ashek el horrya
مشرف
 عدد المساهمات : 1129
نقاط : 59978
تاريخ التسجيل : 15/12/2008
العمر : 35
بلدك : 
الابراج : 
 | موضوع: الشاعر امين الديب وخناقه مع مراته  الإثنين مارس 30, 2009 4:49 pm | |
|
أخر كلام
بعد مابقلع هدومى
قبل نومى
لازم أقرا كام مقاله
نرفزونى..سخنونى
حفزونى..إنى أكتب
عن ولاد الكلب
والسفاح شارون
قول سهرت
نمت..بعد الفجر ما إدن
والعيال بيقومونى
صحصحونى
قمت مفزوع من منامى
هجت فيهم
جت مراتى قالت لى..مالك
إيه جرالك؟
ليه بتشخط فى العيال
قلت باحلم
كنت باحلم إنى ميت وانفزعت
انبسطى..؟
كشرت وبسرعة قالت:
إيه دا أصله. طب وماله
يستحق الموت وأكثر
اللى يهرب من عياله
كنت فين م المغربية؟
تيجى بعد الفجر مادن؟
إنت فاكر إن دا ح يخيل على
شعر إيه؟
واللا إيه بتهببه.. وتقول قضيه
هى فين هى القضيه؟
هم يعنى كلمتينك.. اللى حى يحلوا
القضية؟
هيه ناقصة
وإحنا مالنا
ما انت شايف . كله خايف
والمدافع همسه حايره..عالشفايف
وانت عارف
الصهاينة ناس قويه.. ومفتريه
واللى أدهى من داكله
لما يبقى الكل نايم.. وانت قال تكتب
قصيده!!
عن ولاد الكلب والسفاح شارون
أبقى نايمه!!
أسمعك بتقول شارون؟
من غير سلام ولا يحزنون!
انت فاهم إنه ح يهمه الكلام؟
واللا دول عايزين سلام؟
واللا ح يخاف من كلام؟
هو همه من كلينتون. واللابوش
واللاهمه من باراك.. واللاهمه من...!
واللا عايز تبقى شاعر؟
واللا من أبنود جنابك؟
واللا عايز تقديريه؟
قلت طبعاً
أى شاعر يستحق التقديريه
يستاهلها عن جداره
مش خساره
ليه يا خويا
هو طلع إسرائيل؟
واللا عمر فى الصحارا
حاجه تانيه!!
والقطاع العام بيخسر
كان منع عنه الخساره؟
واللاسكان المقابر
كان بنالهم كام عماره؟
واللاشغل ألف عامل
أو منعهم من الدواره؟
واللا وزع عالغلابة
ألف طن من الدقيق
واللاحتى كام شيكاره؟
فوق لروحك
هو خدها عن وهيبه
والأغانى لعبد حليم
مش عشان حل القضيه
القضية هى.. هى
واحنا فى الخيبه القويه!
قلت جاهله.
إنتى جاهله
انتى فاكره الشعر ساهل؟
دا اللى ينكر فضل شاعر
يبقى جاهل
قلبك ابيض
مش حترجع الا لما يحبسوك
عالكبر ويبهدلوك
انت بتقول يا سادتنا يا قادتنا..
ارفضوا تهديد أمريكا والتحيز لليهود؟
طب ولو زعلت أمريكا
طب منين حيأكلونا؟
والحكومة نفسها بتمد إيدها
ويقولوا لهم شحتونا!!
انت عايز يحبسونا ؟
لوعايزنا نقب اكتب
حط همك فى الأغانى
فطر الشعب بأغانى
نيم الشعب باغانى
والأغانى..
بيبعوها بالدولار الأمريكانى
واللا يعنى جت علينا
واشتهينا الفقر.. تانى؟
عيش وهيص
شجع الأبطال ولادنا
اللى رفعوا راس بلدنا
مسخروا أولاد ناميبيا
واللا ليبيا.
عيش وهيص..
انت يعنى كنت غاندى..؟
واللا حافظ واللا شوقى؟
واللا بيرم أو جاهين؟
مانت طول عمرك بتكتب!
حد سمعك؟
قول لى مين؟
والا كام واحد بيحضر
فى النداوى ف أى حته
حتلاقيهم..خمسه سته!
أما لو تكتب أغانى
تبقى نجم ولك سماك
واللى جاى يطلب لقاك
واللى يتصور معاك
والصحافة والإذاعه
والبرامج..
كله ح يسجل معاك
زى شعبان عبدالرحيم
واللا شوف جمهور حكيم
تبقى شاعر زى صاحبك
كل واحد يرضى عنك
الحكومه والصهاينه والخلايجه
والتوانسه
والاجانب والذوات
بالخصوص صنف البنات
هو دا آخر كلامى
تمشى بيه.. أو تفارق من سكات
ميت يمين ماتقول قصيده
لاملا كل الدار صوات
واللى يسأل تانى عنك
راح اقول له غار ومات! | |
|
????
زائر
| | موضوع: رد: الشاعر امين الديب وخناقه مع مراته الإثنين مارس 30, 2009 4:58 pm | |
| قصيدة جميلة جدا بس الست عندها حق لان جوزها شكله مستبيع ومش بيهمه حاجه وهى خايفه على اولادها علشان على رايه اسمه مش هيسيبه الا لما يوديه اللى اسمه ايه ولا ايه |
|
????
زائر
| | موضوع: رد: الشاعر امين الديب وخناقه مع مراته الإثنين مارس 30, 2009 5:01 pm | |
| قصيدة جامدة موووووت ...و معبرة اوى ...و على فكرة زوجة الشاعر كل كلامها صح ....جزاك الله خير ا |
|
ashek el horrya
مشرف
عدد المساهمات : 1129
نقاط : 59978
تاريخ التسجيل : 15/12/2008
العمر : 35
بلدك :
الابراج :
| | موضوع: رد: الشاعر امين الديب وخناقه مع مراته الإثنين مارس 30, 2009 5:06 pm | |
| منقدرش نقول كل كلامها صح لان الراجل من حقه يكتب الشعر زي مهو شايف ومن حقه يصحي الناس وهي كمان من حقها تخاف عليه بس مش للدرجه وكمان معندهاش حق لان الشعر مش ساهل ومش حاجه ملهاش لازمه | |
|
????
زائر
| | موضوع: رد: الشاعر امين الديب وخناقه مع مراته الإثنين مارس 30, 2009 5:11 pm | |
| والله احنا ماقولناش حاجة على الشعر خالص والشعر من غير كلام فن راقى وطبعا الشعر مش سهل ولازم اللى يكتبه يكون موهوب ومتميز |
|
ashek el horrya
مشرف
عدد المساهمات : 1129
نقاط : 59978
تاريخ التسجيل : 15/12/2008
العمر : 35
بلدك :
الابراج :
| | موضوع: رد: الشاعر امين الديب وخناقه مع مراته الإثنين مارس 30, 2009 5:18 pm | |
| انا اقصد ان الشاعر لازم يعبر عن وجهة نظره ومراته من حقها تخاف عليه لكن مش من حقها تمنعه من الحاجه اللي بيحبها والرساله اللي بيقدمها | |
|
????
زائر
| | موضوع: رد: الشاعر امين الديب وخناقه مع مراته الإثنين مارس 30, 2009 5:39 pm | |
| توضيحا لوجهة نظرنا احنا مقصدناش بكلامنا انه على الشعر بالعكس الشعر دا من اجمل و اروع الفنون و اقرب لغة بيحاكيى بيها الانسان نفسه و الناس ..بس فى كلام قالته الزوجة صح و منقدرش ننكر دا زى مثلا
- اقتباس :
- طب ولو زعلت أمريكا
طب منين حيأكلونا؟
والحكومة نفسها بتمد إيدها
ويقولوا لهم شحتونا!!
انت عايز يحبسونا ؟
لوعايزنا نقب اكتب
حط همك فى الأغانى
فطر الشعب بأغانى
نيم الشعب باغانى
والأغانى..
بيبعوها بالدولار الأمريكانى
واللا يعنى جت علينا
واشتهينا الفقر.. تانى؟
و دى كانت مجرد و جهة نظر |
|
MASRAWY
الاعضاء المتميزين
عدد المساهمات : 284
نقاط : 58433
تاريخ التسجيل : 18/12/2008
بلدك :
| | موضوع: رد: الشاعر امين الديب وخناقه مع مراته الإثنين مارس 30, 2009 9:46 pm | |
| حتى لو زوجة الشاعر كلامها صح.هو باردو هيكتب الشعر.وخاصة لما عرف أنها مش عايزاه يكتب.عشان مايحسش أنه سمع كلامها.يعنى هيكتب عند فيها؛ولو ده هيكلفه حياته | |
|
