لا سيبك م الادمن بقى انا ( ولى الشرف ) انى اعرض على سيادتكم انه تتحط مجموعة من الاسئلة زى كدة والكل يجاوب عليها لحد ما تتغير الاسبوع اللى بعدها برضو للكل

ياريت و سويت اذ روز ومى و amr, ashek el horrya, elfchild, hero, kind heart, knight, lost, MASRAWY, nefro, Nsa'em, princess, sun shining, the beautiful rose, white, zozo, محمد حسام وكل الناس يدخلوا يجاوبوا ع الاسئلة حتى واضع هذة الاسئلة (برنسيس)

علي فكره انا قرأت كل حلقات كرسي الاعتراف اللي اتعملت
قبل ده واستمتعت بيها جدا وحبيت الفكره عشان كده لما قولتوا نعملها تاني
شاركت وقولت يلا نبدأ وقرأت قوانين اللعبه ..
وشايفه ان لما عضو واحد يقعد علي الكرسي وكل الاعضاء يوجهوا له الاسئله
افضل من ان كلنا نجاوب علي نفس الاسئله
لان كل واحد هيفكر يجاوب ازاي ومش هيكون في تركيز...

بس انا حاسه ان المنتدي في حالة خمول ومفيش مشاركه من الاعضاء مش عارفه ليه.

انا اسف يا جماعة ليكو كلكو لان من المفترض كنت ابقى موجود يوم الجمعة واظبط الادمن فى شوية اسئلة كدا ، بس بجد الظروف كانت اقوى منى ومعظم الناس عرفاها علاوة كمان على ورق الجيش اللى شاغلنى جدا ( معملتش برده اى حاجة مقضيها نووووووووم) ، بس عجبتنى اجاباتك على برنسس اللى كلمة حق نشيطة ومتالقة جدا ،ى بس يا يا ادمن حقيقى انا مكنتش اعرف ان انا والواد الغبان عمرو فيه ناس فى المنتدى بتتمنى لينا الغرق ( بس على فكرة يا اادمن انا اجابتك معجبتنيش لان انت نسيت يا درش ان انا سباح وبعوم كويس جدا فااااااكر ولا افكرك لما كنا فى المركب فى البركة وبرده فى سنة اولى الحديقة اليابانية وغيره وغيره وغيره ......... الخ ، بس انا حقيقى زعلان على الواد عمرو مبيعرفش يعوم خالص يغرق فى شبر ميه ) .

ضع العلامة صح امام الجملة المناسبة ليك والغلط للى مش على مزاجك ( اى خدمة مضبطك ) بس مع التعليل فى كلتا الحالتين :
1// اشعر انك غير راضى على اداء بعض الاعضاء فى المنتدى .
2// العضو تشامب اقرب واحد الى قلبك.
3// تعطى لقب الشعلة حاليا فى المنتدى للعضوة Princess
4// مبتحبش السفر للخارج.
5// knight يستحق ان يكون الادمن ( هههههههههههههه)
6// زعلان وحاسس ان المنتدى مفتقد الاعضاء اللى كانوا معانا زمان فى المنتدى .
7// غياب خالد ورمضان عن البنك امس مكنش له تاثير خالص .
8// مامتك بتقول ان مصطفى هيقعد معايا شوية ( حضرتها تقصد انها مش هتخطبلك دلوقت ) وانت تتفق معاها تماما .
9// هناك ظلم للاعضاء البنات اللى فى المنتدى حيث انهم لايشرفون الا على قسم واحد فقط .
10// علبة الدردشة فى اداب انجليزى الفيوم فاشلة .
11 // ولا واحد من زمايلك هييجى بكرة قاعة كريستال.
12// يوم الابرج كان يوم لا ينسى .
13 // مبتحبش الكرونة خالص ومبشربشى حاجة ساقعة .
14// عمرو وشعبان ورمضان وخالد هما السبب فى اخر ميزانية خسرانة للسوبر ماركت بتاعكو .
15// احمد رمضان اكتر واحد محظوظ فى العالم .( لسه مخلصتش جاوب على دول لحد ما اجهزلك شوية تانيين )

اهلا يا خلّود منورنا والله .. بدون مقدمات ندخل علي الاجابات علي طول ...
1- اهو السؤال ده بقي لا صح ولا غلط لأن اكيد اللي بيغيب عن المنتدي بيبقي لظروف واكيد كلنا عندنا ظروف معينه ..
2- طبعا تشامب هو اقرب الناس الي قلبي .. اولا بس في ناس مش عارفه هم مين تشامب ؟؟ هو اكيد حبيب قلبي احمد رمضان اللي هو مواليد نفس يومي .. بس دا طبعا مش يمنع ان كلكم اقرب الناس علي قلبي ..
3- اكيد طبعا برنسيس من انشط الاعضاء الايام دي ومعاها طبعا sun shining , white و lost ...
4- غلط طبعا انا يمكن اكتر واحد عايز يسافر بره ويخلص ... بس انت عارف الجيش بيمثل لينا كلنا دلوقتي اكبر عقده ..
5- لا طبعا اهه من غير دبلوماسيه لان خالد لو بقي الادمن يبقي بيتنا اتخرب ان شاء الله ..
6- اكيد طبعا كل الاعضاء اللي دخلوا المنتدي هنا اخواتي وبحترمهم كلهم ...
7- غلط طبعا امبارح كنت مفتقدكم جدا اانت يا خالد والواد رمضان ...
8- لا طبعا متفقش معاها بس انت عارف بقي اني اخر العنقود ومدلع بقي هههههههه بس طبعا مش متفق معاها ..
9- معتقدش ان في ظلم ولا حاجه
10- لا مش فاشله طبعا بس استخدمها بيكون للاشياء الضروريه
11- لا طبعا كل الناس جايه ان شاء الله بس صلح معلوماتك هي قاعه نفرتيتي واكيد اكيد ان شاء الله كل الناس جايه ولا ايه ؟؟
12- اكيد طبعا يوم لا ينسي ..بس انت عرفت منين ؟؟ هو للدرجه دي الموضوع اتشهر اكيد كان اليوم بتاع الاوبرج ده يوم مش سهل انساه كان يوم غريب
13- غلط طبعا لاني زي ما قلت قبل كده انا مش باكل غير مكرونه .. ويمكن انت عارف اني اكتر واحد بيشرب حاجه ساقعه في الدنيا يعني ممكن اشرب صندوق في اليوم ..
14- لا طبعا انا مش هرد علي السؤال ده
15- اخيرا وصلت للسؤال الاخير والاجابه صح طبعا طبعا

من هو الشخص الذي كان له الاثر الاكبر في صقل شخصيتك ؟

الهوايات ؟

البرامج المفضلة؟

ماهو اخر كتاب قر أته؟؟

ما هو الدافع وراء انشاءالمنتدى؟

ومعلش لو كنت متأخر شويه

يا درش يا دبلوماسى يللى سرقت اللقب من عمرو بجدارة ، وعايزك تجاوب على سؤال الميزانية ، وحقيقى يا ادمن هو ايه الغرض الرئيسى من انشاء المنتدى ؟؟؟؟؟؟

وانا عندى سؤال اتمنى ما اكون اتاخرت

الحياة
الموت
السياسة
العرب
الصداقة

ايه وجهة نظرك عن المصطلحات دى ادمن؟
لسة فى كتييييير
بس كفاية دول كبداية

سوري طبعا علي التأخير بس والله كنت مشغول جدا ... وميرسي lost ،sun shining علي الاسئله ...
ابدأ بأسئله محمود ..
1- الهوايات اكيد كره القدم سواء متابعه او ممارسه... والانترنت والشبكات اللي هما مش هوايه بس دول كمان مجال عمل .. وكنت زمان وانا صغير كنت بحب الرسم اوي بس دلوقتي بكرهه جدا ...
2- البرامج المفضله هو مفيش كتير لاني مش متابع جيد للتلفيزيون بس البرنامج اللي كلنا بنتابعه دلوقتي هو برنامج let's talk .
3- اخر كتاب قرأته بس مش كملته هو كتاب the secret ويمكن انا حطيت اللينكات بتاعته علي المنتدي هنا ..
4- نيجي بقي للسؤال المهم هدفي من انشاء المنتدي ؟؟ اعتقد ان من اول يوم انشاء المنتدي وكان الغرض الرئيسي هو الافاده والاستفاده بحيث اني مثلا مش حضرت محاضره النهارده الاقي حد يقوللي ايه اللي حصل فيها .. بحث مثلا دكتور طالبه .. كتب .. اي حاجه زي كده ويمكن انت لو دورت في قسم الكتب والمراجع هتلاقي حاجات مفيده جدا ومش بسهوله هتلاقيها ...

اما خالد اذا كنت انت مشرف في المنتدي ومش عارف ايه هو الغرض منه .. يبقي انت بتقول ان انت مش جدير بالاشراف ولا ايه ؟؟؟

اما sun shining....
اولا الحياه هي مدرسه كبيره كل يوم بنتعلم فيها حاجه .
الموت حاجه لابد منها ومحدش بيعرف يهرب منه .. بس المهم ربنا يحسن خاتمتنا ويسكنا فسيح جناته ..
السياسه عندنا هنا في مصر معندناش غير سياسه واحده بس واكيد كلنا عارفينها وبلاش كلام كتير في السياسه علشان دا امن قومي ههههههههه
العرب اكيد طبعا زي الفل ههههههه ... لا بجد دلوقتي مفيش حاجه اسمها عربي وعمر ما حالنا هينصلح طول ما احنا بعيد عن ربنا وكل واحد مش بيخاف غير علي كرسيه ..
الصداقه هي اجمل شئ في الدنيا وطبعا الصديق هو اللي بيهون عليك حاجات كتيييير ..

لا قدّر الله
مصطفى ما جاوبش بدبلوماسية!!!!!؟؟؟؟؟؟؟

» اول جلسات كرسي الاعتراف
» الحلقة السادسة من كرسي الاعتراف
» الجلسة الخامسة من كرسي الاعتراف
» الجلسة الثالثة من كرسي الاعتراف
» ثانى جلسة من كرسي الاعتراف