ashek el horrya
مشرف
 عدد المساهمات : 1129
نقاط : 59978
تاريخ التسجيل : 15/12/2008
العمر : 35
بلدك : 
الابراج : 
 | موضوع: الشاعر يهجو سلطان مدينه بورنجا (مارينجوس الاول )  الإثنين أكتوبر 19, 2009 10:35 pm | |
| سلطان مدينة بورنجا أصدر الفرمان
بالقبض علي الهمشري والهمشري غلبان
قال الحقيقة في زمن فيه كل شيء تزوير
كان نفسه يبعت نصيحة لحضرة السلطان
...
كان نفسي يسمع كلامي ويعرف الموضوع
ويحس بيه وأنا رابط حزام م الجوع
ويخف عني شوية الظلم قبل ما أموت
ويبقي صوت الفقير في السلطنة مسموع
...
لما سمعت الخبر فكرت في الزوغان
علشان وزير العسس هايجامل السلطان
ويجيب شهود يشهدوا إني قتلت وزير
ويقولوا إني كمان حرفت في القرآن
...
وحلقت دقني وشنبي وراسي زلبطة
ومشيت علي إيديا زي ماشية القطة
ولقيت مغارة تتاوي الجثة علي قدي
مدام وزير العسس هايدق علي غلطة
...
أمانة لو يسألوا اللي ما يتسموش
قولوا دا واد محترم بس منعرفهوش
خايف علي السلطنة تخرب علي ايديكم
ولولا انوا أمين كان نام ولا هموش
...
وسيد الهمشري طيب مالوش أطماع
خايف علي السلطنة من عودة الإقطاع
أمانة لو مارينجوس سألكم حد شاف سيد
قولوا سيد لا بدلك عند حجر بتاع
...
واديني لابد في حجري لحضرة السلطان
وخلي كل الناس تقول كمان وكمان
مدام هانفضل كده في السلطنة صاحيين
هانخلي مارينجوس يفضل كده قلقان
...
يذكر أن جناب السلطان مارينجوس استدعي كبير البصاصين «حبيب السلطان» وطالبه بالبحث عن الشاعر الغلبان . وقال له بصوت جهوري سمعه كل سكان المدينة: «لو مامسكتش سيد الهمشري بإيدك هخلي اللي ما يشتري يتفرج عليك»!! | |
|
