يمكن الناس هاتقول عليا انى بستغل الفرصه وماصدقت انى " اهيص مع المهيصين" , بس بجد انا مش لاى تانى ينفع انى اقول بقى اللى جوايا , صدقونى انا مش ناكر للجميل على اساس انهم كانوا الدكاتره بتوعنا , بس والله انا ماتعلمت منهم غير الجهل وضيق الافق والنفاق والكدب والاستبداد , انا مش بتكلم عن ايمان وعبدالسلام بس , انا بناشد كل "دكتور فاشل" انه يسيب الشغلانه دى بقى ويروح يعمل حاجه تانيه غير انه يقرف الطلبة ,
رساله الى كل وصولى ومنتهز للفرص : إرحل كما رحل اسيادك
نفسى يسيبوا الجامعه بقى للدكاتره بجد أمثال دكتور على عبدالتواب ودكتور حامد شعبان وغيرهم من الناس الكويسين , وكمان المعيدين اللى بيتعبوا جدا وفى الاخر مش ياخدوا حقهم
انا يمكن بتكلم عن قسم انجليزى بس لأنى ماعرفش باقى الدكاتره فى الاقسام التانيه ولا الجامعات التانيه , بس انا بدى مثل بس , اانا قصدى كل دكتور غبى ومش فاهم , ارجوك استقيل اكرملك لنك هاتحاسب قدام ربنا عن الرسالة اللى المفروض انك بتأديها
امشوا بقى وارحموا الاجيال اللى جاية , امشوا وسيبوهم يعيشوا فى بلد بجد محترمه مفيهاش أمثالكم , ادوهم الفرصه اللى احنا ماقدرناش نحصل عليها
العمل/الترفيه
المزاج
